ഗോവയില്‍ നടക്കുന്ന ദേശീയ ശരീര സൗന്ദര്യ മത്സരത്തില്‍ കേരളത്തിന് വേണ്ടി പങ്കെടുക്കാന്‍ പന്നിക്കോട് സ്വദേശി മുഹമ്മദ് റാഷിദ് ഇന്ന് പുറപ്പെടും
ഗോവയില്‍ നടക്കുന്ന ശരീര സൗന്ദര്യമത്സരം ദേശീയ ചാമ്പ്യന്‍ഷിപ്പില്‍ സംസ്ഥാനത്തിനുവേണ്ടി ഗോദയിലിറങ്ങുന്ന രണ്ടിലൊരാള്‍ പന്നിക്കോട് സ്വദേശി മുഹമ്മദ് റാഷിദ്. വ്യാഴം, വെള്ളി ദിവസങ്ങളില്‍ ഗോവയിലാണ് ഫെഡറേഷന്‍ കപ്പ് ദേശീയ ചാമ്പ്യന്‍ഷിപ്പ്. കേരള ടീമിലേക്ക് തിരഞ്ഞെടുക്കപ്പെട്ട റാഷിദ് പന്നിക്കോട് പൊലുകുന്നത്ത് ബീരാന്‍ കുട്ടി-ഇത്തിക്കുട്ടി ദമ്പതിമാരുടെ മകനാണ്. ചൊവ്വാഴ്ച ഇദ്ദേഹം ഗോവയ്ക്ക് പുറപ്പെടും .
കഴിഞ്ഞവര്‍ഷം നടന്ന ഓപ്പണ്‍ മിസ്റ്റര്‍ കേരള മത്സരത്തില്‍ ചാമ്പ്യന്‍പട്ടം, മിസ്റ്റര്‍ മലബാര്‍ ചാമ്പ്യന്‍, മിസ്റ്റര്‍ കാലിക്കറ്റ് ചാമ്പ്യന്‍ ഓഫ് ചാമ്പ്യന്‍ എന്നീ ബഹുമതികള്‍ നേടി. മിസ്റ്റര്‍ ഇന്ത്യ മത്സരത്തില്‍ ആദ്യ പതിനഞ്ചില്‍ ഉള്‍പ്പെട്ടിരുന്നതുള്‍പ്പെടെ നിരവധി പുരസ്‌കാരങ്ങള്‍ നേടിയിട്ടുണ്ട്. ചെറുവാടിയിലും അരീക്കോടും പ്രവര്‍ത്തിക്കുന്ന ബോഡി സ്‌റ്റൈല്‍ ഫിറ്റ്‌നസ് സെന്ററിലെ ചീഫ് ട്രെയിനറാണ്. 15 വര്‍ഷത്തോളം സൗദി അറേബ്യയിലും ട്രെയിനറായിരുന്നു.
https://www.facebook.com/Malayalivartha
