ഹോക്കിയില് ഇന്ത്യയ്ക്ക് തകര്പ്പന് ജയം, ഒന്നിനെതിരെ ഏഴു ഗോളുകള്ക്കാണ് ഇന്ത്യയുടെ ജയം
ഹോക്കിയില് പാകിസ്ഥാനെ തകര്ത്ത് ഇന്ത്യ. ലോക ഹോക്കി ലീഗ് സെമി ഫൈനല് റൗണ്ടിലെ പൂള് ബി മല്സരത്തില് ഒന്നിനെതിരെ ഏഴു ഗോളുകള്ക്കാണ് ഇന്ത്യയുടെ ജയം. ഇന്ത്യയ്ക്കായി ഹര്മന്പ്രീത് സിങ് (13, 33), തല്വീന്ദര് സിങ് (21, 24), ആകാശ്ദീപ് സിങ് (47, 59), പര്ദീപ് മോര് (49) എന്നിവര് ഗോള് നേടി. പാകിസ്താന്റെ ആശ്വാസ ഗോള് മുഹമ്മദ് ഉമര് ബൂട്ട (57) നേടി.
ഗ്രൂപ്പില് കാനഡയെയും സ്കോട്ലന്ഡിനെയും തോല്പ്പിച്ച ഇന്ത്യയുടെ തുടര്ച്ചയായ മൂന്നാം ജയമാണിത്. കാനഡയെ എതിരില്ലാത്ത മൂന്നു ഗോളുകള്ക്കു തോല്പ്പിച്ച ഇന്ത്യ, സ്കോട്ലന്ഡിനെ 41നും തകര്ത്തിരുന്നു. ഇതോടെ, ഒന്പതു പോയിന്റുമായി ഗ്രൂപ്പില് മുന്നില് നില്ക്കുന്ന ഇന്ത്യ ക്വാര്ട്ടര് ഫൈനല് ഉറപ്പാക്കി. മൂന്നു മല്സരവും തോറ്റ പാകിസ്താന് ഗ്രൂപ്പില് ഏറ്റവും പിന്നിലാണ്.
https://www.facebook.com/Malayalivartha