മാഷേ, സഹായിക്കുന്നവരല്ലേ സുഹൃത്തുക്കള്‍... ധോണിയേയും ദ്രാവിഡിനെയും കുറ്റപ്പെടുത്തി ശ്രീശാന്ത് രംഗത്ത്, ആവശ്യസമയത്ത് സഹായം അഭ്യര്‍ഥിച്ചപ്പോള്‍ രാഹുല്‍ ദ്രാവിഡും എം.എസ്.ധോണിയും പിന്തുണ നല്‍കിയില്ല, എന്നെക്കുറിച്ച് എല്ലാം അറിയാവുന്നയാളാണ് ദ്രാവിഡ് എന്നിട്ടും പിന്തുണച്ചില്ല
ദേശീയ ടീമില്‍ തന്റെ ക്യാപ്റ്റനായിരുന്ന മഹേന്ദ്രസിങ് ധോണിയേയും ഐപിഎല്‍ ടീമായ രാജസ്ഥാന്‍ റോയല്‍സിന്റെ നായകനായിരുന്ന രാഹുല്‍ ദ്രാവിഡിനെയും കുറ്റപ്പെടുത്തി മലയാളി ക്രിക്കറ്റ് താരം എസ്.ശ്രീശാന്ത് രംഗത്ത്. ആവശ്യസമയത്ത് സഹായം അഭ്യര്‍ഥിച്ചപ്പോള്‍ രാഹുല്‍ ദ്രാവിഡും എം.എസ്.ധോണിയും പിന്തുണ നല്‍കിയില്ലെന്നും അതില്‍ നിരാശയുണ്ടെന്നും ശ്രീശാന്ത് വ്യക്തമാക്കി.
ഐപിഎല്‍ വാതുവയ്പുമായി ബന്ധപ്പെട്ട് അറസ്റ്റിലായ ശ്രീശാന്തിനെ ബിസിസിഐ ക്രിക്കറ്റില്‍നിന്ന് വിലക്കിയിരുന്നു. നിയമസഹായം തേടിയ ശ്രീശാന്തിന് ഹൈക്കോടതി സിംഗിള്‍ബെഞ്ചില്‍നിന്ന് അനുകൂല വിധി ലഭിച്ചെങ്കിലും പിന്നീട് ഡിവിഷന്‍ ബെഞ്ച് ഈ വിധി മരവിപ്പിച്ചു. ബിസിസിഐയുടെ ഹര്‍ജി പരിഗണിച്ചായിരുന്നു നടപടി.
ഈ വിധിക്കെതിരെ സുപ്രീം കോടതിയെ സമീപിക്കാനൊരുങ്ങുന്ന ശ്രീശാന്ത് 'റിപ്പബ്ലിക് ടിവി'ക്കു നല്‍കിയ അഭിമുഖത്തിലാണ് മുന്‍ ക്യാപ്റ്റന്‍മാര്‍ക്കെതിരെ തിരിഞ്ഞത്.'ഐപിഎല്ലില്‍ രാജസ്ഥാന്‍ റോയല്‍സ് ടീമിലെ അംഗമായിരിക്കെയാണ് ഡല്‍ഹി പൊലീസ് അറസ്റ്റ് ചെയ്തത്. എന്നെക്കുറിച്ച് എല്ലാം അറിയാവുന്നയാളാണ് രാഹുല്‍ ദ്രാവിഡ്. ദേശീയ ടീം ക്യാപ്റ്റനായിരുന്ന ധോണിക്കു മൊബൈലില്‍ വികാരപരമായി മെസേജ് അയച്ചു. ഇരുവരും പിന്തുണച്ചില്ല' ശ്രീശാന്ത് പറഞ്ഞു.
തനിക്കൊപ്പം ദേശീയ തലത്തില്‍ മുന്‍നിരയിലുണ്ടായിരുന്ന പത്തോളം ക്രിക്കറ്റ് താരങ്ങള്‍ക്കെതിരേ തെളിവുകള്‍ ഉണ്ടെന്നാണ് പൊലീസ് പറഞ്ഞത്. ഈ പേരുകള്‍ മുഴുവന്‍ പുറത്തുവന്നാല്‍ ഇന്ത്യന്‍ ക്രിക്കറ്റിനെ ആകെ അതു ബാധിക്കുമായിരുന്നു.
ഇന്നത്തെ ഇന്ത്യന്‍ ക്രിക്കറ്റ് ടീം രാജ്യത്തിന്റെ ടീമല്ല. ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് (ബിസിസിഐ) എന്ന സ്വകാര്യ ഏജന്‍സിയുടെ ടീമാണ്. രാജ്യത്തെയല്ല അവര്‍ പ്രതിനിധാനം ചെയ്യുന്നതെന്നും ശ്രീശാന്ത് കുറ്റപ്പെടുത്തി.
https://www.facebook.com/Malayalivartha
