സെറീന വില്യംസ് അങ്ങനെ മകളുടെ അച്ഛനെ വിവാഹം ചെയ്തു
ഒടുവില് സെറീന മകളുടെ അച്ഛനെ വിവാഹം ചെയ്തു. ലോക ടെന്നീസിലെ കരുത്തിന്റെ ഇതിഹാസം ഇനി അലക്സിസ് ഒഹാനിയനു സ്വന്തം. ലോക മുന് ഒന്നാം നമ്ബര് സെറീന വില്യംസും റെഡിറ്റ് സഹ സ്ഥാപകന് അലക്സിസ് ഒഹാനിയനും വിവാഹിതരായി. ഈ വര്ഷം ലോകത്തെ ഏറ്റവും വലിയ താര മാമാങ്കമായി കെങ്കേമമായാണ് വിവാഹം നടന്നത്.
ബിയോണ്സ്, കിം കര്ദര്ഷ്യന്, ഇവ ലോംഗോറിയ, കരോളിനെ വോസ്നിയാക്കി, കെല്ലി റോലന്ഡ്, സിയറ തുടങ്ങി ലോകത്തെ പ്രമുഖ താരങ്ങളാണ് സെറീനയുടെ വിവാഹത്തില് പങ്കെടുക്കാനെത്തിയത്. വ്യാഴാഴ്ച ന്യൂ ഓര്ലിയന്സിലാണ് വിവാഹ ചടങ്ങുകള് നടന്നത്. നഗരത്തെ നിശ്ചമാക്കിയായിരുന്നു ചടങ്ങുകള് അരങ്ങേറിയത്. ചടങ്ങുകള്ക്കായി അധികൃതര് നഗരത്തിലേക്കുള്ള വഴികളെല്ലാം അടച്ചിരുന്നു.
ഏകദേശം 10 ലക്ഷം ഡോളറിന്റെ ആഘോഷമാണ് ന്യൂ ഓര്ലിയന്സില് അരങ്ങേറിയത്. ചടങ്ങില് പങ്കെടുത്ത അതിഥികള്ക്കൊന്നും മൊബൈല് ഫോണ് കൊണ്ടുവരാന് അനുവാദമില്ലായിരുന്നു. ചടങ്ങുകള് തത്സമയം അടിച്ചുമാറ്റുമെന്ന പേടിയായിരുന്നു മൊബൈല് നിരോധനത്തിനു പിന്നില്.
തങ്ങള് വിവാഹിതരാകാന് പോകുന്ന വിവരം കഴിഞ്ഞ വര്ഷം ഡിസംബറിലാണ് ദമ്ബതികള് വെളിപ്പെടുത്തിയത്. നീണ്ട 15 മാസത്തെ ഡേറ്റിംഗിനു ശേഷമായിരുന്നു ഈ വെളിപ്പെടുത്തല്. ഈ ബന്ധത്തില് കഴിഞ്ഞ സെപ്റ്റംബറില് ഒളിമ്ബിയ ഒഹാനിയന് ജൂനിയറെന്ന കുഞ്ഞു മാലാഖ പിറന്നു.
https://www.facebook.com/Malayalivartha