ന്യൂസിലാണ്ടില്‍ നടക്കുന്ന ചതുര്‍രാഷ്ട്ര ഹോക്കി ടൂര്‍ണ്ണമെന്റില്‍ പങ്കെടുക്കുന്നതിനായി ഇന്ത്യ. ജനുവരി 17നു ആരംഭിക്കുന്ന ടൂര്‍ണ്ണമെന്റില്‍ ഇന്ത്യയ്ക്ക് പുറമേ ബെല്‍ജിയവും ജപ്പാനും ആതിഥേയരായ ന്യൂസിലാണ്ടുമാണ് മറ്റു ടീമുകള്‍. 20 അംഗ ടീമില്‍ മലയാള താരം ശ്രീജേഷ് തിരികെ എത്തിയിട്ടുണ്ട്. പരിക്ക് മൂലം പല മുഖ്യ ടൂര്‍ണ്ണമെന്റുകളില്‍ നിന്നും ശ്രീജേഷ് 2017ല്‍ വിട്ട് നില്‍ക്കുകയായിരുന്നു. എട്ട് മാസത്തിനു ശേഷമാണ് ശ്രീജേഷ് ദേശീയ ജേഴ്‌സിയില്‍ മടങ്ങിയെത്തുന്നത്.
മന്‍പ്രീത് സിംഗ് ആണ് ടീമിന്റെ നായകന്‍. ഉപനായക സ്ഥാനം ചിംഗ്ലെന്‍സാന സിംഗ് കംഗുജാം വഹിക്കും. കോമണ്‍വെല്‍ത്ത് ഗെയിംസിനുള്ള മുന്നൊരുക്കമായാണ് ഈ ടൂര്‍ണ്ണമെന്റിനെ കാണുന്നതെന്നാണ് മുഖ്യ കോച്ച് ജോര്‍ഡ് മാര്‍ജിന്‍ പറഞ്ഞത്.