ഇംജ മഞ്ഞ് തടാകം നേപ്പാള് വറ്റിക്കുന്നു.
താഴ്വാരങ്ങളിലുള്ള ജനങ്ങളുടെ സുരക്ഷ മുന്നിര്ത്തിയാണ് തടാകം വറ്റിക്കുന്നതെന്ന് നേപ്പാള് സൈന്യം അറിയിച്ചു. സമുദ്രനിരപ്പില് നിന്ന് 16,400 അടി ഉയരത്തിലാണ് ഇംജ തടാകം സ്ഥിതി ചെയ്യുന്നത്.
അനിയന്ത്രിതമായി ജലനിരപ്പ് ഉയരുന്നത് തടാകത്തിന് ചുറ്റുമുള്ള പാലങ്ങളും, വഴികളും വെള്ളപ്പൊക്കത്തില് മുങ്ങുന്നത് പതിവാണ്. ഇത് പരിഗണിച്ചാണ് തടാകം വറ്റിക്കാന് തീരുമാനിച്ചത്. 149 മീറ്റര്വരെ ആഴം തടാകത്തിന് ഉണ്ട്.
തടാകത്തോട് ചേര്ന്ന് നിര്മ്മിച്ച കനാലിലൂടെ വെള്ളം പുറത്തേക്ക് ഒഴുക്കിക്കളയുകയാണ് ചെയ്യുന്നത്. വെള്ളത്തിന്റെ ഒഴുക്ക് നിയന്ത്രിക്കുന്നതിനായി കനാലില് തടയണ സ്ഥാപിക്കാനുള്ള ശ്രമത്തിലാണ് സൈനികര്. ദിനം പ്രതി രണ്ടോ മൂന്നോ മണിക്കൂറാണ് അതിശൈത്യ മേഖലയായ ഇവിടെ സൈനികര് ജോലി ചെയ്യുന്നത്.
ഹിമാലയത്തിലെ ആയിരക്കണക്കിന് മഞ്ഞ് തടാകങ്ങളിലൊന്നാണ് ഇംജ.
സമുദ്ര നിരപ്പില് നിന്ന് 5000മീറ്റര് ഉയരത്തില് എവറസ്റ്റ് കൊടുമുടിക്ക് 10 കിലോമീറ്റര് തെക്കായാണ് നേപ്പാളിലെ ഏറ്റവും വലിയ ഈ മഞ്ഞു തടാകം സ്ഥിതി ചെയ്യുന്നത്. 56000 പേരാണ് തടാകത്തിന് ചുറ്റും താമസിക്കുന്നത്. കാലാവസ്ഥാ വ്യതിയാനം മൂലം കഴിഞ്ഞ 40 വര്ഷമായി തടാകത്തിലെ ജലനിരപ്പ് ഉയരുകയാണ് .എവറസ്റ്റിലും പരിസര പ്രദേശത്തും നടത്തിയ പഠനത്തിന് ശേഷമാണ് തടാകം ഭാഗികമായി വറ്റിക്കുന്നത്. 1000 ത്തോളം മഞ്ഞുതടാകങ്ങളാണ് നേപ്പാളിലുള്ളത്.
അതിവേഗം മഞ്ഞുരുകുന്നതാണ് ഹിമാലയന് തടാകങ്ങളിലെ ജലനിരപ്പ് ഉയര്ത്തുന്നതെന്നാണ് കണ്ടെത്തല്. ആഗോള താപനത്തിന്റെ ഫലമായാണ് ഇംജയിലും ജലനിരപ്പ് ഉയരുന്നത്
നേപ്പാളിനെ കശക്കിയെറിഞ്ഞ കഴിഞ്ഞ വര്ഷത്തെ ഭൂചലനവും ഇംജ തടാകത്തെ അസ്ഥിരമാക്കിയെന്നാണ് പഠനങ്ങള് പറയുന്നത്
https://www.facebook.com/Malayalivartha