വെള്ളത്തിൽ തീർത്ത വിസ്മയം: നീർ മഹൽ
തഹജ് മഹൽ എവിടെയാണെന്ന് ചോദിച്ചാൽ എവിടെയാണെന്ന് എല്ലാവർക്കും അറിയാം .എന്നാൽനീർ മഹാൽ എവിടെയാണെന്ന് അറിയാമോ? ത്രിപുരയിലും ഒരു താജ്മഹാലുണ്ട്,അതാണ് നീർമഹാൽ . ത്രിപുരയിലെ ഏറ്റവും മനോഹരമായ ഈ കെട്ടിടം പക്ഷെ പണിതുയർത്തിയിരിക്കുന്നത് വെള്ളത്തിലാണ്.
പടിഞ്ഞാറന് ത്രിപുര ജില്ലയിലെ മേലാഘയിലാണ് വെള്ളത്തില് വിരിഞ്ഞ ഈ വിസ്മയം ഉള്ളത്. ആറ് ചതുരശ്രകിലോമീറ്റര് വിസ്തൃതിയുള്ള രുദ്രാസാഗര് തടാകത്തിന്റെ ഒത്ത നടുക്കാണ് ത്രിപുരയിലെ രാജകുടുംബത്തിന്റെ വസതിയായിരുന്ന നീര്മഹല് എന്ന ഈ കൊട്ടാരം സ്ഥിതി ചെയ്യുന്നത്. ഇത് പക്ഷെ താജ്മഹൽ പോലെ സ്മാരകമായി ഉണ്ടാക്കിയതല്ല.
ഇന്ത്യ യിലെ സംരക്ഷിത തണ്ണീർത്തടങ്ങളിൽ ഒന്നാണ് ത്രിപുരയിലെ രുദ്രസാഗർ തടാകം. ഈ തടാകത്തിന്റെ വടക്ക് കിഴക്കായാണ് നീർമഹൽ സ്ഥിതി ചെയ്യുന്നത്. കരയിൽ നിന്ന് ബോട്ടിൽ കയറി വേണം ഇവിടെ എത്തിച്ചേരാൻ.
1930ല് ബീര് ബിക്രം കിഷോര് ദേബ് ബര്മ്മന് രാജാവ് നിർമ്മിച്ച ഈ കൊട്ടാരം എഞ്ചിനീയറിംഗ് പ്രഗൽഭ്യത്തിന്റെ ഉത്തമ ഉദാഹരണമാണ് . നിരവധി ഗോപുരങ്ങള്, പാലങ്ങള്, മണ്ഡപങ്ങള്, മട്ടുപ്പാവുകള് എന്നിവ ഈ കൊട്ടാരത്തിലുണ്ട്.
തടാകത്തിന് നടുക്കാണ് കൊട്ടാരം നിര്മ്മിച്ചിരിക്കുന്നതെങ്കിലും കൊട്ടാരത്തിന് ചുറ്റുമുള്ള പൂന്തോട്ടങ്ങളില് വിരിഞ്ഞു നില്ക്കുന്ന വിവിധ നിറങ്ങളിലുള്ള പൂക്കള് ഒരു കാഴ്ച തന്നെയാണ്.അഗർത്തല നഗരത്തിൽ നിന്ന് വളരെ എളുപ്പത്തിൽ ഇവിടെ എത്തിച്ചേരാം.
https://www.facebook.com/Malayalivartha