ഉത്തരവാദിത്ത ടൂറിസം മിഷന്: ഇനി സൈക്കിളിലേറി കുമരകം കാണാം
സൈക്കിള് യാത്രയിലൂടെയും ഇനി കുമരകം കാണാം. വിദേശ വിനോദസഞ്ചാരികള് ഉള്പ്പെടെയുള്ളവര്ക്ക് കുമരകത്തിന്റെ ഗ്രാമീണഭംഗി ആസ്വദിക്കാന് ഉത്തരവാദിത്ത ടൂറിസം മിഷന് അവസരം ഒരുക്കുന്നു. ഇതിനായി വിവിധ പ്രദേശങ്ങളില് സൈക്കിള് പാതകള് ഒരുക്കും.
ഗൈഡിന്റെ സഹായത്തോടെ സൈക്കിള് വാടകയ്ക്കെടുത്ത് കുമരകത്തിന്റെ പ്രകൃതിഭംഗി നേരിട്ട് ആസ്വദിക്കാന് സഞ്ചാരികള്ക്ക് അവസരം ഒരുക്കുകയാണു ലക്ഷ്യം. സൈക്കിള് യാത്രയിലൂടെ കുമരകത്തിന്റെ ജീവിതരീതികള് നേരിട്ടു മനസ്സിലാക്കുകയാണ് ഉദ്ദേശ്യം.
കാര്ബണ് ന്യൂട്രല് പാക്കേജുകളുടെ ഭാഗമായാണു സൈക്കിള് സവാരികള് ആരംഭിക്കുന്നത്. പദ്ധതി നടപ്പാക്കുന്നതിന് ആദ്യഘട്ടമായി പത്തു സൈക്കിളുകള് എത്തി. ഹോട്ടലുകളിലും റിസോര്ട്ടുകളിലുമെത്തുന്ന വിദേശസഞ്ചാരികളുടെ പ്രധാന വിനോദങ്ങളിലൊന്നാണ് സൈക്കിളില് സഞ്ചരിച്ചു കുമരകം കാണുക എന്നത്. ഇതു മനസ്സിലാക്കിയാണ് ഉത്തരവാദിത്ത മിഷന്റെ ആദ്യപദ്ധതിയായി സൈക്കിള് സവാരി തുടങ്ങുന്നത്.
വിദേശികള്ക്കായി ഹോട്ടലുകളിലും സൈക്കിളുകള് തയാര്. ഇതിനു പുറമെയാണ് കുമരകത്തെ വിവിധ കേന്ദ്രങ്ങളില് ഉത്തരവാദിത്ത ടൂറിസം മിഷന്റെ സൈക്കിള് പാതകള് ഒരുക്കുന്നത്. നോക്കെത്താദൂരം പരന്നുകിടക്കുന്ന നെല്വയലുകളും തെങ്ങിന്തോപ്പുകളുമെക്കെ വിദേശ വിനോദസഞ്ചാരികളെ ഏറെ ആകര്ഷിക്കുന്ന പ്രകൃതി ദൃശ്യങ്ങളാണ്. സീസണു തുടക്കം കുറിച്ചതോടെ ഹോട്ടലുകളിലും റിസോര്ട്ടുകളിലും വിദേശ വിനോദസഞ്ചാരികളടക്കം എത്തിത്തുടങ്ങി.
https://www.facebook.com/Malayalivartha