വ്യോമസേന വിമാനാപകടത്തില് മരിച്ച സൈനികന് ഷെറിന്റെ വീട് സന്ദര്ശിച്ച് മുഖ്യമന്ത്രി
വ്യോമസേന വിമാനാപകടത്തില് മരിച്ച സൈനികന് ഷെറിന്റെ വീട് മുഖ്യമന്ത്രി പിണറായി വിജയന് സന്ദര്ശിച്ചു. തിങ്കളാഴ്ച രാവിലെ 9.30 ന് കുഴിമ്പാലോട് മെട്ടയിലെ വസതിയില് എത്തി മാതാപിതാക്കളെ ആശ്വസിപ്പിച്ചു.വ്യോമസേനയുടെ എഎന്32 വിമാനത്തില് പറക്കവെ ജൂണ് മൂന്നിനാണ് ഷെറിനടക്കം 13പേരെ കാണാതായത്. ഒരാഴ്ചയ്ക്ക് ശേഷം എല്ലാവരും മരിച്ചതായി ഇന്ത്യന് വ്യോമസേനാ അധികൃതര് അറിയിച്ചത്.
രണ്ടുദിവസം മുമ്പാണ് വ്യോമസേന അധികൃതര് ചക്കരക്കല് പോലീസ് സ്റ്റേഷനിലെത്തി ഭൗതിക ശരീരം കൊണ്ട് വരുന്നതുമായി ബന്ധപ്പെട്ട് നിര്ദേശങ്ങള് കൈമാറിയത്. അസമിലെ ജോര്ഹട്ടില് നിന്ന് അരുണാചല് പ്രദേശിലെ മേടുകയിലേക്ക് പോകവേയായിരുന്നു സൈനിക വിമാനം കാണാതായത്.
ദിവസങ്ങള് കഴിഞ്ഞാണ് 12,000 അടി ഉയരത്തില്നിന്ന് വിമാനത്തിന്റെ അവശിഷ്ടങ്ങള് കണ്ടെത്തിയത്. വിമാനം തകര്ന്ന് വീണ പ്രദേശത്തേക്ക് ഹെലികോപ്ടര് ഇറക്കാന് സാധിക്കാത്തതിനെ തുടര്ന്ന് പാരച്യൂട്ടുകള് ഉപയോഗിച്ചാണ് ആളുകളെ ഇറക്കിയത്. മോശം കാലാവസ്ഥയെ തുടര്ന്ന് തിരച്ചില് നിര്ത്തിവെക്കേണ്ട സ്ഥിതിയുണ്ടായിരുന്നു. ഇപ്പോഴും തിരച്ചില് പൂര്ണമായും നടത്താന് സാധിച്ചില്ലെന്നാണ് ഒടുവില് ലഭിച്ച വിവരം.
"
https://www.facebook.com/Malayalivartha