ഇന്ന് സംസ്ഥാന വ്യാപകമായി കെഎസ് യു വിദ്യാഭ്യാസ ബന്ദ്
ഇന്ന് സംസ്ഥാന വ്യാപകമായി കെഎസ് യു വിദ്യാഭ്യാസ ബന്ദ്. കേരള സര്വകലാശാല മാര്ക്ക് തട്ടിപ്പ് വിവാദത്തില് സ്വതന്ത്ര അന്വേഷണം ആവശ്യപ്പെട്ട് കെഎസ്യു നിയമസഭയിലേക്ക് നടത്തിയ മാര്ച്ചിനു നേരെയുണ്ടായ പൊലീസ് ലാത്തിച്ചാര്ജില് പ്രതിഷേധിച്ചാണ് വിദ്യാഭാസ ബന്ദ് ആചരിക്കുന്നത്. പൊലീസ് ലാത്തിചാര്ജില് ഷാഫി പറമ്ബില് എംഎല്എക്കും കെഎസ്യു സംസ്ഥാന പ്രസിഡന്റ് കെഎം അഭിജിത്തിനും പരിക്കേറ്റിരുന്നു.
മാര്ച്ചിനിടെ ഷാഫി പറമ്പില് എംഎല്എയുടെ നേതൃത്വത്തില് പ്രവര്ത്തകര് റോഡ് ഉപരോധിച്ചിരുന്നു. ഇവരെ പൊലീസ് അറസ്റ്റ് ചെയ്ത് നീക്കി. ഇവരെ കൊണ്ടുപോയ പൊലീസ് വാന് പ്രവര്ത്തകര് ചേര്ന്ന് തടഞ്ഞു. തുടര്ന്ന് പൊലീസും പ്രവര്ത്തകരും തമ്മില് സംഘര്ഷമുണ്ടാവുകയായിരുന്നു.പൊലീസ് പ്രവര്ത്തകര്ക്ക് നേരെ ലാത്തി വീശി. ഇതിലാണ് ഷാഫി പറമ്പില് ഉള്പ്പടെയുള്ള നേതാക്കന്മാര്ക്ക് പരിക്കേറ്റത്. ഷാഫി പറമ്പില് എംഎല്എയുടെ തലയ്ക്ക് പൊട്ടലുണ്ട്. ഇവരെ ആശുപത്രിയിലേക്ക് മാറ്റി.
https://www.facebook.com/Malayalivartha