62 പേര്ക്ക് കൂടി കൊവിഡ്; ജയിലില് കഴിയുന്ന രണ്ട് പേര്ക്കും ഒരു ആരോഗ്യ പ്രവര്ത്തകയ്ക്കുംഎയര് ഇന്ത്യയുടെ ക്യാബിന് ക്രൂവിലെ രണ്ടുപേര്ക്കും ഇന്ന് കോവിഡ് സ്ഥിരീകരിച്ചു; 10 പേര്ക്ക് രോഗം ഭേദമായി
സംസ്ഥാനത്ത് ഇന്ന് 62 പേര്ക്ക് കൂടി കൊവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയന് അറിയിച്ചു. പാലക്കാട് 14, കണ്ണൂര് 7, തൃശൂര് 6, പത്തനംതിട്ട 6, മലപ്പുറം 5, തിരുവനന്തപുരം 5, കാസര്ഗോഡ് 4, എറണാകുളം 4, ആലപ്പുഴ 3, വയനാട് 3, കൊല്ലം 2, കോട്ടയം , ഇടുക്കി, കോഴിക്കോട് ഒന്ന് ഈതം. എന്നിങ്ങനെയാണ് പരിശോധനാ ഫലം പോസിറ്റീവായത്. 33 പേര് വിദേശത്തുനിന്നും 23 പേര് മറ്റു സംസ്ഥാനങ്ങളില്നിന്നും വന്നവരാണ്. ഒരാള്ക്ക് സമ്ബര്ക്കത്തിലൂടെയും രോഗം പകര്ന്നു. രോഗം ബാധിച്ചവരില് 31 പേര് മഹാരാഷ്ട്രയില് നിന്നു വന്നവരാണ്. തമിഴ്നാട് 10, മഹാരാഷ്ട്ര 10, കര്ണാടക, ഡല്ഹി, പഞ്ചാബ് 1 വീതം എന്നിങ്ങനെയാണ് മറ്റു സംസ്ഥാനങ്ങളില് നിന്നുമെത്തിയ പോസിറ്റീവ് കേസുകള്. ജയിലില് കഴിയുന്ന രണ്ട് പേര്ക്കും ഒരു ആരോഗ്യ പ്രവര്ത്തകയ്ക്കുംഎയര് ഇന്ത്യയുടെ ക്യാബിന് ക്രൂവിലെ രണ്ടുപേര്ക്കും ഇന്ന് കോവിഡ് സ്ഥിരീകരിച്ചു.
ഇന്ന് 10 പേര്ക്ക് രോഗം ഭേദമായി. ഇതുവരെ 1150 പേര്ക്കാണ് സംസ്ഥാനത്ത് രോഗം സ്ഥിരീകരിച്ചത്. അതില് 577 പേര് ഇപ്പോള് ചികിത്സയിലാണ്. 124167 പേരാണ് ഇപ്പോള് നിരീക്ഷണത്തിലുള്ളത്. 123077 പേര് വീടുകളിലോ ഇന്സ്റ്റിറ്റിയൂഷണല് ക്വാറന്റൈനിലോ ആണ്. 1080 പേര് ആശുപത്രികളിലുമാണ്. 231 വെള്ളിയാഴ്ച പേരെ ആശുപത്രിയില് പ്രവേശിപ്പിച്ചു.
കോട്ടയം മെഡിക്കല് കോളേജില് ചികിത്സയിലായിരുന്ന തിരുവല്ല സ്വദേശി ജോഷിയാണ് ഇന്ന് മരിച്ചത്. 68 വയസ്സായിരുന്നു. ഇന്ന് രാവിലെ രണ്ട് മണിക്കായിരുന്നു മരണം. കടുത്ത പ്രമേഹ രോഗിയായിരുന്നു. ഇതോടെ കേരളത്തില് കൊറോണ വൈറസ് ബാധിച്ചു മരിച്ചവരുടെ എണ്ണം എട്ടായി.
അബുദാബിയില് നിന്നും മെയ് 11 നാണ് ജോഷി നാട്ടിലെത്തിയത്. കൊവിഡ് രോഗലക്ഷണത്തെ തുടര്ന്ന് മെയ് 18 ന് പത്തനംതിട്ട ജനറല് ആശുപത്രിയില് പ്രവേശിപ്പിച്ചിരുന്നു. വിദഗ്ധ ചികിത്സയ്ക്കായി 26 ന് കോട്ടയം മെഡിക്കല് കോളേജിലേക്ക് മാറ്റി. ഇന്നലെ രാത്രി ആരോഗ്യസ്ഥിതി വഷളായതോടെ വെന്റിലേറ്ററിലേക്ക് മാറ്റിയിരുന്നു. പ്രമേഹം മൂലം മറ്റു ശാരീരിക അസ്വസ്ഥതകള് ഉണ്ടായിരുന്നതായിട്ടാണ് വിവരം.
കേരളത്തില് സാമൂഹിക വ്യാപനമുണ്ടായിട്ടില്ലെന്ന് ആരോഗ്യ മന്ത്രി കെകെ ശൈലജ. സാമൂഹിക വ്യാപനം സംശയിക്കുന്ന രീതിയില് സംസ്ഥാനത്ത് ക്ലസ്റ്ററുകള് റിപ്പോര്ട്ട് ചെയ്യപ്പെട്ടിട്ടില്ലെന്ന് ആരോഗ്യ മന്ത്രി വ്യക്തമാക്കി. കൊവിഡ് കേസുകള് കൂടുതലായിട്ടുള്ള ഇടങ്ങളില് നിന്നും ആളുകള് വരുന്നതിനാല് രോഗികളുടെ എണ്ണത്തില് വര്ധനവ് ഉണ്ടാകുമെന്ന് പ്രതീക്ഷിച്ചിരുന്നതായും ആരോഗ്യ മന്ത്രി പറഞ്ഞു. മെയ് ഏഴ് വരെ 512 പേര്ക്കാണ് കൊറോണ വൈറസ് സ്ഥിരീകരിച്ചിരുന്നത്. ഇതിന് ശേഷം രോഗികളുടെ എണ്ണം വര്ധിച്ചു. രോഗ വ്യാപനം സംശയിക്കുന്ന ഇടങ്ങള് കണ്ടൈന്റ്മെന്റ് സോണായി കണക്കാക്കുകയാണ് ചെയ്യുന്നതെന്നും ആരോഗ്യമന്ത്രി ചൂണ്ടിക്കാട്ടി.
'നമുക്ക് അറിയാത്ത സോഴ്സില്നിന്നും ഒരു കോവിഡ് പോസിറ്റീവ് കേസ് കിട്ടുകയും അതിന്റെ പരിസരത്ത് നിരവധി പോസിറ്റീവ് കേസുകള് ഉണ്ടാവുകയും ചെയ്യുന്നു. എന്നാല് ഇതിന്റെയൊന്നും സോഴ്സ് നമുക്ക് അറിയില്ല. അപ്പോഴാണ് സമൂഹവ്യാപനം നടക്കുന്നു എന്ന് പറയാനാവുക. അത്തരത്തില് ഒരു സാഹചര്യം ഇതുവരെ കേരളത്തില് ഉണ്ടായിട്ടില്ല. അതുകൊണ്ടുതന്നെയാണ് സമൂഹവ്യാപനം ഉണ്ടായിട്ടില്ല എന്ന് ഉറപ്പിച്ചുപറയാന് സാധിക്കുന്നത്', കെകെ ശൈലജ വ്യക്തമാക്കി. സംസ്ഥാനത്ത് സമ്ബര്ക്കത്തിലൂടെ രോഗം പിടിപ്പെട്ടവര് കുറവാണ്. ആദ്യ ഘട്ടത്തില് 30 ശതമാനവും രണ്ടാം ഘട്ടത്തില് 15 ശതമാനവും മാത്രമേ സമ്ബര്ക്കത്തിലൂടെ രോഗവ്യാപനമുണ്ടായുള്ളു. 'ഇന്ന് ഈ ദിവസം വരെ കേരളത്തില് കമ്യൂണിറ്റി സ്പ്രെഡ് ഉണ്ടായിട്ടില്ല. എന്നാല് ഭാവിയില് ഉണ്ടാവില്ല എന്ന് പറയാനും കഴിയില്ലെന്ന്' മന്ത്രി ചൂണ്ടിക്കാട്ടി.
https://www.facebook.com/Malayalivartha