വിവാദ യൂട്യൂബര് വിജയ് പി നായര്ക്ക് ജാമ്യം; ഭാഗ്യലക്ഷ്മിയുടെ മുന്കൂര് ജാമ്യാപേക്ഷയില് വിധി നാളെ
ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി അടക്കമുള്ളവരെ കൈയേറ്റം ചെയ്ത കേസില് വിവാദ യൂട്യൂബര് വിജയ് പി നായര്ക്ക് കോടതി മുന്കൂര് ജാമ്യം അനുവദിച്ചു. സംഭവവുമായി ബന്ധപ്പെട്ട് തമ്ബാനൂര് സ്റ്റേഷനില് റജിസ്റ്റര് ചെയ്ത കേസിലാണ് ജാമ്യം. എന്നാല് ഐ.ടി. ആക്ട് പ്രകാരം മ്യൂസിയം പൊലീസ് സ്റ്റേഷനില് റജിസ്റ്റര് ചെയ്ത കേസില് വിജയ് പി.നായര് റിമാന്ഡിലാണ്. വിഷയത്തിൽ പൊലീസ് എതിര്ത്തെങ്കിലും ഉപാധികളോടെയാണ് ജാമ്യം അനുവദിച്ചത്.
അശ്ലീല വിഡിയോ യൂടൂബിലൂടെ പ്രചരിപ്പിച്ചതിന് ജാമ്യമില്ലാ വകുപ്പുകള് പ്രകാരം എടുത്ത കേസില് റിമാന്ഡിലാണ് വിജയ് പി നായര്. മുന്കൂര് ജാമ്യം ലഭിച്ചെങ്കിലും ഇയാള്ക്ക് പുറത്തിറങ്ങാനാവില്ല. അതേസമയം ഭാഗ്യലക്ഷ്മി അടക്കമുള്ളവര്ക്ക് നേരെ വിജയ് പി നായര് നല്കിയ കേസില് കോടതി നാളെ വിധി പറയും. ഈ കേസില് വിശദമായ വാദം കേള്ക്കല് പൂര്ത്തിയായിരുന്നു.
ഭാഗ്യലക്ഷ്മിക്കൊപ്പം ദിയ സന, ശ്രീല്ഷ്മി അറയ്ക്കല് എന്നിവരാണ് കേസിലെ പ്രതികള്. മോഷണം, മുറിയില് അതിക്രമിച്ചു കടന്നു തുടങ്ങി അഞ്ചു വര്ഷം തടവു ലഭിക്കാവുന്ന കുറ്റങ്ങളാണ് ഇവര്ക്കെതിരെ ചുമത്തിയിരിക്കുന്നത്.
https://www.facebook.com/Malayalivartha
