വിയ്യൂർ സെൻട്രൽ ജയിലിലെ ഇതര സംസ്ഥാനക്കാരമായ തടവുപുള്ളി രക്ഷപ്പെട്ടു. ഉത്തർപ്രദേശ് സ്വദേശിയായ ഷെഹീൻ എന്നയാളാണ് രക്ഷപ്പെട്ടതെന്ന് ജയിൽ അധികൃതർ വ്യക്തമാക്കി. പോക്‌സോ കേസ് പ്രതിയാണ് രക്ഷപ്പെട്ടത്. തൃശൂർ വിയ്യൂർ സെൻട്രൽ ജയിലിൽ തടവിൽ കഴിയുകയായിരുന്ന ഷെഹീൻ ആശുപത്രിയിൽ പോകുന്നതിനിടെയാണ് പോലീസുകാരുടെ കണ്ണുവെട്ടിച്ച് മുങ്ങിക്കളഞ്ഞത്.

ജയിലിൽ നിന്ന് തൃശൂർ മെഡിക്കൽ കോളേജിലേക്ക് ചികിത്സയ്‌ക്ക് എത്തിച്ചപ്പോഴായിരുന്നു സംഭവം. പ്രതിക്കായുള്ള അന്വേഷണം ഊർജിതമാക്കിയതായി പോലീസ് അറിയിച്ചു.