വനിതകള്‍ക്കായി കെ.എസ്.ആര്‍.ടി.സി കോട്ടയം ഡിപ്പോ ആകര്‍ഷകമായ ടൂര്‍ പാക്കേജുകളൊരുക്കി .ലോക വനിതാ ദിനത്തോട് അനുബന്ധിച്ചാണ് വനിതകള്‍ക്കായി കോട്ടയത്ത് നിന്ന് വണ്ടര്‍ലായിലേക്ക് പ്രത്യേക സര്‍വീസ് നടത്തുന്നത്.

900 രൂപയാണ് ചാര്‍ജ്. ഭക്ഷണം വണ്ടര്‍ലായിലാണ് ക്രമീകരിക്കുന്നത്. രാവിലെ 8 ന് ആരംഭിക്കുന്ന സര്‍വീസ് രാത്രി ഏട്ടോടെ കോട്ടയത്ത് തിരിച്ചെത്തുന്ന രീതിയിലാണ് പാക്കേജ് . പരുന്തുംപാറ, വാഗമണ്‍ എന്നിവിടങ്ങളിലേയ്ക്കും സര്‍വീസ് ആരംഭിക്കും. 400 രൂപയാണ് ചാര്‍ജ്. രാവിലെ 8ന് ആരംഭിച്ച് രാത്രി 8.30 ഓടെ കോട്ടയത്ത് തിരിച്ചെത്തും.

വനിതാദിനത്തോട് അനുബന്ധിച്ച് 8 മുതല്‍ 13 വരെ നവജീവന്‍ ട്രസ്റ്റ്, സ്‌നേഹക്കൂട് അഗതിമന്ദിരം എന്നിവിടങ്ങളിലെ വയോധികര്‍ക്ക് ടൂര്‍ പാക്കേജ് സ്‌പോണ്‍സര്‍ മുഖേന ക്രമീകരിച്ചിട്ടുണ്ട്. കോട്ടയം –മലക്കപ്പാറ സര്‍വീസും ഇതിനോടകം ഹിറ്റായി. രാവിലെ 6 ന് ആരംഭിക്കുന്ന സര്‍വീസ് രാത്രി 11.30 ഓടെ കോട്ടയത്ത് തിരിച്ചെത്തും. 600 രൂപയാണ് ചാര്‍ജ്.