മുഖ്യമന്ത്രിയും മന്ത്രിമാരും അതിരാവിലെ സെക്രട്ടറിയേറ്റില് കയറി, പുറത്തിറങ്ങുന്നത് കാണാമെന്ന് പ്രതിപക്ഷം, ഉദ്ഘാടനത്തിനു ശേഷം സമരത്തിന്റെ നിറം മാറും
ഇടതുമുന്നണി ആഹ്വാനം ചെയ്ത ഉപരോധ സമരം തുടങ്ങി. ഇപ്പോള് സമാധാനപരമായാണ് സമരം നടക്കുന്നതെങ്കിലും ഉദ്ഘാടനത്തിനു ശേഷം സമരത്തിന്റെ നിറം മാറുമെന്നാണ് അറിയുന്നത്.
സംസ്ഥാനത്തിന്റെ വിവിധഭാഗങ്ങളില് നിന്നെത്തിയ ആയിരക്കണക്കിന് പ്രവര്ത്തകരാണ് സെക്രട്ടേറിയറ്റിന്റെ മൂന്നു ഗേറ്റുകളള്ക്ക് മുന്നിലും അണിനിരന്നത്. സമരത്തിന്റെ ഔദ്യോഗിക ഉദ്ഘാടനം നോര്ത്ത് ഗേറ്റിനുമുന്നില് രാവിലെ 10 മണിക്ക് സി.പി.എം ജനറല് സെക്രട്ടറി പ്രകാശ് കാരാട്ട് നിര്വഹിക്കും. സി.പി.ഐ ജനറല് സെക്രട്ടറി സുധാകര് റെഡ്ഡി, ജനതാദള് എസ് നേതാവും മുന് പ്രധാനമന്ത്രിയുമായ എച്ച്.ഡി ദേവഗൗഡയും ഉദ്ഘാടനച്ചടങ്ങില് പ്രവര്ത്തകരെ അഭിസംബോധന ചെയ്ത് സംസാരിക്കും.
സമരം വിജയിപ്പിക്കാന് എല്.ഡി.എഫും നേരിടാന് സര്ക്കാറും ഇറങ്ങിയതോടെ തലസ്ഥാന നഗരം സംഘര്ഷഭീതിയിലാണ്. കന്റോണ്മെന്റ് ഗേറ്റ് പൂര്ണമായും പോലീസ് നിയന്ത്രണത്തിലാണ്. രാവിലെ ഏഴ് മണിക്ക് തന്നെ മുഖ്യമന്ത്രിയും മന്ത്രിമാരും സെക്രട്ടേറിയറ്റിലെത്തി. കന്റോണ്മെന്റ് ഗേറ്റിലൂടെയാണ് മുഖ്യമന്ത്രിയും മന്ത്രിമാരും സെക്രട്ടേറിയറ്റ് ഉദ്യോഗസ്ഥരും അകത്തുകടന്നത്. എന്നാല് അകത്തുകയറിയ മന്ത്രിമാര് തിരിച്ചിറങ്ങണമോയെന്ന് പ്രവര്ത്തകര് തീരുമാനിക്കുമെന്ന് പ്രതിപക്ഷവും വ്യക്തമാക്കി.
ഇതിനിടെ രാവിലെ ഒമ്പത് മണിക്ക് പ്രത്യേക മന്ത്രിസഭാ യോഗം ചേര്ന്നു. കന്റോണ്മെന്റ് ഗേറ്റിലേക്ക് വരുന്ന എല്ലാ റോഡുകളും പോലീസ് നിയന്ത്രണത്തിലാണ്. കന്റോണ്മെന്റ് ഗേറ്റിലേക്കുള്ള നാല് പ്രധാന പാതകളില് ഞായറാഴ്ച വൈകിട്ടുതന്നെ പോലീസ് നിലയുറപ്പിച്ചുകഴിഞ്ഞു. ഭൂരിഭാഗം മന്ത്രിമാരും താമസിക്കുന്ന വെള്ളയമ്പലം, കവടിയാര് ഭാഗങ്ങളില് നിന്ന് കന്റോണ്മെന്റുവരെ സുരക്ഷാ ഇടനാഴി പോലീസ് തീര്ത്തു.
നഗരഹൃദയത്തെ അഞ്ച് മേഖലകളായി തിരിച്ച് പോലീസ് നിയന്ത്രണം ഏറ്റെടുത്തുകഴിഞ്ഞു. അഞ്ഞൂറോളം പോലീസുകാരടങ്ങുന്ന ഒന്നാംവലയ സുരക്ഷാസംഘം സെക്രട്ടേറിയറ്റ് മതിലിനുള്ളില് ഞായറാഴ്ച ഉച്ചയ്ക്ക് തന്നെ ചുമതലയേറ്റെടുത്തു. കന്റോണ്മെന്റ് ഗേറ്റിലേക്കുള്ള നാല് പ്രധാന പാതകളില് ഞായറാഴ്ച വൈകിട്ടുതന്നെ പോലീസ് നിലയുറപ്പിച്ചു.
https://www.facebook.com/Malayalivartha