മുഖ്യമന്ത്രിക്കും വിപ്പിനും സ്വത്തു വിവരം പറയാന് മടി, മന്ത്രിമാരുടെയും സ്റ്റാഫിന്റേയും കുടുംബാംഗങ്ങളുടെയും സ്വത്തു വിവരങ്ങളും പൂര്ണമായി വെളിപ്പെടുത്തുന്നില്ല
സ്വത്തു വിവരം വെളിപ്പെടുത്തുമെന്ന് പ്രഖ്യാപിച്ച ആദ്യ മുഖ്യമന്ത്രിയായ ഉമ്മന്ചാണ്ടി എട്ട് മാസം കഴിഞ്ഞിട്ടും ഇക്കൊല്ലത്തെ സ്വത്തു വിവരം വെളിപ്പെടുത്തിയില്ല. എല്ലാവരെയും നന്നാക്കുമെന്ന് ശപഥമെടുത്ത ചീഫ് വിപ്പിനും സ്വന്തം സ്വത്തു വിവരം വെളിപ്പെടുത്താന് മടി.
നൂറുദിന കര്മ്മപരിപാടിയുടെ ഭാഗമായാണ് തന്റെ സ്വത്തു വിവരം പരസ്യപ്പെടുത്താമെന്ന് മുഖ്യമന്ത്രി 2011 ല് പ്രഖ്യാപിച്ചത്. ഇതിന്റെ ഭാഗമായി ആദ്യ രണ്ടുകൊല്ലം മുഖ്യമന്ത്രിയും സഹമന്ത്രിമാരും സ്വത്തുവിവരം വെളിപ്പെടുത്തി. എന്നാല് വിവാദവര്ഷമായ 2013 ല് നാലു മന്ത്രിമാര് മാത്രമാണ് നയം നടപ്പിലാക്കിയത്. ആര്യാടന് മുഹമ്മദ്, അബ്ദുറബ്ബ്, സി. എന്.ബാലകൃഷ്ണന്, വി.കെ. ജയലക്ഷ്മി എന്നിവര് സ്വത്ത് വിവരം വെളിപ്പെടുത്തി. പത്തു മന്ത്രിമാരുടെ പേഴ്സണല് സ്റ്റാഫും 2013 ല് സ്വത്തു വിവരം പരസ്യപ്പെടുത്തിയിട്ടുണ്ട്. ധനം, കൃഷി, സിവില്സപ്ലൈസ്, വൈദ്യുതി, വിദ്യാഭ്യാസം, ഗ്രാമവികസനം, സഹകരണം, യുവജനക്ഷേമം, നഗരവികസനം എന്നീ വകുപ്പുമന്ത്രിമാരുടെ പേഴ്സണല് സ്റ്റാഫാണ് ഇക്കൊല്ലം സ്വത്തു വിവരം പരസ്യപ്പെടുത്തിയത്.
സിവില് സര്വീസ് ഉദ്യോഗസ്ഥര് 2011 ജൂലൈക്ക് ശേഷം സ്വത്തു വിവരം വെളിപ്പെടുത്തിയിട്ടില്ല. 101 വകുപ്പു മേധാവികളും 2011 ന് ശേഷം സ്വത്തു വിവരം പരസ്യപ്പെടുത്തിയില്ല.
സ്വത്തു വിവരം പൂര്ണമായും പരസ്യപ്പെടുത്തുന്നില്ലെന്ന പരാതി നിലനില്ക്കുന്നുണ്ട്. കാതലായ ചില ഭാഗങ്ങള് മനപ്പൂര്വ്വം മറച്ചു വയ്ക്കുന്നതായും ആരോപണം ഉയര്ന്നിട്ടുണ്ട്. മന്ത്രിമാരുടെയും സ്റ്റാഫിന്റേയും കുടുംബാംഗങ്ങളുടെ സ്വത്തു വിവരം വെളിപ്പെടുത്തണമെന്ന നിര്ദ്ദേശം ഭൂരിപക്ഷം പേരും പാലിക്കാറില്ല.
ഇത്തരം പരിഷ്ക്കാരങ്ങള് നടപ്പിലാക്കുമ്പോള് അവ നടപ്പാക്കാന് സാധിക്കുന്നതാണോ എന്ന് ഉറപ്പു വരുത്താനുള്ള ബാധ്യത സര്ക്കാരിനുണ്ട്. മുഖ്യമന്ത്രിയുടെ സ്വത്തു വിവരം കൃത്യമായി അപ്ലോഡ് ചെയ്യേണ്ട ബാധ്യത അദ്ദേഹത്തിന്റെ സ്റ്റാഫിനും ബന്ധപ്പെട്ട വകുപ്പിനുമാണ്.
https://www.facebook.com/Malayalivartha