മാസപ്പടി വിവാദത്തില് ഞങ്ങള്ക്ക് ഒന്നും മറച്ചുവെക്കാനില്ലെന്നും എന്തുവേണമെങ്കിലും പരിശോധിക്കാമെന്നും മന്ത്രി പിഎ മുഹമ്മദ് റിയാസ്...
മാസപ്പടി വിവാദത്തില് ഞങ്ങള്ക്ക് ഒന്നും മറച്ചുവെക്കാനില്ലെന്നും എന്തുവേണമെങ്കിലും പരിശോധിക്കാമെന്നും മന്ത്രി പിഎ മുഹമ്മദ് റിയാസ്. ഇക്കാര്യത്തില് പാര്ട്ടി സെക്രട്ടറി വിശദമായി കാര്യങ്ങള് പറഞ്ഞതാണെന്നും റിയാസ് ആവര്ത്തിച്ചു. അതേസമയം വിവാദത്തില് മാധ്യമങ്ങളുടെ കൂടുതല് ചോദ്യങ്ങള്ക്ക് മറുപടി നല്കാന് മന്ത്രി തയ്യാറായില്ല.
മാസപ്പടി വിവാദത്തില് മറുപടി പറയാതെ മുഖ്യമന്ത്രി പിണറായി വിജയന് ഓടിയൊളിക്കുകയാണെന്നും മന്ത്രി റിയാസും ഇക്കാര്യത്തില് മറുപടി പറയണമെന്നും പ്രതിപക്ഷ നേതാവ് വിഡി സതീശന് കഴിഞ്ഞ ദിവസം ആവശ്യപ്പെട്ടിരുന്നു. എന്നാല് വിഷയത്തില് മുഖ്യമന്ത്രിയോ മന്ത്രിമാരോ മറുപടിപറയേണ്ട കാര്യമില്ലെന്നാണ് സി.പി.എം. സംസ്ഥാന സെക്രട്ടറി എം.വി. ഗോവിന്ദന് ഇന്നും പ്രതികരിച്ചത്. ഇതിനുപിന്നാലെയാണ് വിഷയത്തില് പാര്ട്ടി സെക്രട്ടറി കാര്യങ്ങള് വിശദീകരിച്ചതാണെന്ന് റിയാസും വ്യക്തമാക്കിയത്.
https://www.facebook.com/Malayalivartha
