റോഡ് ഫണ്ട് വിഷയത്തില്‍ റിയാസ് കാണിക്കുന്ന വേര്‍കൃത്യം തുറന്ന് കാണിച്ച് കെബി ഗണേഷ് കുമാര്‍. മരുമകന്റെ പ്രിവിലേജും കാണിച്ച് കൂടെയുള്ളവര്‍ക്ക് മുകളില്‍ കയറി ഭരിക്കുന്ന റിയാസിന് ഇതിലും വലിയ അടി കിട്ടാനില്ല. ഗണേഷിന്റെ വായില്‍ കയറി ഇറങ്ങി റിയാസ്.
ജി സുധാകരന്റെ കാലത്ത് അനുവദിച്ച റോഡിന്റെ പണി പൂര്‍ത്തിയാകുമ്പോള്‍ ഫഌ്‌സ് വെച്ച് നേട്ടം അടിച്ചെടുക്കാന്‍ വന്ന റിയാസിനെ ഗണേഷ് പഞ്ഞിക്കിട്ടു. പത്താനാപുരം എംഎല്‍എ കൂടിയായ ഗണേഷ് പൊതുമരാമത്ത് കാണിക്കുന്ന അലംഭാവം തുറന്ന് കാട്ടുന്നു.

നമ്മള്‍ ഫ്‌ളെക്‌സില്‍ റിയാസിന്റെ പടമൊക്കെയാ വച്ചിരിക്കുന്നെ. പക്ഷേ ശരിക്കും വെക്കേണ്ട പടം ജി.സുധാകരന്റെയായിരുന്നു. അദ്ദേഹമാണ് സ്‌നേഹത്തോടെ ഈ റോഡ് തന്നത്. അദ്ദേഹത്തോടുള്ള നന്ദി കൈയ്യടിയോടെ നല്‍കണം. കൊറോണക്കാലത്ത് ഒരു ദിവസം അദ്ദേഹത്തിന്റെ വീട്ടില്‍ പോയിരുന്നു. ആദ്യം പറ്റത്തില്ല എന്ന് പറഞ്ഞു. പിഡബ്ല്യുഡി റോഡല്ലാതെ ഒന്നും തരില്ല എന്ന് പറഞ്ഞു. കുറച്ചുകഴിഞ്ഞപ്പോ സ്‌നേഹമായി. എനിക്കൊരു ഹല്‍വ ഒക്കെ തന്നു. അങ്ങനെയാണ് പ്രൈവറ്റ് സെക്രട്ടറിയെ വിളിച്ച് ഒറ്റ ദിവസം മൂന്ന് റോഡിനും അനുമതി നല്‍കിയത്. നന്ദിയോടെ അത് ഓര്‍ക്കുന്നു. സത്യം പറഞ്ഞാ ഇപ്പോ ഇച്ചിരി പരാതിയുണ്ട്. വേണ്ടതുപോലെ ഒന്നും തരുന്നില്ല. അത് മന്ത്രിയുടെ ശ്രദ്ധയില്‍ ഞാന്‍ കൊണ്ടുവന്നിട്ടുണ്ട്. ഇത് ശരിയല്ല. എന്നെ പോലെ മുതിര്‍ന്ന സീനിയറായിട്ടുള്ള ഒരു എം.എല്‍.എ. കേരള നിയമസഭയില്‍ അഞ്ച് തവണ ജയിച്ചുവന്ന അപൂര്‍വ്വം ആള്‍ക്കാരെ ഉള്ളൂ.

ഉമ്മന്‍ ചാണ്ടി സാര്‍ മരിച്ചതിന് ശേഷം ഞാനും വി.ഡി സതീശനും റോഷി അഗസ്റ്റിനും കോവൂര്‍ കുഞ്ഞുമോനും നാലേനാല് പേരാണ് തുടര്‍ച്ചയായി അഞ്ച് തവണ ജയിച്ചവരുള്ളത്. അങ്ങനെ ഉള്ള ആളുകളെ ഒന്ന് മാനിക്കണം. ആ അഭിപ്രായം എനിക്കുണ്ട്. മുതിര്‍ന്നവരെ സീനിയോറിറ്റി എന്നൊന്നുണ്ട്. സിനിമാ നടനാണെന്നുള്ളതൊക്കെ അവിടെ നില്‍ക്കട്ടെ. കാരണം ഇവരെക്കാളൊക്കെ മുമ്പെ 20 വര്‍ഷം മുമ്പെ മന്ത്രിയായിരുന്നിട്ടുണ്ട്. ആ മര്യാദ കാണിക്കണം. വേണ്ടവിധത്തില്‍ റോഡുകള്‍ തരുന്നില്ല. പക്ഷേ ജി സുധാകരന്‍ തന്നിരുന്നു. അതിനുള്ള നന്ദിയുണ്ട്. അതുപോലെ രവീന്ദ്രനാഥ് വിദ്യാഭ്യാസ മന്ത്രിയായിരുന്നപ്പോള്‍ വലിയൊരു ഉണര്‍വ് അക്കാലത്തുണ്ടായിരുന്നു. ടി.വിക്കാരൊക്കെ എടുക്കുന്നുണ്ട്. എന്നാലും സത്യം പറയാതിരിക്കാനാകില്ലല്ലോ. അത് എവിടെയായാലും പറയണമല്ലോ. വളരെ നിരാശയുണ്ട്. പത്തനാപുരം ബ്ലോക്കില്‍ ഒരു പിഡബ്യുഡി റോഡ് പോലും ഈ വര്‍ഷം കിട്ടിയിട്ടില്ല എന്നാണെന്റെ അഭിപ്രായം'. ഇതായിരുന്നു ഗണേഷിന്റെ പ്രസ്താവന.

ഏതായാലും നല്ല കുറിച്ച് കൊള്ളുന്ന മറുപടിയാണ് ഗണേഷ് കൊടുത്തിരിക്കുന്നത്. റിയാസിനെതിരെ സര്‍ക്കാരിനുള്ളിലും പാര്‍ട്ടിക്കുള്ളിലും നല്ല എതിര്‍പ്പുണ്ട്. പലരേയും ഒതുക്കിയാണ് റിയാസിനെ പിണറായി പൊക്കിക്കൊണ്ട് വന്നത്.് അതിന്റെ കലിപ്പ് എല്ലാവര്‍ക്കും ഉണ്ടെങ്കിലും ആരും പിണറായിയെ പേടിച്ച് മിണ്ടാറില്ല. പക്ഷെ ആ പേടിയൊന്നും ഗണേഷ് കാണിച്ചില്ല. മന്ത്രിയുടെ വകുപ്പിന്റെ പിടിപ്പുകേട് വലിച്ച് പുറത്തേക്കിട്ടു. ജി സുധാകരന്‍ ഇരുന്ന കാലത്ത് പൊതുമരാമത്ത് വകുപ്പിന് ഇത്രയും പഴി കേട്ടിട്ടില്ല. ആ മനുഷ്യന്‍ മികച്ച രീതിയില്‍ പ്രവര്‍ത്തിച്ചിട്ടുണ്ട്. ഗണേഷ് മാത്രമല്ല മുന്‍പ് ജീ സുദാകരനും റിയാസിനെ എടുത്ത് അലക്കിയിട്ടുണ്ട്. കരാറുകാരും ഉദ്യോഗസ്ഥരും ചേര്‍ന്ന് കാശടിക്കുന്നു. വകുപ്പ് മന്ത്രി എന്ത് നോക്കി ഇരിക്കുകയാണെന്ന ആക്ഷേപം സുധാകരന്‍ ഉയര്‍ത്തിയിട്ടുണ്ട്. അതിന് ശേഷം സുധാകരനെതിരെ തിരിഞ്ഞു റിയാസ് പക്ഷം. ടാറില്ലാതെ റോഡ് പണിതതിന്റെ ഞെട്ടിക്കുന്ന വിവരങ്ങളടക്കം പുറത്ത് വന്നിട്ടുണ്ട്. വലിയ കൊള്ളയാണ് നടക്കുന്നത്. ഇതിനെ ചോദ്യം ചെയ്തു പോയാല്‍ പിന്നെ അവരെ വെറുതെ വേട്ടയാടുന്ന നയമാണ് ഉള്ളത്. മരുമകന്റെ വകുപ്പ് കേമമാണെന്ന് തള്ളണം. അങ്ങനെ തള്ളാന്‍ തന്നെ കിട്ടില്ലെന്ന് ഇപ്പോള്‍ ഗണേഷ് വ്യക്തമാക്കിയിരിക്കുന്നത്.

ഘടകക്ഷി നേതാവായ ഗണേഷ് പലപ്പോഴും ഈ സര്‍ക്കാരിനെ വിമര്‍ശിച്ച് രംഗത്ത് വന്നിട്ടുണ്ട്. വകുപ്പുകളുടെ പിടിപ്പുകേടിനെ ചോദ്യം ചെയ്തിട്ടുണ്ട്. കഴിഞ്ഞദിവസം ആണ് ആരോഗ്യ മന്ത്രി വീണ ജോര്‍ജ്ജിനെ നിയമസഭയില്‍ ഇരുത്തി വെള്ളംകുടിപ്പിച്ചത്. സര്‍ക്കാരും ഞെട്ടിപ്പോയി ഗണേഷിന്റെ നടപടിയില്‍. സര്‍ക്കാരിനെ നിര്‍ത്തിപ്പൊരിക്കാറുണ്ട് ഗണേഷ് കുമാര്‍. മിന്നല്‍ മന്ത്രിയുടെ വകുപ്പ് വലിയ കേമം ആണെന്നാണ് പിണറായി എല്ലായിടത്തും പോയി തള്ളുന്നത്. വിദേശ മാതൃകയിലുള്ള റോഡാണ് പോലും കേരളത്ില്‍. ന്യൂയോര്‍ക്കൊക്കെ അങ്ങോട്ട് മാറി നില്‍ക്കും. അതുകൊണ്ടായിരിക്കും റോഡിന്റെ ശോചനീയവസ്ഥയില്‍ ഇടയ്ക്കിടെ പൊതുമരാമത്ത് വകുപ്പിനെ ഹൈക്കോടതി എടുത്തിട്ട് കുടയുന്നത്. ഗസ്റ്റ് ഹൗസുകളില്‍ പോയി മിന്നല്‍ പരിശോധന നടത്തി മാധ്യമങ്ങള്‍ക്ക് മുന്നില്‍ ആളാകാന്‍ നോക്കലാണ് റിയാസിന്റെ പണി. പിന്നെ റോഡിന്റെ അവസ്ഥയേക്കുറിച്ച് ചോദിച്ചാല്‍ കേന്ദ്ര റോഡിന്റെ കാര്യം പറയും. കേന്ദ്ര സര്‍ക്കാര്‍ റോഡുകലുടെ കുഴിയുടെ എണ്ണമെടുക്കലാണ് മൂപ്പരുടെ പണി. കേരളത്തിലെ റോഡ് തോടായി കിടന്നാലും മിണ്ടാട്ടമില്ല. എന്നാലും തള്ളും നമ്പര്‍ വണ്‍ റോഡ്. ആ നമ്പര്‍ വണ്‍ റോഡിനെയാണ് ഗണേഷ് കുമാര്‍ പൊളിച്ചടുക്കിയത്.