വിറകടുപ്പില് നിന്ന് വസ്ത്രത്തിലേക്ക് തീ പടര്ന്ന് പൊള്ളലേറ്റ് വീട്ടമ്മയ്ക്ക് ദാരുണാന്ത്യം
25 MAY 2026 12:29 AM IST
മലയാളി വാര്ത്ത
ചേര്ത്തലയില് വിറകടുപ്പിനരികില് നില്ക്കവെ വസ്ത്രത്തിലേക്ക് തീപടര്ന്ന് പൊള്ളലേറ്റ വീട്ടമ്മ മരിച്ചു. ചികിത്സയിലിരിക്കെയാണ് മരണം. വയലാര് പഞ്ചായത്ത് അഞ്ചാം വാര്ഡില് വടക്കേവെളിയില് 45 കാരിയായ ശ്രീക്കുട്ടി യാണ് മരിച്ചത്. 18ന് രാവിലെ ഒന്പതരയോടെയായിരുന്നു സംഭവം.
പഴയ വീട്ടിലെ അടുക്കളയിലെ വിറകടുപ്പില് തീപിടിപ്പിച്ചശേഷം, എന്തോ സാധനം മുകളില് നിന്ന് എടുക്കാന് അടുപ്പിന്റെ വശത്ത് കയറിയപ്പോള് ശ്രീക്കുട്ടിയുടെ വസ്ത്രത്തിലേക്ക് തീപടരുകയായിരുന്നു. വീട്ടില് മറ്റാരുമില്ലായിരുന്നു. തുടര്ന്ന് ചേര്ത്തല താലൂക്ക് ആശുപത്രിയിലും കോട്ടയം മെഡിക്കല് കോളേജ് ആശുപത്രിയിലും പ്രവേശിപ്പിച്ചു. ചികിത്സയിലിരിക്കെ ഞായറാഴ്ച രാവിലെയാണ് ശ്രീക്കുട്ടി മരിച്ചത്. ഭര്ത്താവ്: ചന്ദ്രശേഖരന് നായര്. മകന്: അഭിജിത് (ടി.എം.എം.സി. ചേര്ത്തല).
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
