മൊബൈൽ ഫോൺ എന്നത് ഉപയോ​ഗിച്ച് മറ്റൊരാളുടെ ബാങ്ക് അക്കൗണ്ടിലേക്ക്‌ പണം കൈമാറുന്നത് സെക്കൻഡുകൾക്കുള്ളിൽ തന്നെ കൈമാറ്റം ചെയ്യാൻ സാധിക്കും. അതും സൗജന്യമായി. ഇതാണ് ഈ മാറിയ കാലഘട്ടത്തിന്റെ പ്രത്യേകത.

മൊബൈൽ ഫോൺ ഉപയോഗിച്ച് പണം കൈമാറുന്നത് വലിയ റിസ്കുള്ള കാര്യമൊന്നുമല്ല, ഒന്ന് ശ്രദ്ധിച്ച് ഉപയോ​ഗിച്ച് കഴിഞ്ഞാൽ വളരെയെളുപ്പച്ചിൽ എവിടെ നിന്നും ആർക്കും ഇത്തരത്തിൽ പണം കൈമാറാൻ സാധിക്കും. അതും ഞൊടിയിടയിൽ. ഇത്തരം ഡിജിറ്റൽ പേമെന്റുകളെ പ്രോൽസാഹിപ്പിക്കുകയാണ് ഇപ്പോൾ നമ്മുടെ സർക്കാരും.

രാജ്യത്ത്​ ഡിജിറ്റൽ പണമിടപാടുകൾ പ്രോത്സാഹിപ്പിക്കുന്നതിനായി ഇ-റുപി എന്ന ഒരു ആപ്ലിക്കേഷൻ അവതരിപ്പിക്കാനൊരുങ്ങുകയാണ് കേന്ദ്ര സർക്കാർ. ഇ റുപിയുടെ അവതരണം പ്രധാനമന്ത്രി തിങ്കളാഴ്ച നടത്തും എന്നാണ് ഇതിനോടകം അറിയാൻ കഴിഞ്ഞിട്ടുള്ളത്.

ഇലക്​ട്രോണിക്​ വൗച്ചർ അടിസ്​ഥാനമാക്കിയുള്ള ഡിജിറ്റൽ പേമെന്‍റ്​ സിസ്റ്റം നാഷനൽ പേമെന്‍റ്​സ്​ കോർപ​റേഷനാണ്​ വികസിപ്പിച്ചെടുത്തിട്ടുള്ളത്​.

ഡിജിറ്റൽ പേയ്‌മെന്റിനുള്ള പണരഹിതവും സമ്പർക്ക രഹിതവുമായ ഉപകരണമാണ് ഇ-റുപി. ഇത് ഒരു ക്യുആർ കോഡ് അല്ലെങ്കിൽ എസ്എംഎസ് സ്ട്രിംഗ് അധിഷ്ഠിത ഇ-വൗച്ചർ ആണ്, ഇത് ഗുണഭോക്താക്കളുടെ മൊബൈലിലേക്ക് എത്തിക്കുന്നു.

ഈ തടസ്സമില്ലാത്ത ഒറ്റത്തവണ പേയ്‌മെന്റ് സംവിധാനത്തിന്റെ ഉപയോക്താക്കൾക്ക് കാർഡ്, ഡിജിറ്റൽ പേയ്‌മെന്റ് ആപ്പ് അല്ലെങ്കിൽ ഇന്റർനെറ്റ് ബാങ്കിംഗ് ആക്‌സസ് ഇല്ലാതെ സേവന ദാതാവിൽ വൗച്ചർ റെഡീം ചെയ്യാൻ സാധിക്കും.

സാമ്പത്തിക സേവന വകുപ്പ്, ആരോഗ്യ & കുടുംബ ക്ഷേമ മന്ത്രാലയം, ദേശീയ ആരോഗ്യ അതോറിറ്റി എന്നിവയുടെ സഹകരണത്തോടെയാണ് നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യ യുപിഐ പ്ലാറ്റ്ഫോമിൽ ഇത് വികസിപ്പിച്ചെടുത്തിട്ടുള്ളത് .

ഇ-റുപി സേവനങ്ങളുടെ സ്പോൺസർമാരെ ഗുണഭോക്താക്കളുമായും സേവനദാതാക്കളുമായും ഒരു ഫിസിക്കൽ ഇന്റർഫേസ് ഇല്ലാതെ ഡിജിറ്റൽ രീതിയിൽ ബന്ധിപ്പിക്കുന്നു. ഇടപാട് പൂർത്തിയായതിനു ശേഷം മാത്രമേ സേവന ദാതാവിന് പണമടയ്‌ക്കാൻ കഴിയൂ എന്നും ഇത് ഉറപ്പാക്കുന്നു. പ്രീ-പെയ്ഡ് ആയതിനാൽ, ഒരു ഇടനിലക്കാരന്റെയും പങ്കാളിത്തമില്ലാതെ സേവന ദാതാവിന് സമയബന്ധിതമായി പണമടയ്‌ക്കുന്നത് ഇത് ഉറപ്പ് നൽകുന്നു.

ക്ഷേമ സേവനങ്ങളുടെ ചോർച്ചയില്ലാത്ത വിതരണം ഉറപ്പാക്കുന്ന ദിശയിലുള്ള ഒരു വിപ്ലവകരമായ സംരംഭമായി ഇത് മാറുമെന്ന പ്രതീക്ഷ തന്നെയാണ് രാജ്യത്തിനുള്ളത്.

മാതൃ -ശിശു ക്ഷേമ പദ്ധതികൾ, ക്ഷയരോഗ നിർമാർജന പരിപാടികൾ, ആയുഷ്മാൻ ഭാരത് പ്രധാനമന്ത്രി ജൻ ആരോഗ്യ യോജന, വളം സബ്സിഡികൾ തുടങ്ങിയ പദ്ധതികൾക്കു കീഴിൽ മരുന്നുകളും പോഷകാഹാര പിന്തുണയും നൽകുന്ന പദ്ധതികൾക്കു കീഴിൽ സേവനങ്ങൾ നൽകാനും ഇത് ഉപയോഗിക്കാം.

അവരുടെ ജീവനക്കാരുടെ ക്ഷേമത്തിന്റെയും കോർപ്പറേറ്റ് സാമൂഹിക ഉത്തരവാദിത്ത പരിപാടികളുടെയും ഭാഗമായി ഈ ഡിജിറ്റൽ വൗച്ചറുകൾ പ്രയോജനപ്പെടുത്താം.

നിങ്ങളുടെ ഫോണിലേക്ക്‌ വിളിച്ച് ബാങ്കിങ് സംബന്ധമായ വിവരങ്ങൾ ചോദിച്ചാൽ യാതൊരു വിവരങ്ങളും നൽകാതിരിക്കുക. ആവശ്യമുള്ള വിവരങ്ങൾ ബ്രാഞ്ചിൽ നേരിട്ട്‌ ചെന്ന് നൽകിക്കൊള്ളാമെന്ന മറുപടിയേ ആവശ്യമുള്ളൂ. ഏതാണ്ടെല്ലാ ബാങ്കുകൾക്കും 24 മണിക്കൂറും പ്രവർത്തിക്കുന്ന കസ്റ്റമർ കെയർ സംവിധാനമുണ്ട്.

നിങ്ങളുടെ ബാങ്ക് ശാഖയുടെ ഫോൺ നമ്പറിനൊപ്പം കസ്റ്റമർ കെയർ നമ്പർ കൂടി ഫോണിൽ സേവ് ചെയ്തുവയ്ക്കുക. തട്ടിപ്പുകൾ നടന്നാലോ, നടന്നതായി സംശയം തോന്നിയാലോ, വിവരങ്ങൾ തേടിയുള്ള ഇത്തരം കോളുകൾ റിപ്പോർട്ട് ചെയ്യാനോ

അതുമല്ലെങ്കിൽ നിങ്ങളുടെ സംശയങ്ങൾ തീർക്കാനോ ഒക്കെ ഈ സേവനം ഉപയോഗിക്കാനാകും. കേരളത്തിൽ പ്രവർത്തിക്കുന്ന മിക്ക ബാങ്കുകളുടെയും കസ്റ്റമർ കെയർ സെന്ററുകളിൽ മലയാളത്തിൽ തന്നെ ആശയവിനിമയം നടത്താനുള്ള സൗകര്യമുണ്ട് .

മൊബൈൽ ആപ്പുകളുടെ വ്യാജ പതിപ്പുകൾ ഡൗൺലോഡ് ചെയ്യാതിരിക്കുക. പ്ലേ സ്റ്റോറിൽ നിന്ന്‌ ഡൗൺലോഡ് ചെയ്യുമ്പോൾ, ആപ്പിന്റെ ആധികാരികത ഉറപ്പു വരുത്തണം.