വിവാദ കാര്‍ഷിക നയത്തിനെതിരേ നടക്കുന്ന കര്‍ഷക സമരം പിന്‍വലിക്കുന്ന കാര്യത്തില്‍ ഇന്ന് തീരുമാനമെന്ന് കര്‍ഷക സംഘടന നേതാക്കള്‍... കേന്ദ്ര സര്‍ക്കാറുമായി കര്‍ഷകര്‍ ചര്‍ച്ച നടത്തും
വിവാദ കാര്‍ഷിക നയത്തിനെതിരേ നടക്കുന്ന കര്‍ഷക സമരം പിന്‍വലിക്കുന്ന കാര്യത്തില്‍ ഇന്ന് തീരുമാനമെന്ന് കര്‍ഷക സംഘടന നേതാക്കള്‍. ബുധനാഴ്ച കേന്ദ്ര സര്‍ക്കാറുമായി കര്‍ഷകര്‍ ചര്‍ച്ച നടത്തും.
തുടര്‍ന്ന് യോഗം ചേര്‍ന്നാകും തീരുമാനമെന്ന് സംയുക്ത കര്‍ഷക സംഘടന യോഗത്തിന് ശേഷം കിസാന്‍ സഭ നേതാവ് പി. കൃഷ്ണപ്രസാദ് പറഞ്ഞു. സിംഘുവില്‍ ചേര്‍ന്ന സംയുക്ത കിസാന്‍ മോര്‍ച്ച യോഗത്തില്‍ സമരം പിന്‍വലിക്കുന്നതു സംബന്ധിച്ച് അന്തിമ തീരുമാനമെടുത്തില്ല. കര്‍ഷക സമരം അവസാനിപ്പിക്കുന്നതിന് വേണ്ടി അഞ്ചിന നിര്‍ദേശങ്ങളാണ് കേന്ദ്രം മുന്നോട്ട് വെച്ചത്. ഇതില്‍ പലകാര്യങ്ങളിലും വ്യക്തതയില്ലെന്ന് ഇന്നലെ ചേര്‍ന്ന യോഗം വിലയിരുത്തി.
മിനിമം താങ്ങുവില ഉറപ്പാക്കുന്ന കാര്യം കേന്ദ്ര സര്‍ക്കാര്‍ ഉറപ്പു നല്‍കിയിട്ടില്ല. ലഖിംപൂര്‍ വിഷയത്തിന്മേല്‍ കേന്ദ്രമന്ത്രി അജയ് മിശ്രയെ പുറത്താക്കണമെന്ന ആവശ്യത്തിലും കേന്ദ്രം പ്രതികരിച്ചിട്ടില്ല.
കര്‍ഷകര്‍ക്ക് എതിരായ കേസ് പിന്‍വലിക്കുമെന്നും നഷ്ടപരിഹാരം നല്‍കുമെന്നുമുള്ള കേന്ദ്രത്തിന്റെ പ്രഖ്യാപനം സ്വാഗതാര്‍ഹമാണെന്നും നേതാക്കള്‍ .
https://www.facebook.com/Malayalivartha
