എല്ലാ സംസ്ഥാനവും കൈപിടിയിലാക്കാം.. അമിത ആത്മവിശ്വാസം ആപ്പിന് വിനയായി; പ്രമുഖനേതാവ് കെജ്രിവാളിനെ ചതിച്ചു! എഎപി പ്രഭാവം മങ്ങുന്നു, എട്ടിന്റെ പണിയില് കേരളവും നഷ്ടപ്പെടും?
അമിത ആത്മവിശ്വാസമാണോ എന്നറിയില്ല ആംആദ്മി പാര്ട്ടിക്ക് വന് തിരിച്ചടിയാണ് ഇപ്പോള് കിട്ടിയിരിക്കുന്നത്. ഉത്തരാഖണ്ഡിലെ കഴിഞ്ഞ നിയമസഭാ തിരഞ്ഞെടുപ്പില് ആം ആദ്മി പാര്ട്ടിയുടെ മുഖ്യമന്ത്രി സ്ഥാനാര്ത്ഥിയായി മത്സരിച്ച അജയ് കോഠിയാല് പാര്ട്ടിയില് നിന്ന് രാജി വെച്ചു.
ഡല്ഹിക്ക് പിന്നാലെ പഞ്ചാപും കൂടി പിടിച്ചടക്കിയപ്പോള് എഎപിക്കും കെജ്രിവാളിനും അമിത ആത്മവിശ്വാസമായിരുന്നു. കൂടുതല് സംസ്ഥാനങ്ങളിലേക്ക് വേരൂന്നാനുള്ള ശ്രമങ്ങളും ആംആദ്മി നടത്തിയിരുന്നു. ഇക്കഴിഞ്ഞ 15ന് കൊച്ചിയിലെത്തിയ കെജ്രിവാള് കേരളവും കൈപിടിയിലാക്കുമെന്ന് പറഞ്ഞിരുന്നു. അതിനിടയിലാണ് കോഠിയാലിന്റെ രാജി. ഇത് എഎപിയെ സംബന്ധിച്ചിടത്തോളം പ്രതിച്ഛായക്ക് കോട്ടം തട്ടിയിരിക്കുകയാണ്.
താന് രാജിവെക്കുകയാണെന്ന് അറിയിച്ച് അജയ് കോഠിയാല് കെജ്രിവാളിന് കത്ത് നല്കിയിരുന്നു. എന്താണ് രാജിക്ക് കാരണമെന്ന് വ്യക്തമായി പറഞ്ഞിട്ടില്ല എങ്കിലും ചില സമ്മര്ദ്ദങ്ങള് ഉണ്ടായിരുന്നു എന്നതരത്തില് അദ്ദേഹം സൂചിപ്പിച്ചിരുന്നു. വിരമിച്ച സൈനികര്, വിരമിച്ച പാര്ലമെന്റംഗങ്ങള്, മുതിര്ന്ന പൗരന്മാര്, പ്രബുദ്ധവ്യക്തികള്, വനിതകള്, യുവാക്കള് എന്നിവരുടെ വികാരം കണക്കിലെടുത്ത് താന് പാര്ട്ടിയില് നിന്ന് രാജി വെയ്ക്കുകയാണെന്ന് എ.എ.പി. ദേശീയ കണ്വീനര് അരവിന്ദ് കെജ്രിവാളിനെഴുതിയ കത്തില് അജയ് കോഠിയാല് വ്യക്തമാക്കി.
2021 ഏപ്രിലിലാണ് കോഠിയാല് എ.എ.പിയില് അംഗമായത്. 2022 ഫെബ്രുവരിയില് നടന്ന നിയമസഭാ തിരഞ്ഞെടുപ്പില് ഉത്തരകാശിയില് നിന്നാണ് അദ്ദേഹം തിരഞ്ഞെടുപ്പില് മത്സരിച്ചത്. എന്നാല് ബി.ജെ.പിയുടെ സുരേഷ് ചൗഹാനോട് കോഠിയാല് പരാജയപ്പെടുകയാണ് ഉണ്ടായത്.
ഈ തോല്വി കോഠിയാലിന് വലിയ നാണക്കേട് ഉണ്ടാക്കിയെന്നാണ് പുറത്തുവരുന്ന വിവരം. മാത്രമല്ല കഴിഞ്ഞ രണ്ട് മാസമായി അദ്ദേഹം ആംആദ്മിയുമായി അകന്നുനില്ക്കുകയാണെന്നുള്ള സൂചനയും ലഭിക്കുന്നുണ്ട്.
ബിജെപി, കോണ്ഗ്രസ് പോലുള്ള പാര്ട്ടികള് കടിപിടി കൂടുന്ന ഒരു ഉത്തരേന്ത്യന് സംസ്ഥാനത്ത് ഒരു നേതാവിനെ പ്രത്യേകിച്ച് കോഠിയാലിനെ പോലെ ഏറെ ജനപിന്തുണയുള്ള ഒരു നേതാവിനെ നഷ്ടപ്പെടുന്നത് പാര്ട്ടിക്ക് ദോഷം ചെയ്യുമെന്നാണ് വിലയിരുത്തല്. സൈനികനായിരുന്ന അദ്ദേഹം വിശിഷ്ടസേവനത്തിന് കീര്ത്തി ചക്ര, ശൗര്യ ചക്ര, വിശിഷ്ഠ് സേവാ മെഡല് എന്നിവ നേടിയിട്ടുണ്ട്. വിരമിച്ച ശേഷം തന്റെ ജീവിതം മറ്റുള്ളവര്ക്കായി അദ്ദേഹം ഉഴിഞ്ഞുവെച്ചു. അതുകൊണ്ട് തന്നെ യുവാക്കള്ക്കും സ്ത്രീകള്ക്കും കുട്ടികള്ക്കുമെല്ലാം കോഠിയാല് പ്രിയങ്കരനായിരുന്നു.
സൈനികസേവനത്തില്നിന്ന് വിരമിച്ച ശേഷം യുവജനവികസനം ലക്ഷ്യമാക്കി ഒരു സ്ഥാപനം ആരംഭിച്ചിരുന്നു. രണ്ട് തവണ എവറസ്റ്റ് കീഴടക്കിയ അദ്ദേഹം ഉത്തരാഖണ്ഡിലെ നെഹ്റു മൗണ്ടെയ്നീയറിങ് ഇന്സ്റ്റിട്യൂട്ടിന്റെ പ്രിന്സിപ്പലായും സേവനമനുഷ്ഠിച്ചിട്ടുണ്ട്. സൈന്യത്തില് കേണല് പദവിയിലിരിക്കെ വിരമിച്ച കോഠിയാല് പ്രതിരോധസേനകളിലേക്കും ബന്ധപ്പെട്ട സ്ഥാപനങ്ങളിലേക്കും പ്രവേശനം ആഗ്രഹിക്കുന്ന യുവാക്കള്ക്ക് പരിശീലനം നല്കുന്നതിന് വേണ്ടിയാണ് സ്ഥാപനം ആരംഭിച്ചത്.
ഉത്തരാഖണ്ഡിലെ തോല്വി കെജ്രിവാളിന് ഏറെ പ്രഹരമുണ്ടാക്കിയ ഒന്നായിരുന്നു. ഈ തോല്വിയെ തുടര്ന്ന് അദ്ദേഹം ഉത്തരാഖണ്ഡിലെ എ.എ.പി. സംസ്ഥാനഘടകവും 13 ജില്ലാ ഘടകങ്ങളും കെജ്രിവാള് പിരിച്ചുവിട്ടിരുന്നു.
ഫെബ്രുവരിയില് നടന്ന തിരഞ്ഞെടുപ്പില് എഴുപതംഗസഭയിലേക്കുള്ള ഒറ്റ സീറ്റില് പോലും എ.എ.പിക്ക് വിജയം നേടാനായിരുന്നില്ല. കോഠിയാലിനെ മുമ്പില് നിര്ത്തിയായിരുന്നു പ്രചരണം.
അതേസമയം കോഠിയാല് പോയാലും പ്രശ്നമില്ലെന്ന മട്ടിലാണ് ആംആദ്മിയുടെ നിലപാട്. ദീര്ഘകാല ബന്ധം കോഠിയാലിന് പാര്ട്ടിയുമായി ഉണ്ടായിരുന്നില്ലെന്നാണ് എഎപി പറയുന്നത്. കേരളത്തില് അടക്കം പുതിയ സഖ്യം രൂപീകരിച്ച് വരുന്ന തെരഞ്ഞെടുപ്പിനെ നേരിടാന് തയ്യാറെടുക്കുകയാണ് എഎപി. മാത്രമല്ല കേരളത്തിലെ ജനങ്ങള് ഇപ്പോള് ആംആദ്മിയുടേയും കെജ്രിവാളിന്റേയും ഓരോ നീക്കങ്ങളും നിരീക്ഷിക്കുകയാണ്. അതിനിടയിലാണ് കോഠിയാലിന്റെ രാജി എന്നത് ശ്രദ്ധേയമായ കാര്യമാണ്.
https://www.facebook.com/Malayalivartha