പഞ്ചാബ് മുന്‍ കോണ്‍ഗ്രസ് അധ്യക്ഷന്‍ നവജ്യോത് സിങ് സിദ്ദുവിന് ഒരു വര്‍ഷം തടവ് വിധിച്ച് സുപ്രീം കോടതി. 34 വര്‍ഷം മുമ്പ് സിദ്ദുവിന്റെ വാഹനമിടിച്ച് ഒരാള്‍ മരിച്ച കേസിലാണ് ശിക്ഷ വിധിച്ചത്. നേരത്തെ പഞ്ചാബ് ആന്റ് ഹരിയാന ഹൈക്കോടതി ഈ കേസില്‍ സിദ്ദുവിന് മൂന്നുവര്‍ഷത്തെ തടവ് വിധിച്ചിരുന്നു. ഈ വിധി പുനഃപരിശോധിക്കണമെന്ന് ആവശ്യപ്പെട്ട് സമര്‍പ്പിച്ച ഹര്‍ജിയിലാണ് സുപ്രീം കോടതി ഉത്തരവ്. നേരത്തെ 1000 രൂപ പിഴ ചുമത്തി സുപ്രീം കോടതി കേസ് തീര്‍പ്പാക്കിയിരുന്നു.

കൊല്ലപ്പെട്ട ഗുര്‍നാം സിംഗിന്റെ ബന്ധുക്കള്‍ നല്‍കിയ പുനഃപരിശോധനാ ഹര്‍ജി പരിഗണിച്ചാണ് സുപ്രീംകോടതി സിദ്ദുവിനെ ഒരു വര്‍ഷത്തെ തടവിന് ശിക്ഷിച്ചത്.

1987 ലാണ് ശിക്ഷക്ക് ആസ്പദമായ സംഭവം അരങ്ങേറിയത്. അന്ന് സിദ്ധു കുറ്റക്കാരനല്ല എന്നാണ് കോടതി വിധിച്ചത്. അന്ന് ഇന്ത്യന്‍ ക്രിക്കറ്റ് ടീമില്‍ ഓപ്പണിംഗ് ബാറ്റ്‌സ്മാനായിരുന്നു സിദ്ദു. പാട്യാലയലിലെ റോഡ് വക്കില്‍ കാര്‍ പാര്‍ക്ക് ചെയ്യുന്നതുമായി ബന്ധപ്പെട്ട തര്‍ക്കത്തില്‍ സിദ്ദു, ഗുര്‍ണാം സിംഗ് എന്ന് 65 കാരനെ മര്‍ധിക്കുകയായിരുന്നു. ആശുപത്രിയിലായ ഇയാള്‍ പിന്നീട് മരിക്കുകയായിരുന്നു. കേസില്‍ വിചാരണക്കോടതി 1999 സെപ്റ്റംബറില്‍ സിദ്ദുവിനെ വിട്ടയച്ചിരുന്നു.

കഴിഞ്ഞ 30 വര്‍ഷമായി സിദ്ധുവിനെ വിടാതെ പിന്തുടരുന്ന കേസാണ് ഇത്. 2002ലാണ് ഈ കോസില്‍ വിചാരണ കോടതിയുടെ വിധി വന്നത്. പിന്നാലെ അന്നത്തെ പഞ്ചാബ് സര്‍ക്കാര്‍ സിദ്ധുവിനെതിരെ കോടതിയെ സമീപിക്കുകയും കേസ് പുനപരിശോധിക്കാന്‍ ഉത്തരവിടുകയും ചെയ്തു.

എന്നാല്‍ 2006 ഡിസംബറില്‍ സിദ്ദുവിനെയും കൂട്ടുപ്രതി രൂപിന്ദര്‍ സിംഗിനെയും മനഃപൂര്‍വമല്ലാത്ത നരഹത്യയ്ക്ക് മൂന്നുവര്‍ഷം തടവിനു ചണ്ഡീഗഡ് ഹൈക്കോടതി വിധിച്ചു. തുടര്‍ന്ന്, വിധിക്കെതിരെ സിദ്ദു, സുപ്രീം കോടതിയെ സമീപിച്ചു. സുപ്രീം കോടതി സിദ്ദുവിന്റെ ശിക്ഷ റദ്ദു ചെയ്യുകയും ജാമ്യം അനുവദിക്കുകയും ചെയ്തു.

ഇതിനെതിരെയാണ് ഇപ്പോള്‍ കൊല്ലപ്പെട്ടയാളുടെ കുടുംബം അപ്പീല്‍ നല്‍കിയിരിക്കുന്നത്. കേസില്‍ വാദം കേള്‍ക്കെ, സിദ്ദുവിനെതിരായ ശിക്ഷയെ സര്‍ക്കാര്‍ അഭിഭാഷകര്‍ അനുകൂലിക്കുകയായിരുന്നു. തെളിവുകളനുസരിച്ച് ഗുര്‍ണാംസിങ് മരിച്ചതു ഹൃദയാഘാതം മൂലമല്ലെന്നും തല്ലിനെത്തുടര്‍ന്നുള്ള മസ്തിഷ്‌ക രക്തസ്രാവം മൂലമാണെന്നും, പഞ്ചാബ് സര്‍ക്കാരിനു വേണ്ടി ഹാജരായ സന്റാം സിങ് സാരോണ്‍ കോടതിയില്‍ വാദിച്ചിരുന്നു.

കഴിഞ്ഞ 30 വര്‍ഷമായി സിദ്ധുവിനെ വിടാതെ പിന്തുടരുന്ന കേസാണ് ഇത്. ക്രിക്കറ്റില്‍ വിട്ട ശേഷം പഞ്ചാബ് രാഷ്ട്രീയത്തില്‍ സിദ്ധു സജീവമാണ്. കോണ്‍ഗ്രസില്‍ സിദ്ധു കാരണം വലിയ പൊട്ടിത്തെറികളും കഴിഞ്ഞ കുറച്ചു കാലങ്ങളായി ഉണ്ടാകുന്നുണ്ട്. സിദ്ധുവും മുന്‍ മുഖ്യമന്ത്രി അമരീന്ദറും തമ്മിലുള്ള പടലപിണക്കങ്ങള്‍ തന്നെയാണ് പഞ്ചാബില്‍ കോണ്‍ഗ്രസിന്റെ ചീറ്റ് കീറാന്‍ കാരണമായത്.

നിലവില്‍ പഞ്ചാബില്‍ കോണ്‍ഗ്രസിനെ തട്ടിമാറ്റി എഎപി അധികാരം സ്ഥാപിച്ചിരിക്കുകയാണ്. ഇപ്പോള്‍ സിദ്ധു ജയിലിലേക്ക് പോകേണ്ടി വരുമ്പോള്‍ കോണ്‍ഗ്രസിനോട് ഉള്ള വിലപോലും ജനങ്ങള്‍ക്ക് നഷ്ടപ്പെടും. അത് സംശമില്ലാത്ത കാര്യമാണ്.