ജെഡിഎസ് എൽജെഡി ലയന നടപടികൾ അന്തിമ ഘട്ടത്തിലേക്കു നീങ്ങുന്നതായാണ് റിപ്പോർട്ട്. ഇതിന്റെ ഭാഗമായി തന്നെ ഇരു പാർട്ടികളുടെയും നേതാക്കൾ ജെഡിഎസ് ദേശീയ അധ്യക്ഷൻ എച്ച്.ഡി.ദേവെഗൗഡയെ സന്ദർശിച്ചു ചർച്ചകൾ നടത്തുമെന്നും സൂചന. ജൂലൈ ഒന്നിനു ബെംഗളൂരുവിൽ അദ്ദേഹത്തെ സന്ദർശിക്കാനാണു ധാരണ. ഓഗസ്റ്റിൽ ലയന സമ്മേളനം നടത്തുമെന്നാണു ലഭ്യമാകുന്ന വിവരം.

ജൂലൈ 14 ന് ഇരു പാർട്ടികളുടെയും സംസ്ഥാന കമ്മിറ്റികൾ തിരുവനന്തപുരത്തു യോഗം ചേരുന്നതാണ്. അതേസമയം, ലയനത്തിനു മുന്നോടിയായി പദവികൾ പങ്കിടുന്നതു സംബന്ധിച്ചു സംസ്ഥാന, പ്രാദേശിക തലങ്ങളിൽ ആശയവിനിമയം പുരോഗമിച്ചുവരുകയാണ്.

അതോടൊപ്പം തന്നെ എം വിശ്രേയാംസ് കുമാർ നയിക്കുന്ന എൽജെഡി, ജെഡിഎസിൽ ലയിച്ചു ജെഡിഎസ് എന്ന ഒറ്റ പാർട്ടിയായി മാറാൻ നേരത്തെ തീരുമാനിച്ചിരുന്നു. സംസ്ഥാന, ജില്ലാ ഭാരവാഹി പദവികൾ പങ്കുവയ്ക്കുന്നതു സംബന്ധിച്ചും ധാരണയായിരുന്നു. അതേസമയം, പ്രാദേശിക തലത്തിലെ പദവികൾ പങ്കുവയ്ക്കൽ ചർച്ചകൾ പൂർണമായിട്ടില്ല എന്നതാണ്.