മുകേഷ് അംബാനിക്കും കുടുംബത്തിനും നേരെ വധഭീഷണി മുഴക്കിയ യുവാവ് അറസ്റ്റിൽ:- യുവാവിന് മാനസികാസ്വാസ്ഥ്യം
റിലയൻസ് ഇൻഡസ്ട്രീസ് ലിമിറ്റഡ് (ആർഐഎൽ) ചെയർമാൻ മുകേഷ് അംബാനിക്കും കുടുംബത്തിനും നേരെ ഭീഷണി മുഴക്കിയ ആളെ മുംബൈ പോലീസ് കസ്റ്റഡിയിലെടുത്തു. മുംബൈയിലെ ഗിർഗാവിൽ റിലയൻസ് ഫൗണ്ടേഷൻ ആശുപത്രിയിലെ ലാൻഡ്ലൈൻ നമ്പരിലേക്ക് മൂന്ന് – നാലു തവണ വിളിച്ചാണ് ഇയാൾ ഭീഷണിപ്പെടുത്തിയത്. അഫ്സൽ എന്നയാളാണ് അറസ്റ്റിലായതെന്ന് പൊലീസ് പറഞ്ഞു.
ദഹിസാർ പ്രദേശത്ത് നിന്നാണ് ആളെ കസ്റ്റഡിയിലെടുത്തതെന്ന് ഒരു പോലീസ് ഉദ്യോഗസ്ഥൻ പിടിഐയോട് പറഞ്ഞു. പ്രാഥമിക അന്വേഷണത്തിൽ വിളിച്ചയാൾക്ക് മാനസികാസ്വാസ്ഥ്യമുണ്ടെന്ന് കണ്ടെത്തി. വ്യവസായി മുകേഷ് അംബാനിയുടെ കുടുംബത്തെ കൊല്ലുമെന്ന് ഭീഷണിപ്പെടുത്തി ഫോൺ കോളുകൾ ലഭിച്ചതിനെ തുടർന്ന് റിലയൻസ് ഫൗണ്ടേഷൻ ഹോസ്പിറ്റൽ പരാതി നൽകിയതിനെ തുടർന്നാണ് പൊലീസ് അന്വേഷണം ആരംഭിച്ചത്.
എബിപി ന്യൂസ് വൃത്തങ്ങൾ പറയുന്നതനുസരിച്ച്, മുംബൈ പോലീസ്, മഹാരാഷ്ട്ര ആന്റി ടെററിസം സ്ക്വാഡ് ടീം, ക്രൈംബ്രാഞ്ച് ടീം എന്നിവരെ മുകേഷ് അംബാനിയുടെ വസതിയായ ആന്റിലിയയിലേക്ക് അയച്ചിട്ടുണ്ട്. അംബാനിയുടെ വസതിക്ക് സമീപം സിവിൽ വേഷത്തിൽ ഒരു പോലീസ് സംഘത്തെയും വിന്യസിച്ചിട്ടുണ്ട്.
ഇതാദ്യമായല്ല മുകേഷ് അംബാനിയ്ക്ക് ഇത്തരത്തിൽ ഭീഷണി നേരിടുന്നത്. കഴിഞ്ഞ വർഷം, ആന്റിലിയയിൽ നിന്ന് കുറച്ച് അകലെ സംശയാസ്പദമായ ഒരു കാർ കണ്ടെത്തി, അതിൽ നിന്ന് 20 ജലാറ്റിൻ സ്റ്റിക്കുകൾ കണ്ടെടുത്തിരുന്നു.
https://www.facebook.com/Malayalivartha