തെലങ്കാന രാഷ്ട്രസമിതി തലവനും സംസ്ഥാന മുഖ്യമന്ത്രിയുമായ കെ. ചന്ദ്രശേഖര് റാവു ഇന്ന് ദേശീയ പാര്ട്ടി പ്രഖ്യാപിക്കും
തെലങ്കാന രാഷ്ട്രസമിതി തലവനും സംസ്ഥാന മുഖ്യമന്ത്രിയുമായ കെ. ചന്ദ്രശേഖര് റാവു ഇന്ന് ദേശീയ പാര്ട്ടി പ്രഖ്യാപിക്കും. ഇന്ന് ഉച്ചക്ക് ഒരു മണിയോടെയായിരിക്കും പ്രഖ്യാപനം ഉണ്ടാവുക.
തെലങ്കാന ഭവനില് നടക്കുന്ന ടി.ആര്.എസിന്റെ യോഗത്തിലായിരിക്കും പ്രഖ്യാപനം നടത്തുക. ക്രിസ്ത്യന് നേതാക്കള് ടി.ആര്.എസിന് പിന്തുണ നല്കുകയും ദേശീയ രംഗത്തേക്കുള്ള പ്രവേശനത്തിന് മുഖ്യമന്ത്രിക്ക് ആശംസകള് നേരുകയും ചെയ്തു. ഇതുമായി ബന്ധപ്പെട്ട് ഇന്നലെ നിസാമാബാദ് സി.എസ്.ഐ ചര്ച്ചില് സഭയിലെ നിരവധി ക്രിസ്ത്യന് നേതാക്കള് പിന്തുണ അറിയിച്ചുകൊണ്ട് പ്രമേയം പാസാക്കി.
ദൈവത്തിന്റെ അനുഗ്രഹം കെ.സി.ആറിനൊപ്പമുണ്ടെന്ന് പ്രൊട്ടസ്റ്റന്റ് ചര്ച്ച് ഓഫ് സൗത്ത് ഇന്ത്യ സൊസൈറ്റിയുടെ ബിഷപ്പ് എ.സി സോളമന് രാജ് പറഞ്ഞു. 'ഞങ്ങള് എല്ലാവരും അദ്ദേഹത്തിനൊപ്പമുണ്ട്. രാജ്യത്തിന് ഇന്ന് ആവശ്യം കെ.സി.ആറിനെ പോലുള്ള നേതാക്കളെയാണ്. ഇന്ത്യ മതേതരമായി തുടരണമെങ്കില് കെ.സി.ആറിന്റെ നേതൃത്വം ആവശ്യമാണ്'- ബിഷപ്പ് പറഞ്ഞു. പാര്ട്ടിയുടെ ജനറല് ബോഡി യോഗം വിജയദശമി ദിനത്തില് തെലങ്കാന ഭവനില് നടക്കുമെന്ന് ടി.ആര്.എസ് നേരത്തെ അറിയിച്ചിരുന്നു.
മുനുഗോട് നിയമസഭാ ഉപതിരഞ്ഞെടുപ്പ് ജനറല് ബോഡി യോഗത്തെ ബാധിക്കില്ലെന്നും അംഗങ്ങള് ആശയക്കുഴപ്പത്തിലാകേണ്ടതില്ലെന്നും മുഖ്യമന്ത്രി അറിയിച്ചു.
"
https://www.facebook.com/Malayalivartha