നിയമസഭ ബില് പാസാക്കിയാല് ഒപ്പിടാന് ഗവര്ണര്ക്ക് ഉത്തരവാദിത്തമുണ്ട്... ബില്ലുകള് തടഞ്ഞുവച്ചതുകൊണ്ട് ഗവര്ണര്ക്ക് നിയമസഭയെ മറികടക്കാനാവില്ലെന്ന് സുപ്രീംകോടതി
ബില്ലുകള് തടഞ്ഞുവച്ചതുകൊണ്ട് ഗവര്ണര്ക്ക് നിയമസഭയെ മറികടക്കാനാവില്ലെന്നും സംസ്ഥാനത്തിന്റെ നിയമനിര്മാണം തടസപ്പെടുത്താന് കഴിയില്ലെന്നും സുപ്രീംകോടതി. ചീഫ് ജസ്റ്റിസ് ഡി വൈ ചന്ദ്രചൂഡ് അദ്ധ്യക്ഷനായ ബെഞ്ചിന്റെതാണ് സുപ്രധാന വിധി. നിയമസഭ വീണ്ടും ബില് പാസാക്കിയാല് ഒപ്പിടാന് ഗവര്ണര്ക്ക് ഉത്തരവാദിത്തമുണ്ടെന്നും കോടതി വ്യക്തമാക്കി.പഞ്ചാബ് ഗവര്ണര്ക്കെതിരെ സര്ക്കാര് നല്കിയ ഹര്ജിയിലുള്ള വിധിയിലാണ് സുപ്രീംകോടതി ഉത്തരവ്.
ഗവര്ണര് സംസ്ഥാനത്തിന്റെ പ്രതീകാത്മക തലവന് മാത്രമാണെന്നും യഥാര്ത്ഥ അധികാരം തിരഞ്ഞെടുക്കപ്പെട്ട ജനപ്രതിനിധികള്ക്കാണെന്നും ഉത്തരവില് വ്യക്തമാക്കുന്നു.ഇന്ത്യന് ഭരണഘടനയുടെ 200-ാം അനുച്ഛേദത്തില് ഗവര്ണര് സംസ്ഥാന നിയമസഭ പാസാക്കിയ ബില്ലിന് അനുമതി നല്കാതെ തടഞ്ഞുവയ്ക്കുകയാണെങ്കില് അടുത്ത നടപടിയെന്താണെന്ന് വിശദീകരിച്ചിട്ടില്ല.
ഈയൊരു സാഹചര്യത്തിലാണ് കോടതി കേസില് നിര്ണായക വിധി പുറപ്പെടുവിച്ചത്.ഗവര്ണര് സംസ്ഥാനത്തിന്റെ തിരഞ്ഞെടുക്കപ്പെടാത്ത തലവനാണ്. നിയമസഭയുടെ നിയമനിര്മാണ അധികാരങ്ങളെ അട്ടിമറിക്കാന് ഗവര്ണര്ക്ക് സാധിക്കില്ല. പാര്ലമെന്ററി ജനാധിപത്യത്തില് തിരഞ്ഞടുക്കപ്പെട്ട പ്രതിനിധികള്ക്കാണ് അധികാരം. കേന്ദ്രത്തിലും സംസ്ഥാനങ്ങളിലും ഇത് തന്നെയാണ് സ്ഥിതി. രാഷ്ട്രപതി നാമനിര്ദേശം ചെയ്യുന്ന പ്രതിനിധി മാത്രമാണ് ഗവര്ണറെന്നും സുപ്രീംകോടതി വ്യക്തമാക്കി.
https://www.facebook.com/Malayalivartha
