മരണത്തിന് ശേഷവും മനുഷ്യന്‍ ജീവിക്കുമെന്ന അഭ്യൂഗങ്ങള്‍ക്ക് വിരാമമായി. മരണത്തിനു ശേഷവും ജീവിക്കുമെന്ന് ശാസ്ത്രം തന്നെ തെളിയിച്ചു. ഡോ. പാര്‍ണിയയുടെ നേതൃത്വത്തിലുള്ള ഒരു സംഘം ശാസ്ത്രജ്ഞര്‍ നാലു വര്‍ഷംകൊണ്ട് നടത്തുന്ന പഠനത്തിലാണ് തെളിവുകള്‍ ലഭിച്ചത്. അമേരിക്ക, ബ്രിട്ടന്‍, ഓസ്‌ട്രേലിയ എന്നിവിടങ്ങളിലെ ആശുപത്രികളില്‍ നിന്നും ഹൃദയാഘാതം സംഭവിച്ച രോഗികളോട് അവരുടെ അനുഭവങ്ങള്‍ ചോദിച്ചറിയുകയാണ് സംഘം പ്രധാനമായും ചെയ്തത്.
മരണം സ്ഥിരീകരിച്ചിട്ടും ഹൃദയാഘാതത്തില്‍ നിന്ന് രക്ഷപ്പെട്ട 40 ശതമാനം പേര്‍ക്കും ആ സമയങ്ങളില്‍ ബോധമുണ്ടായിരുന്നുവെന്നാണ് ഇവര്‍ കണ്ടെത്തിയത്. മരണത്തിന് തൊട്ടടുത്തു എത്തിയ അവസ്ഥയെ കുറിച്ച് ഒരു രോഗി പറഞ്ഞത് വിശ്വസനീയമായ കാര്യമാണെന്നാണ് ശാസ്ത്രജ്ഞര്‍ പറയുന്നത്. അയാള്‍ പറഞ്ഞത് ആ സമയത്ത് തന്നെ രക്ഷിക്കാനായി ഡോക്ടര്‍മാരും നഴ്‌സുമാരും നടത്തിയ ശ്രമങ്ങളും സംഭാഷണങ്ങളും കൃത്യമായി ഓര്‍മയുണ്ടെന്നാണ്. അയാള്‍ പറഞ്ഞ സംഭവങ്ങളെ കുറിച്ച് ശാസ്ത്രജ്ഞര്‍ അന്വേഷിച്ചപ്പോള്‍ അത് സത്യമാണെന്നു മനസ്സിലായതായി റിപ്പോര്‍ട്ടില്‍ പറയുന്നു. പഠന വിധേയരായവരില്‍ 46 ശതമാനം പേര്‍ക്കും ആ സമയത്തെക്കുറിച്ച് സ്പഷ്ടമായ ഓര്‍മ്മകളാണ് ഉണ്ടായിരുന്നത്.
സംഘത്തിന്റെ പഠന റിപ്പോര്‍ട്ട് റീസുസിറ്റേഷന്‍ എന്ന ജേണലില്‍ പ്രസിദ്ധീകരിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha