ജീവിതത്തിലും മരണത്തിലും പിന്തുടര്ന്ന പ്രക്ഷുബ്ധത : സുനന്ദ പുഷ്കര്
വീണ്ടും വാര്ത്തകളില് നിറയുകയാണ് സുനന്ദ പുഷ്കര്. വിവാദങ്ങള് എന്നും കൂട്ടായിട്ടുണ്ടായിരുന്ന ജീവിതത്തിന്റെ അന്ത്യപക്ഷം കഴിഞ്ഞിട്ടും വിട്ടുപോകാന് താല്പര്യമില്ലാത്തതുപോലെ ഇപ്പോഴും വാര്ത്തകളും വിവാദങ്ങളും! ഉന്നതനായ ഒരു രാഷ്ട്രീയനേതാവിന്റെ ജീവിതത്തിലെ പ്രഥമസ്ഥാനം കിട്ടിയതിനൊപ്പം ലഭിച്ച പ്രശസ്തിക്കും പകിട്ടിനും സ്വന്തം ജീവന് തന്നെ വിലയായി നല്കേണ്ടി വന്നതാണോ? അഭ്യൂഹങ്ങള്ക്ക് വിരാമമാകുന്നില്ല. സുനന്ദയുടെ മൂന്നാം വിവാഹമായിരുന്നു തരൂരുമായിട്ടുളളത്. ആദ്യവിവാഹം വിവാഹമോചനത്തിലും, രണ്ടാമത്തേത് അപകടത്തില് ഭര്ത്താവ് മരണപ്പെട്ടതിലൂടെയും അവസാനിക്കുകയായിരുന്നു. മനസ്സ് പ്രക്ഷുബ്ധമായിരുന്ന കാലങ്ങളായിരുന്നു അത്. രണ്ടാമത്തെ ഭര്ത്താവിന്റെ വിയോഗശേഷം, അദ്ദേഹം വരുത്തിവെച്ച കടബാദ്ധ്യതേയേയും മകനെ വളര്ത്തേണ്ടതിന്റെ ഉത്തരവാദിത്വത്തേയും കുറിച്ച് ചിന്തിച്ച് ആശങ്കയോടെ തളളിനീക്കിയ ദിനങ്ങള്…. അശാന്തിയുടെ ദിനങ്ങളായിരുന്നു അവ. അതിനുശേഷം ഒരു കരിയര് കരുപിടിപ്പിക്കുന്നതിനുളള ശ്രമങ്ങളുടെ ഭാഗമായി മൂന്ന് ഭൂഖണ്ഡങ്ങളിലായി കഴിച്ചുകൂട്ടിയ ജീവിതം. വടക്കേ അമേരിക്കയിലും, ദുബായിയിലും, ഇന്ത്യയിലുമെല്ലാം പല മേഖലകളില് അവര് ഭാഗ്യം പരീക്ഷിച്ചു നോക്കി. ജീവിത വിജയത്തിന് ധനം ഒരു അത്യാവശ്യഘടകമാണെങ്കിലും, അതുളളതുകൊണ്ടുമാത്രം സമാധാനവും സന്തോഷവും ലഭിക്കും എന്ന് ഒരുറപ്പുമില്ല എന്നതിന് സുനന്ദയുടെ ജീവിതം ഒരു വലിയ തെളിവാണ്. സാമ്പത്തികമായ പലവിധ ഉയര്ച്ച-താഴ്ചകളിലൂടെ കടന്നിട്ടാണെങ്കിലും വന്പിച്ച ആസ്തിയുമായി അവര് സാമ്പത്തികസുരക്ഷ ആര്ജിച്ചു. അതുകൊണ്ടുത്തന്നെ പണത്തിനും പ്രശസ്തിക്കും വേണ്ടി അവര് തരൂരിന്റെ ജീവിതത്തിലേയ്ക്കെത്തി എന്നു കരുതാനാവില്ല. അവരാഗ്രഹിച്ചിരുന്നത് ജീവിതത്തില് സ്നേഹത്തിന്റെ തണലാണ്. എന്നാല് പുറംലോകത്തില് അവര് സന്തേഷവതിയായി കാണപ്പെട്ടപ്പോഴും ഉത്കണ്ടകളില്ലാത്ത ജീവിതം അവര്ക്കു സ്വന്തമായിരുന്നോ? സുനന്ദയുടെ മരണത്തിനു കാരണം ആരോഗ്യപ്രശ്നങ്ങള് തന്നെയാവാം. എന്നാല്, ആരോഗ്യസ്ഥിതി കൂടുതല് വഷളയാത് തരൂരിന്റെ വിവാഹേതര ബന്ധമായിരുന്നു എന്നു വാദിക്കുന്നവരും കുറവല്ല. ഏതെങ്കിലും ചെറിയ അസുഖാവസ്ഥകള് പോലും മാനസിക സംഘര്ഷങ്ങള് മൂലം വലിയ പ്രശ്നമായിമാറുമെന്ന് സുനന്ദയുടെ ചില സുഹൃത്തുക്കള് പറഞ്ഞത് വാസ്തവും തന്നെയാണ്. വളരെ വലിയ ആഘാതങ്ങളും പ്രതിസന്ധികളും ജീവിതത്തില് നേരിട്ടിട്ടുളള സുനന്ദ മനശക്തിയും ധൈര്യവും ഉളള വ്യക്തിയായിരുന്നു വെന്നാണ് പറയപ്പെടുന്നത്. എങ്കിലും സ്വന്തം ആരോഗ്യസ്ഥിതി മോശമായതും, തരൂര് മറ്റൊരു സ്ത്രീയുമായി അടുക്കുന്നതായി തോന്നിയതും അവരെ വല്ലാത്ത മാനസിക സംഘര്ഷത്തിലാക്കി. വിഷാദരോഗത്തിനുളള മരുന്നുകള് അവര് കഴിച്ചിരുന്നു എന്നു പറയുന്നത് വാസ്തവമാണെങ്കില് ആ മരുന്നകള്ക്കവര് അടിമപ്പെട്ടിരുന്നുവെന്നു കരുതേണ്ടിവരും. സ്വന്തം മൂല്യം മറന്ന്, പ്രശ്നപരിഹാരം എങ്ങനെ സാധ്യമാകും എന്ന് ചിന്തിക്കുവാന് പോലും കഴിയാത്ത മാനസിക വിഭ്രാന്തിയിലായിരിക്കണം അവര് സോഷ്യല് മാധ്യമങ്ങളിലൂടെ തരൂരിന്റെ ജീവിതത്തിലെ പുതിയ സ്ത്രീയെ ആക്രമിക്കാന് ശ്രമിച്ചത്. ദാമ്പത്യജീവിതത്തിലെ അസ്വസ്ഥതകള്ക്കിടയില് അവരെ നിലനിര്ത്തയത് അവരുടെ അമ്മ മനസ്സായിരിക്കണം. അല്ലെങ്കിലും ദാമ്പത്യബന്ധമൊന്നു മാത്രമല്ലല്ലോ, മനുഷ്യജീവിതം ഉത്കൃഷ്ടമാക്കുന്നത്. പ്രശസ്തിയും പകിട്ടുമുളള ജീവിതത്തിന് വലിയ വിലയാണ് കൊടുക്കേണ്ടി വരുന്നതെന്ന ചിന്ത അവശേഷിപ്പിച്ചുകൊണ്ട് സുനന്ദ കടന്നുപോയി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha