ദൃശ്യവിരുന്നൊരുക്കി നീലക്കുറിഞ്ഞി പൂത്തു, വാഗമണ്ണില് ഇനി ഉത്സവകാലം
വാഗമണ്ണിലെ വെട്ടിക്കുഴിയില് ദൃശ്യവിരുന്നൊരുക്കി നീലക്കുറിഞ്ഞി പൂത്തു. വാഗമണ് ഏലപ്പാറ റൂട്ടില് വെടിക്കുഴി പ്രധാന റോഡില് നിന്ന് മൂന്നുകിലോമീറ്ററോളം ദുര്ഘടമായ പാതയിലൂടെ സഞ്ചരിച്ചാല് ഇവിടെ എത്താന് കഴിയും. പന്ത്രണ്ടുവര്ഷത്തില് ഒരിക്കല് പൂക്കുന്ന നീലകുറിഞ്ഞി സമുദ്രനിരപ്പില് നിന്ന് 1600 മുതല് 2700 വരെ മീറ്റര് ഉയരമുള്ള പ്രദേശങ്ങളിലാണ് സാധാരണ വളരുന്നത്.
എന്നാല് പന്ത്രണ്ടു വര്ഷങ്ങള്ക്കു മുമ്പ് യൂത്ത് ഹോസ്റ്റല് അസോസിയേഷന്റെ നേതൃത്വത്തിലാണ് മൂന്നാറില് നിന്ന് നീലക്കുറിഞ്ഞിയെത്തിച്ച് ഇവിടെ നട്ടുപിടിപ്പിച്ചത്. കുളമാവ്, വാഗമണ് എന്നീ സ്ഥലങ്ങളില് സംഘടിപ്പിച്ച ട്രെക്കിംഗിന്റെ ഭാഗമായാണ് ഇവിടെ നീലക്കുറിഞ്ഞി നട്ടത്. ഇത് സംരക്ഷിക്കണമെന്ന് ആവശ്യപ്പെട്ട് അസോസിയേഷന് ജില്ലാ പ്രസിഡന്റ് എന്. രവീന്ദ്രന്റെ നേതൃത്വത്തില് വനം വകുപ്പ് അധികൃതര്ക്ക് കത്തു നല്കിയിരുന്നു.
എന്നാല് ഇവിടെ സംരക്ഷണം ഏര്പ്പെടുത്താത്തതിനാല് സഞ്ചാരികളില് പലരും ഇത് പിഴുത് കൊണ്ടുപോകുകയും നശിപ്പിക്കുകയും ചെയ്യുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha