പ്രളയജലം കയറിയ വീട്ടില് അടച്ചുപൂട്ടിയിരുന്ന വൃദ്ധയെ പൂട്ട് പൊളിച്ച് അകത്ത് കയറിയ യുവാക്കള് രക്ഷപ്പെടുത്തി!
ഒരുമയോടെ മഹാപ്രളയത്തെ നേരിട്ട് അതിജീവിക്കാനുള്ള ശ്രമത്തിലാണ് കേരളം.
പ്രളയബാധിത മേഖലകളില് ദുരിതാശ്വാസ പ്രവര്ത്തനങ്ങള് പുരോഗമിച്ചു കൊണ്ടിരിക്കയാണ്.
അസ്വസ്ഥമായ മനസ്സുകളിലേക്ക് പ്രതീക്ഷയെത്തിക്കുന്ന പല വാര്ത്തകളും പുറത്തുവരുന്നുണ്ട്.
സര്ക്കാര് സംവിധാനങ്ങള്ക്കൊപ്പം സംഘടനകളും വ്യക്തികളുമെല്ലാം രക്ഷാപ്രവര്ത്തനത്തിന് സജീവമായി രംഗത്തുണ്ട്.
സര്ക്കാര് നിര്ദേശങ്ങള് കൃത്യമായി പാലിക്കുക എന്ന അറിയിപ്പാണ് ഇവരെല്ലാം നല്കുന്നത്.
ഇതിനിടെ മഹാപ്രളയത്തിന്റെ തീവ്രത മനസ്സിലാക്കാതെ വീട്ടില് നിന്നും ഇറങ്ങാതിരുന്ന ഇരുന്ന വൃദ്ധയായ സ്ത്രീയെ സാഹസികമായി പൂട്ട് പൊളിച്ചു അകത്തുകയറി രക്ഷപെടുത്തിയ വിഡിയോ നവമാധ്യമങ്ങളില് പ്രചരിക്കുന്നുണ്ട്.
പത്തനംതിട്ട ജില്ലയിലെ ആദിക്കാട്ടുകുളങ്ങരയിലാണ് സംഭവം. ''എത്ര നേരമായി ഞങ്ങള് വിളിക്കുന്നു അമ്മേ, എന്താ പുറത്തേക്കു വരാത്തത്, വെള്ളം കയറുന്നത് കണ്ടില്ലേ'' എന്ന് രക്ഷിക്കാനെത്തിയവര് പറയുന്നത് വിഡിയോയില് കേള്ക്കാം.
ഒരു പറ്റം യുവാക്കളും കേരളാ പോലീസും സമയോചിതമായി ഇടപെട്ടതിന്റെ ഫലമായാണ് ഇവരെ പുറത്തെത്തിക്കാനായത്.
https://www.facebook.com/Malayalivartha