കുട്ടികള്‍ക്കൊപ്പം കട്ടിലില്‍ കിടന്നുറങ്ങിയത് പുലിക്കുട്ടി. മഹാരാഷ്ട്രയിലെ നാസിക്കിലാണ് സംഭവം.

കട്ടിലില്‍ വിരിച്ച കൊതുകുവലയ്ക്കുള്ളില്‍ കുട്ടികള്‍ക്കൊപ്പം ഉറങ്ങിയ മൂന്നു മാസം പ്രായമുള്ള പുലിയെ ഗ്രഹനാഥയാണ് ആദ്യം കണ്ടത്.

സംഭവം കണ്ട് ഞെട്ടിയ ഇവര്‍ ശബ്ദമുണ്ടാക്കാതെ കുട്ടികളെ ഇരുവരെയും മുറിയില്‍ നിന്നും പുറത്തിറക്കിയതിനു ശേഷം അയല്‍വാസികളെ വിവരമറിയിക്കുകയായിരുന്നു.

സംഭവമറിഞ്ഞെത്തിയ വനംവകുപ്പ് ഉദ്യോഗസ്ഥരാണ് പുലിയെ പിടികൂടിയത്. പുലിയെ പിന്നീട് സുരക്ഷിത സ്ഥലത്തേക്കു മാറ്റുകയായിരുന്നു.

കിണറ്റില്‍ വീണതിനെ തുടര്‍ന്ന് ഒരുമാസം മുമ്പ് തങ്ങള്‍ രക്ഷിച്ച അതേ പുലിക്കുട്ടിയാണ് ഇതെന്ന് ഫോറസ്റ്റ് അധികൃതര്‍ സ്ഥിരീകരിച്ചു.