ഈജിപ്തിലെ കെയ്‌റോയിൽ നിന്നും 3000 ത്തോളം വർഷം പഴക്കമുള്ള ചീസ്(പാല്‍ക്കട്ടി) കണ്ടെത്തി. ലോകത്തിലെ തന്നെ ഏറ്റവും പഴക്കമുണ്ടെന്ന് കരുതപ്പെടുന്ന പാൽക്കട്ടിയാണ് ശാസ്ത്രജഞര്‍ കണ്ടെത്തിയിരിക്കുന്നത്.

ഇറ്റലിയിലെ കാറ്റാനിയ സര്‍വ്വകലാശാലയിലെ പുരാവസ്തു ഗവേഷകരാണ് ശവകുടീരത്തിനുള്ളിലെ പൊട്ടിയ ഭരണിക്കുള്ളില്‍ നിന്നും ചീസ് കണ്ടെത്തിയത്. 13-ാം നൂറ്റാണ്ടില്‍ ഈജിപ്റ്റിലെ മെഫിംസിലെ മേയറായിരുന്ന വ്യക്തിയുടെ ശവകുടീരമാണിത്.

അനലിറ്റിക്കല്‍ കെമിസ്ട്രി എന്ന മാസികയില്‍ പ്രസിദ്ധീകരിച്ച പഠന റിപ്പോര്‍ട്ടില്‍ ചീസിനെകുറിച്ച്‌ വിശദീകരിക്കുന്നുണ്ട്. പുരാതനകാലത്ത് മരുന്നായി ചീസ് ഉപയോഗിച്ചിരുന്നെന്ന് പറയപ്പെടുന്നുണ്ട്. അതേ സമയം അക്കാലത്ത് ഉപയോഗിച്ചിരുന്ന ചീസിന്റെ സ്വാദ് എന്തായിരുന്നുന്നെന്നു ഗവേഷകര്‍ക്ക് കണ്ടെത്താനായിട്ടില്ല.