ഇത് സാനിയ..ആൺ കുട്ടിയായി ജനിച്ച് സൗന്ദര്യമത്സരത്തിൽ ഫസ്റ്റ് റണ്ണര് അപ്പ് ആയ സുന്ദരിക്കുട്ടി ...
ദേശീയ സൌന്ദര്യമത്സരത്തില് ഹിമാചല് പ്രദേശിനെ പ്രതിനിധീകരിച്ച് ഫസ്റ്റ് റണ്ണര് അപ്പ് ആയ സാനിയ ഏറെ വ്യത്യസ്തയാണ്. സംഗീതവും ഫാഷനും ഭക്ഷണവും യാത്രയും ഇഷ്ടപ്പെട്ട ഈ കൊച്ചു സുന്ദരി ജനിച്ചത് ആണ്കുട്ടി ആയിട്ടാണ്.
ഷിംലയിലെ നല്ല സാമ്പത്തികശേഷിയുള്ള കുടുംബത്തിൽ ജനനം .കാണാൻ നല്ല ചന്തമുള്ള മിടുക്കൻ ..പക്ഷെ അഞ്ചാമത്തെ വയസുമുതലെ എന്തോ പന്തികേടുകൾ ഉണ്ടോ എന്ന സംശയം തുടങ്ങി. സംസാരിക്കുമ്പോഴും പെരുമാറുമ്പോഴും എല്ലാം പെണ്കുട്ടികളുടേതുപോലെ. അവന് ആഗ്രഹവും പെണ്കുട്ടിയായി നടക്കാനായിരുന്നു. വളരുംതോറും അവനിലെ പെണ്ണും വളർന്നു. പിന്നെ കുറ്റപ്പെടുത്തലുകളും പരിഹാസവും.. 'നിനക്ക് എന്തോ കുഴപ്പമുണ്ട്' എന്ന വിലയിരുത്തലിൽ എല്ലാം തികഞ്ഞവരായി ചുറ്റുമുള്ളവർ. അവന്റെ മാതാപിതാക്കളെയും വെറുതെവിട്ടില്ല. കുറച്ച് കഴിയുമ്പോള് മകന് ആണ്കുട്ടിയെ പോലെ പെരുമാറും എന്ന് കരുതിയിരിക്കുകയായിരുന്നു അവന്റെ മാതാപിതാക്കള്. പക്ഷെ കുറ്റപ്പെടുത്തലികളും പരിഹാസവും ഏറിയപ്പോൾ അവരും മകനോട് കലഹിച്ചു തുടങ്ങി. ആൺകുട്ടികളെപ്പോലെ പെരുമാറാൻ ഉപദേശിച്ചു.
ഒരുവേള ദൈവത്തിനോടുപോലും വെറുപ്പ് തോന്നി എന്ന് സാനിയ ഓർത്തെടുക്കുന്നു. ഒരിക്കലും ആൺകുട്ടിയായി മാറാനുള്ള മനസ്സ് അവനില്ലായിരുന്നു. ആ കൊച്ചു മനസ്സിൽ പെൺകുട്ടികളുടെ സങ്കല്പങ്ങൾ മാത്രമാണുണ്ടായിരുന്നത് ... 25 വയസായത്തോടെ ആ സത്യം തിരിച്ചറിഞ്ഞു. താനൊരു ട്രാന്സ്ജെന്ഡറാണ്
പക്ഷെ അത് മാതാപിതാക്കളെപോലും പറഞ്ഞു മനസ്സിലാക്കാൻ ബുദ്ധിമുട്ടായിരുന്നു. കല്യാണം കഴിക്കാനാണ് അവർ ഉപദേശിച്ചത്.
ഉപരിപഠനത്തിനായി സനിയ ബംഗളൂരുവിലേക്ക് പോയി. അവിടെയും കുറ്റപ്പെടുത്തലുകളും ഒറ്റപ്പെടലുകളും മാത്രം ..പതുക്കെ പതുക്കെ വിഷാദം സനിയയെ കീഴടക്കി. ആരുമില്ലാത്ത അവസ്ഥ. തിരികെ വീട്ടിലെത്തിയപ്പോള്, അമ്മയോട് ഇക്കാര്യം തുറന്നു പറഞ്ഞു. തനിക്ക് ആണായി ജീവിക്കാനല്ല ഇഷ്ടം. വിവാഹം കഴിച്ചാല് സനിയയുടെ എല്ലാ പ്രശ്നങ്ങളും മാറുമെന്നും അവര് ആവര്ത്തിച്ചു. അതിനിടയില് ഗസല് ദലിവാല് എന്നയാളിന്റെ ജീവിതത്തെ കുറിച്ച് സനിയ അറിഞ്ഞു. അത് സനിയക്ക് പ്രതീക്ഷയേകി. തന്നെ കുറിച്ച് ഒരു വിശദമായ വീഡിയോ മാതാപിതാക്കള്ക്ക് അയച്ചു. ഇത്തവണ അവര് ശകാരിച്ചില്ല, ദേഷ്യപ്പെട്ടില്ല. പകരം, ആ കേള്ക്കാന് കാത്തിരുന്ന വാക്കുകള് തന്നെ പറഞ്ഞു, 'നീ എന്ത് തീരുമാനമെടുത്താലും ഞങ്ങള് കൂടെയുണ്ട്.' അപ്പോഴേക്കും സനിയക്ക് വയസ് 30.
പിന്നെ താമസിച്ചില്ല. ആൺരൂപത്തിൽനിന്നു അവനിലെ സ്ത്രീയിലേക്കുള്ള കൂടുമാറ്റം.. ശസ്ത്രക്രിയകൾ, വേദനകൾ..എല്ലാറ്റിനും കൂട്ടായി അമ്മയും സഹോദരനും നിന്നു.ശസ്ത്രക്രിയക്ക് ശേഷം ബാങ്കോങ്കിൽ നിന്ന് തിരിച്ചെത്തിയത് ഒരു ഫീനിക്സ് പക്ഷി ആയിട്ടായിരുന്നു.
ഹിമാചല് പ്രദേശിനെ പ്രതിനിധീകരിച്ച് ദേശീയമത്സരത്തില് പങ്കെടുത്തു. ഫസ്റ്റ് റണ്ണര് അപ്പും ആയി. മോഡലിങ് രംഗത്ത് തന്നെ തുടരാനാണ് ആഗ്രഹം..അഭിനയിക്കാനും ഇഷ്ടമാണ്..സാനിയ പറയുന്നു
ട്രാന്സ്ജെന്ഡര് എന്നത് പരിമിതി ആണെന്ന് തനിക്കറിയാം ..എന്നാൽ എല്ലാറ്റിനെയും നേരിടാനുള്ള കരുത്തുണ്ട് ആ പെൺ മനസ്സിന്. കൂട്ടായി അമ്മയും സഹോദരനും അടങ്ങുന്ന കുടുംബമുണ്ട് ...
ഒരിക്കല് തള്ളിപ്പറഞ്ഞവര് പലരും അംഗീകരിച്ചു തുടങ്ങി എന്ന സന്തോഷം മറച്ചു വെക്കുന്നില്ല സാനിയ.. ഇനിയും ഉയരങ്ങളിലേക്കെത്താൻ സാനിയയ്ക്ക് കഴിയട്ടെ എന്ന് നമുക്കും ആശംസിക്കാം
https://www.facebook.com/Malayalivartha