ലോകം മുഴുവന് വാര്ത്തയായി മാറിയ ഐസ് ബക്കറ്റ് ചലഞ്ചിന് അമേരിക്കയില് നിന്നൊരു അശുഭവാര്ത്ത
ഐസ്ബക്കറ്റ് ചലഞ്ചിന്റെ ഭാഗമായി ഓട്ടിസം ബാധിച്ച സഹപാഠിയുടെ മേല് മൂത്രം, പുകയില, തുപ്പല് എന്നിവ ചേര്ത്ത് കമഴ്ത്തിയതിന് സഹപാഠികളെ കോടതി ശിക്ഷിച്ചു. ഓട്ടിസം പോലുളള മറ്റൊരു രോഗമായ എ.എല്.എസ്സ് ന്റെ ബോധവല്ക്കരണത്തിനായി നടത്തുന്ന ഐസ്ബക്കറ്റ് ചലഞ്ച് ഉപയോഗിച്ച് ഓട്ടിസം ബാധിച്ച ഒരു വ്യക്തിയെ തന്നെ അധിക്ഷേപിക്കാന് ശ്രമിച്ചത് വ്യാപകമായ പ്രതിഷേധത്തിന് ഇടയാക്കിയിട്ടുണ്ട്.
അമേരിക്കയിലെ ക്ലീവ്ലന്ഡിലെ മൂന്ന് കൗമാരക്കോരോട് സാമൂഹ്യസേവനം നടത്തുവാനും മാപ്പപേക്ഷകള് നല്കുവാനും ശിക്ഷാവിധിയുടെ ഭാഗമായി തിങ്കളാഴ്ച കോടതി നിര്ദേശിച്ചത്. എ.എല്.എസ് (അമൈയോട്രോഫിക് ലാറ്ററന് സ്ക്ളീറോസിസ്) എന്ന രോഗത്തിനെക്കുറിച്ച് ബോധവല്ക്കരണം നടത്തുന്നതിന്റെ ഭാഗമായി സംഘടിപ്പിച്ചുകൊണ്ടിരിക്കുന്ന ഐസ് ബക്കറ്റ് ചലഞ്ച്-ന്റെ പേരിലാണ് തങ്ങളുടെ ഓട്ടിസം ബാധിച്ച സഹപാഠിക്കുമേല് മൂത്രവും പുകയിലയും തുപ്പലും കലര്ത്തി കമിഴ്ത്തിയത്. ഓട്ടിസം ബാധിച്ചവര്ക്ക് സാമൂഹ്യസമ്പര്ക്കത്തിനും ആശയവിനിമയത്തിനും ബുദ്ധമുട്ട് ഉണ്ടായിരിക്കും. കൂടാതെ ചില ചലനങ്ങള് ആവര്ത്തിച്ചുകൊണ്ടേയിരിക്കും
ഇക്കഴിഞ്ഞ ഓഗസ്റ്റിലാണ് സംഭവം നടന്നത്. ഐസ് ബക്കറ്റ് ചലഞ്ചില് പങ്കെടുക്കുകയാണ് താനെന്ന് വിചാരിച്ചിരുന്ന കുട്ടി സുഹൃത്തുക്കള് തന്നോട് ചെയ്തത് മനസ്സിലാക്കിയതിനും ശേഷവും സൗഹൃദം നഷ്ടപെടുമെന്ന് ഭയന്ന് മറ്റാരോടും ഈ വിവരം പറഞ്ഞില്ല. എന്നാല് അവന്റെ സെല്ഫോണില് ഇതിന്റെ വീഡിയോ കണ്ട അമ്മ മാധ്യമങ്ങള്ക്ക് അത് പ്രസിദ്ധീകരണത്തിനു നല്കി. അമേരിക്കയിലാകെ ഇതിനെതിരേ പ്രതിഷേധമുയര്ന്നതോടെ സെപ്റ്റംബര് 3-ന് പോലീസില് റിപ്പോര്ട്ട് ചെയ്തു. വീഡിയോ പുറത്തു വന്നപ്പോള് സ്കൂള് പരിസരത്തിനു പുറത്തു വച്ച് നടന്ന സംഭവമായതിനാല് സ്ക്കൂള് അധികൃതര്ക്ക് ഒരു നടപടിയുമെടുക്കാനാകില്ലെന്ന് അവര് അറിയിച്ചു. തന്റെ കുടുംബത്തേയും സുഹൃത്തിനേയും നാണക്കേടിലാഴ്ത്തിയതില് താന് ദു:ഖിക്കുന്നുവെന്ന് തന്റെ കക്ഷി പറഞ്ഞതായി വക്കീല് പറഞ്ഞു. ഓട്ടിസം ബാധിച്ചവരെ പരിചരിക്കുന്ന എതെങ്കിലും കേന്ദ്രത്തില് അവരെ ശുശ്രൂഷിക്കാന് ആഗ്രഹിക്കുന്നതായി രണ്ടാമത്തെയാളും പറഞ്ഞു. മാതാപിതാക്കള് തന്റെ കക്ഷിയുടെ മേല് കര്ശന നിയന്ത്രണങ്ങള് ഇപ്പോള് ഏര്പ്പെടുത്തിയിട്ടുണ്ടെന്ന് മൂന്നാമത്തെ വക്കീലും കോടതിയെ അറിയിച്ചു. കൗമാരപ്രായത്തില് മോശമായ കാര്യങ്ങളുടെ പേരില് അന്താരാഷ്ട്ര മാധ്യമങ്ങളുടെ ശ്രദ്ധ നിങ്ങളുടെ നേര്ക്കാകുമ്പോള് നിങ്ങള് പെട്ടെന്ന് പക്വതയാര്ജ്ജിക്കുമെന്ന് കോടതി പ്രത്യാശിച്ചു. എന്നാല് ഇത് മനുഷ്യത്വത്തിന് ചേര്ന്ന പ്രവര്ത്തിയല്ലെന്ന് കുട്ടിയുടെ അമ്മ പറഞ്ഞു
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha