ഇനി നാഥനില്ലാക്കളരി... ഗൃഹനാഥനു പകരം ഇനി ഗൃഹനാഥയുടെ പേരിലായിരിക്കും റേഷന്‍ കാര്‍ഡ്; അന്ധാളിച്ച് ജനങ്ങള്‍
റേഷന്‍ കാര്‍ഡുകള്‍ ഇനി നാഥനില്ലാക്കളരിയാകുന്നു. പകരം നാഥയുള്ള കാര്‍ഡുകളാകുന്നു. സിവില്‍ സപ്ലൈസിന്റെ കിരാത പരിഷ്‌കാരത്തിനെതിരെ പ്രതിഷേധം ഇരമ്പുകയാണ്. കാര്‍ഡ് പുതുക്കുന്നതിനുള്ള അപേക്ഷ ഡിസംബര്‍ ഒന്നിനു റേഷന്‍ കടകളില്‍ ആരംഭിക്കാനിരിക്കേയുള്ള പുതിയ തീരുമാനത്തില്‍ അന്ധാളിച്ചിരിക്കുകയാണ് ജനങ്ങള്‍ .
ഇനിമുതല്‍ കുടുംബത്തിലെ ഏറ്റവും മുതിര്‍ന്ന സ്ത്രീയായിരിക്കും ഗൃഹനാഥയായി റേഷന്‍ കാര്‍ഡില്‍ രേഖപ്പെടുത്തുക. അവരുടെ ഫോട്ടോയായിരിക്കും റേഷന്‍ കാര്‍ഡില്‍ വരിക. മുതിര്‍ന്ന അംഗം സ്ത്രീയായിരിക്കുകയും ഫോട്ടോയെടുപ്പിനു പങ്കെടുക്കാന്‍ കഴിയാത്തവിധം രോഗിയോ മറ്റോ ആണെങ്കില്‍ നിലവിലെ റേഷന്‍ കാര്‍ഡില്‍ പേരുള്‍പെട്ടിട്ടുള്ള പ്രായപൂര്‍ത്തിയായ പെണ്‍കുട്ടിയുടെ പേരു ഗൃഹനാഥയായി രേഖപ്പെടുത്തും. പുരുഷന്‍മാര്‍ മാത്രമുള്ള വീടാണെങ്കില്‍ പുരുഷന്റെ പേരു രേഖപ്പെടുത്താം.
റേഷന്‍കാര്‍ഡ് പുതുക്കുന്നതിനുളള അപേക്ഷകള്‍ 28നുള്ളില്‍ അതാതു താലൂക്ക് സപ്ലൈ ഓഫിസുകളില്‍ നിന്നു റേഷന്‍കടകളില്‍ എത്തിക്കും. റേഷന്‍ കടകളിലൂടെ ഡിസംബര്‍ ഒന്നു മുതല്‍ അപേക്ഷ വിതരണം തുടങ്ങി 16നു മുമ്പ് പൂര്‍ത്തീകരിക്കും. തുടര്‍ന്ന് 1500 റേഷന്‍ കാര്‍ഡുകള്‍ക്ക് ഒരു കേന്ദ്രമെന്ന നിലയില്‍ പ്രാദേശികമായി ഫോട്ടോയെടുപ്പു ക്യാംപുകള്‍ സംഘടിപ്പിക്കും. പൂരിപ്പിച്ച അപേക്ഷയും പഴയ റേഷന്‍ കാര്‍ഡുമായി ഗൃഹനാഥയോ ഗൃഹനാഥനോ ഫോട്ടോയെടുപ്പു കേന്ദ്രത്തില്‍ എത്തിച്ചേരണം. 17 ന് ആരംഭിക്കുന്ന ഫോട്ടോയെടുപ്പു 31നു പൂര്‍ത്തീകരിക്കും.
ജനങ്ങളെ ബുദ്ധിമുട്ടിക്കാന്‍ എന്തിനാണ് ഇങ്ങനെയൊരു ഗൃഹനാഥമാറ്റം എന്നാണ് പലര്‍ക്കും മനസിലാകാത്തത്. എല്ലാ വീട്ടിലെ സ്ത്രീകളും ഇനി സപ്ലൈ ആഫീസില്‍ കയറിയിറങ്ങണമെന്നര്‍ത്ഥം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
