കോപ്പിയടിച്ച് പരീക്ഷ ജയിക്കണമെന്നുണ്ടോ; കോഴിക്കോട് സര്വകലാശാലയില് പഠിക്കൂ
കുട്ടികള് കൂട്ടത്തോടെ കോപ്പിയടിച്ചാല് അധ്യാപകര് എന്തു ചെയ്യും? രാജി വച്ചു പോവുക. അത് മാത്രമാണ് വഴി. അസംഭവ്യം എന്നു തള്ളി കളയാന് വരട്ടെ. പാലക്കാട്ടെ തൃത്താലയിലാണ് സംഭവം. ആസ്പയര് കോളേജ് ഓഫ് അഡ്വാന്സ്ഡ് സ്റ്റഡീസ് എന്ന സ്വാശ്രയ സ്ഥാപനത്തിലെ അധ്യാപകരാണ് കുട്ടികളെ പേടിച്ച് രാജി വച്ചത്. കാലികറ്റ് വാഴ്സിറ്റിയുടെ കീഴിലാണ് ആസ്പയര് കോളേജ് പ്രവര്ത്തിക്കുന്നത്. മേലില് കോളേജില് നടക്കുന്ന പരീക്ഷകളില് പുറത്തു നിന്നും അധ്യാപകരെ നിയമിക്കണമെന്നും അധ്യാപകരുടെ നിവേദനത്തില് പറയുന്നു.
കേരളത്തിലെ സ്വാശ്രയകോളേജുകളില് നടക്കുന്ന പരീക്ഷകളില് സിസിടിവി ക്യാമറ സ്ഥാപിക്കാന് അടുത്ത കാലത്താണ് ഗവര്ണര് പി..സദാശിവം നിര്ദ്ദേശം നല്കിയത്. കോപ്പിയടി തടഞ്ഞ തങ്ങളെ കുട്ടികള് കൂട്ടത്തോടെ എത്തി ആക്രമിച്ചതായി അധ്യാപകര് വാഴ്സിറ്റിക്ക് നല്കിയ പരാതിയില് പറയുന്നു. അധ്യാപികമാരെ അസഭ്യം വിളിച്ചു. കൊന്നു കളയുമെന്ന് ഭീഷണിപ്പെടുത്തി.
രാജി കത്ത് കൈപറ്റിയ പ്രിന്സിപ്പലും നിസഹായനാണ്. അദ്ദേഹം അധ്യാപകരെ പിന്തിരിപ്പിക്കാന് ശ്രമിച്ചെങ്കിലും ഫലമുണ്ടായില്ല. താന് വിചാരിച്ചാല് മാത്രം കോളേജില് ക്രമസമാധാനം പുലരില്ലെന്ന് പറഞ്ഞ് ഒടുവില് പ്രിന്സിപ്പലിനു മുട്ടുമടക്കേണ്ടി വന്നു. ആസ്പയര് കോളേജില് അധ്യാപകരായി തുടരുന്നതില് ഒരര്ത്ഥവുമില്ലെന്നും അങ്ങനെ തുടര്ന്നാല് അധ്യാപകരെന്ന നിലയിലുള്ള അഭിമാനം നഷ്ടമാകുമെന്നും അധ്യാപകര് സമര്പ്പിച്ച പരാതിയില് പറയുന്നു.
കഴിഞ്ഞ വെള്ളിയാഴ്ച നടന്ന ബികോം പരീക്ഷയിലാണ് കൂട്ട കോപ്പിയടി വീണ്ടും അരങ്ങേറിയത്. അതിനുമുമ്പ് തന്നെ പരീക്ഷയ്ക്ക് പുറത്തു നിന്നും അധ്യാപകരെ നിയമിക്കണമെന്ന് ആവശ്യപ്പെട്ടിരുന്നെങ്കിലും വാഴ്സിറ്റി അതിന് തയ്യാറില്ലെന്ന് പരാതിയില് പറയുന്നു.
അതേസമയം പരീക്ഷാ കണ്ട്രോളര് പി. ജോര്ജുകുട്ടി പറയുന്നത് മറ്റൊരു കഥയാണ്. സര്വകലാശാല ഇക്കാര്യം ഗൗരവമായെടുത്തിട്ടുണ്ടെന്നും വിജിലന്സ് സ്ക്വാഡിനെ ഏര്പ്പാടാക്കിയിട്ടുണ്ടെന്നും അദ്ദേഹം പറഞ്ഞു. ഭാവിയില് കോളേജില് നടക്കുന്ന പരീക്ഷകളില് പുറത്തു നിന്നും പരിശോധകരെ അയക്കുമെന്നും കാലികറ്റ് വാഴ്സിറ്റി കണ്ട്രോളര് പറഞ്ഞു.
കോഴിക്കോട് ജില്ലയിലെ ഒരു എഞ്ചിനീയറിംഗ് കോളേജില് ബിടെക് പരീക്ഷക്ക് ശരിയായ ഉത്തരങ്ങള് അധ്യാപകര് തന്നെ വിതരണം ചെയ്തതായി കണ്ടെത്തിയതെന്നും കണ്ട്രോളര് പറഞ്ഞു. കോളേജിന്റെ ലൈസന്സ് റദ്ദാക്കിയെന്നും അദ്ദേഹം പറയുന്നു. സിസിറ്റിവി ക്യാമറ സ്ഥാപിക്കുന്ന കാര്യം പരിഗണിക്കാമെന്നും അദ്ദേഹം കൂട്ടിച്ചേര്ത്തു. ചുരുക്കി പറഞ്ഞാല് കോപ്പിയടിച്ച് പരീക്ഷ ജയിക്കാന് ആഗ്രഹിക്കുന്നവര് കോഴിക്കോട് സര്വകലാശാലയില് ചേര്ന്നു പഠിക്കുക
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha