അടുത്തിടെ വിവാഹിതരായ ആലപ്പുഴ എടത്വാ സ്വദേശി ഡെന്നിയും തൃശൂർ ഒല്ലൂർ സ്വദേശിനി പ്രിയ റോസുമാണ് ഫ്രെയിമിൽ. ജനുവരി അഞ്ചിനായിരുന്നു ആലപ്പുഴ എടത്വാ സ്വദേശി ഡെന്നിയുടെയും തൃശൂർ ഒല്ലൂർ സ്വദേശിനി പ്രിയ റോസിന്റെയും വിവാഹം. അമേരിക്കയിൽ നഴ്സ് ആണു പ്രിയ. കണ്ണൂർ വിമൽ ജ്യോതി എൻ‍ജിനീയറിങ് കോളജില്‍ അധ്യാപകനാണു ഡെന്നി. അങ്കമാലി കിടങ്ങൂർ സ്വദേശി ജിബിൻ ദേവ് ആണ് ക്യാമറമാൻ. സമൂഹമാധ്യമങ്ങള്‍ നിറയെ ഇപ്പോള്‍ ആലപ്പുഴ എടത്വാ സ്വദേശി ഡെന്നിയും തൃശൂര്‍ ഒല്ലൂര്‍ സ്വദേശിനി പ്രിയ റോസിന്റെയും കല്ല്യാണ വീഡിയോയാണ്.

കുട്ടനാട്ടിൽ വെച്ച് നടന്ന പോസ്റ്റ് വെഡ്ഡിങ് ഷൂട്ടിംങിനിടെ ആണ് ചിരി പടർത്തിയ സംഭവം. മുകളിലേക്ക് നോക്കി അതിമനോഹരമായി പോസ് ചെയ്യുന്ന ദമ്പതികളോട് ‘ബ്യൂട്ടിഫുൾ’ എന്ന് പറയുന്ന ക്യാമറാമാന്‍. എന്നാൽ അപ്രതീക്ഷിതമായി വഞ്ചി മറിഞ്ഞ് ഇരുവരും വെള്ളത്തിലേക്ക് വീഴുന്നതോടെ റൊമാൻസ് ‘ഹ്യൂമർ’ ആയി മാറി. ഫ്രെയിമിൽ കൂട്ടച്ചിരി. വഞ്ചി മറിയുന്നതിനു മുൻപ് യുവതി എന്റെ മാതാവേ എന്ന് പറയുന്നുണ്ടായിരുന്നു. അതെ ക്യാപ്ഷനിൽ ആണ് സോഷ്യൽ മീഡിയയിൽ വൈറൽ ആയിരിക്കുന്നത് . പ്രണയാതുരമായ കല്ല്യാണ വീഡിയോ എടുക്കാന്‍ ദമ്ബതികളെ തോണി കയറ്റി വിട്ട ക്യാമറാമാന്‍ ജിബിന്‍ദേവ് സ്വപ്‌നത്തില്‍പ്പോലും ചിന്തിച്ചുകാണില്ല താനെടുക്കാന്‍ പോകുന്നത് ആളുകളെ കുടുകുടെ ചിരിപ്പിക്കുന്ന ഒരു വീഡിയോയാരിക്കുമെന്ന്.

അതേസമയം സോഷ്യൽ മീഡിയ സംഭവം ഏറ്റെടുത്തതോടെ പ്രതികരണവുമായി എത്തിയിരിക്കുകയാണ് നവ ദമ്പതികൾ. വഞ്ചി മറിഞ്ഞു വെള്ളത്തിൽ വീഴുന്ന വിഡിയോ ഡെന്നിയും പ്രിയയും ഇതുവരെ കണ്ടിരുന്നില്ല. ജനുവരി അഞ്ചിനു വിവാഹം കഴിഞ്ഞ് ഇരുവരും ഡൽഹി–ജയ്പൂർ യാത്രയിലായിരുന്നു. ‘‘കാമറമാൻ ജിബിൻ വിളിച്ചു വിഡിയോ അപ്‌ലോഡ് ചെയ്യട്ടെ എന്ന് ചോദിച്ചിരുന്നു. താജ്മഹലിനു മുന്നിലിരിക്കുമ്പോഴാണ് ആ വിഡിയോ ആദ്യമായി കാണുന്നത്. പിന്നാലെ വിളിയോടു വിളിയോട് വിളിയായിരുന്നു എന്നാണ് ഡെന്നി പറയുക്കുകയാണ്. എല്ലാവർക്കും മറുപടി കൊടുത്തു. സമയം പോയതറിഞ്ഞില്ല. വൈകിട്ട് നാലിനു ഡൽഹി വിമാനത്താവളത്തിൽ നിന്നായിരുന്നു ഫ്ലൈറ്റ്. എത്തിയപ്പോൾ അഞ്ചു മണി. അങ്ങനെ ഫ്ലൈറ്റ് മിസ്സ് ആയി ഡെന്നി പറയുകയാണ്. പ്രിയ അമേരിക്കൻ പൗരയാണ്, ഞാൻ കുട്ടനാട്ടുകാരനും. ഇവിടെ വന്നു വള്ളത്തിൽ കയറണം, ഫോട്ടോ എടുക്കണം എന്നൊക്കെ പറയുമായിരുന്നു. ജിബിൻ ലൊക്കേഷൻ ആയി നിശ്ചയിച്ചതും കുട്ടനാട് തന്നെ. ഒരാൾക്ക് ഇരിക്കാൻ പറ്റുന്ന ചെറിയ വള്ളമായിരുന്നു അത്.

അങ്ങനെ രണ്ടും കൽപ്പിച്ച് രണ്ടാളും വള്ളത്തിൽ കയറി. മറിയില്ലെന്ന വിശ്വാസത്തിലാണു പേടിയുണ്ടായിട്ടും അവൾ കയറിയത്. ചെറിയ വള്ളമായതുകൊണ്ടു കരയ്ക്കടുത്ത് തന്നെയായിരുന്നു. കര ഫ്രെയിമിൽ വരുന്നെന്നു പറഞ്ഞ് ജിബിനാണ് കുറച്ചു ദൂരേക്കു പോകാൻ പറഞ്ഞത്. ആമ്പലൊക്കെ പിടിച്ചു കയ്യുയർത്തി പോസ് ചെയ്തതോടെയാണു ബാലൻസ് പോയത്. വൈറലാകുന്നത് ഒക്കെ പ്രിയ ആദ്യമായി കാണുകയാണ്. പ്രിയയും വീട്ടുകാരും എല്ലാം ആകെ എക്സൈറ്റഡ‍് ആണ്, ഡെന്നി പറഞ്ഞു. ഒരു കല്യാണമുണ്ടായാല്‍ ആരെ വിളിച്ചില്ലേലും ന്യൂജനറേഷന്‍, ക്യാമറാമാനെ വിളിക്കും. സേവ് ദി ഡേറ്റ് മുതല്‍ കല്ല്യാണ വീഡിയോവരെ ക്യാമറക്കണ്ണുകളില്‍ പകര്‍ത്തുകയും ചെയ്യും. അങ്ങനെ പൊടിപൊടിക്കും കല്യാണ മേളങ്ങൾ എന്ന തന്നെ പറയാം.