ഐലന് ഒമര് ഇറ്റലിയിലേക്ക് പറക്കുന്നു
പിറന്നുവീണതു മുതല് അനാഥനായ ഐലന് ഒമറെന്ന ഒരു വയസ്സുകാരന് കടല് കടന്ന് പോകുന്നു. ഇറ്റലിയിലെ ദമ്പതികള് ദത്തെടുത്തു. നടപടികള് പൂര്ത്തിയായതോടെ രണ്ടത്താണിയിലെ ശാന്തിഭവനം ഫൗണ്ടലി ഹോമില്നിന്ന് ജനുവരി 31-ന് യാത്ര തിരിക്കും. മക്കളില്ലാത്ത ഇറ്റലിയിലെ സ്കൂള് അധ്യാപികയും ടെക്നിക്കല് വിഭാഗം ജീവനക്കാരനുമാണ് ഇനി കുട്ടിയുടെ രക്ഷിതാക്കള്. ജനുവരി 30-ന് ഇരുവരും കേരളത്തിലെത്തും. 31-ന് മുഴുവന് സമയവും കുട്ടിയോടൊപ്പം ഇവിടെ കഴിയും. ഫെബ്രുവരി രണ്ടിന് മുംബൈ വഴി മൂന്നുപേരും യാത്രതിരിക്കും. അവിടത്തെ ഏജന്സി വഴി കുട്ടിയുടെ വിവരങ്ങള് ഓരോ വര്ഷവും ഇന്ത്യയിലേക്ക് കൈമാറുമെന്നാണ് ധാരണ.
പിഞ്ചോമനയെ വിട്ടുപിരിയുന്ന വേദനയിലാണ് പോറ്റമ്മമാരും ശാന്തിഭവന് അധികൃതരും. കഴിഞ്ഞ സെപ്റ്റംബര് 22-നാണ് രണ്ടത്താണി ഫൗണ്ടലി ഹോമിലേക്ക് ഐലന് എത്തിയത്. ആറു ദിവസമായിരുന്നു പ്രായം. മാനസിക വൈകല്യമുള്ള മുപ്പതുകാരി ലൈംഗിക അതിക്രമത്തിലൂടെയാണ് ഐലനെ ഗര്ഭം ധരിച്ചത്. രക്ഷിതാക്കള് അറിഞ്ഞപ്പോഴേക്കും വൈകി. തുടര്ന്ന് വിവരമറിഞ്ഞ മലപ്പുറം ജില്ല ചൈല്ഡ് ലൈന് യുവതിയെ ഏറ്റെടുത്തു.
പ്രസവശേഷം കുട്ടിയെ സംരക്ഷിക്കാന് നിവൃത്തിയില്ലാത്ത നിലയിലായിരുന്നു കുടുംബം. തുടര്ന്നാണ് ശാന്തിഭവനം ഏറ്റെടുത്തത്. രണ്ടത്താണി യുവത കള്ചറല് ഓര്ഗനൈസേഷന് കീഴിലാണ് സ്ഥാപനം. സെക്രട്ടറി അബ്ദുല് നാസര് മാസ്റ്റര്, സോഷ്യല് വര്ക്കര് തെരേസ സെബാസ്റ്റിയന് എന്നിവരുടെ മേല്നോട്ടത്തിലാണ് ഒമര് വളര്ന്നത്. ദത്തെടുക്കലിന്റെ ഭാഗമായി മൂന്നാം തവണയെത്തിയ ഭാഗ്യമാണ് ഒമറിന് ഇറ്റലിയിലേക്ക് വഴി തെളിച്ചത്.
നേരത്തേ കോയമ്പത്തൂര്, മുംബൈ എന്നിവിടങ്ങളില്നിന്ന് ദമ്പതികള് എത്തിയിരുന്നു. കോഴിക്കോട് സെന്റ് ജോസഫ് ഫൗണ്ടലി ഹോമിലായിരുന്നു ഐലന്റെ രജിസ്ട്രേഷന്. ഇവിടെ നിന്നാണ് യാത്രാനടപടികള് പൂര്ത്തിയായത്. ഐലന്റെ പാസ്പോര്ട്ട് വെള്ളിയാഴ്ചയാണ് അധികൃതര്ക്ക് ലഭിച്ചത്.
2017 മേയ് 26-ന് അംഗീകാരം ലഭിച്ച ഫൗണ്ടലി ഹോമിലെ ആദ്യത്തെ കുരുന്നാണ് ഐലന്. ഇപ്പോള് ഒമ്പത് പെണ്കുട്ടികളടക്കം 16 പേരുണ്ട്. ഐലനെ കൂടാതെ രണ്ട് കുട്ടികളെ കൂടി ദത്തെടുക്കാനുള്ള നടപടികള് പൂര്ത്തിയായി. ഐലന് ശേഷമെത്തിയ പെണ്കുട്ടിയെ പിന്നീട് രക്ഷിതാക്കള് ഒന്നിച്ചതിനെ തുടര്ന്ന് കൊണ്ടുപോയിരുന്നു.
സി.പി. ഉമര് സുല്ലമി മുഖ്യരക്ഷാധികാരിയും അബ്ദുസമദ് മാസ്റ്റര് പ്രസിഡന്റും കെ. മൊയ്തീന്കുട്ടി ട്രഷററുമായ സ്ഥാപനത്തിലെ അമ്പതോളം അംഗങ്ങളുടെ വരിസംഖ്യയിലാണ് കേന്ദ്രത്തിന്റെ പ്രവര്ത്തനം. ആദ്യമായി എത്തിയ അതിഥി കടല് കടക്കുമ്പോള് എല്ലാ സൗകര്യങ്ങളുമുള്ള കേന്ദ്രത്തിന് സ്റ്റേറ്റ് അഡോപ്ഷന് ഏജന്സി അംഗീകാരം കിട്ടാത്തതിന്റെ വിഷമത്തിലാണ് അധികൃതര്. സംസ്ഥാനത്ത് ആദ്യമായി അപേക്ഷ നല്കിയതും ഈ കേന്ദ്രമാണ്. എന്നാല്, അപേക്ഷ നൂലാമാലയിലാണ്.
https://www.facebook.com/Malayalivartha