ടാറില് പിടഞ്ഞ നായ്ക്കുട്ടികള്ക്ക് രക്ഷകരായത് ആംബുലന്സ് ഡ്രൈവര്മാര്, അവരെ കൂട്ടിക്കൊണ്ടു വന്നത് അമ്മപ്പട്ടി!
തിരൂര് നഗരസഭാ കാര്യാലയത്തിനു മുന്പിലെ ടാര് വീപ്പകള് മറിഞ്ഞു പരന്നൊഴുകിയ ടാറില് കുടുങ്ങിയ 8 നായ്ക്കുട്ടികള്ക്ക് ആംബുലന്സ് ഡ്രൈവര്മാര് രക്ഷകരായി.
ഇന്നലെ പുലര്ച്ചെ മൂന്നോടെയാണ് നായ്ക്കുട്ടികള് കുടുങ്ങിയത്. ദേഹം മുഴുവന് ടാര് പുരണ്ട് അനങ്ങാന് കഴിയാതെ നായ്ക്കുട്ടികള് കരഞ്ഞു. അമ്മപ്പട്ടിയെത്തി നിര്ത്താതെ കുരച്ചും പ്രത്യേക ശബ്ദമുണ്ടാക്കിയും പാരാക്രമങ്ങള് കാട്ടിയതോടെയാണ് സംഭവം പരിസരത്തെ ആംബുലന്സ് ഡ്രൈവര്മാരുടെ ശ്രദ്ധയില്പെട്ടത്.
പിന്നീട് രാവിലെ വരെ ടാറില് നിന്ന് ഇവയെ രക്ഷിക്കാനുള്ള ശ്രമം തുടര്ന്നു. ഇതിനിടെ അവശരായ നായ്ക്കുട്ടികള്ക്ക് ഡ്രൈവര്മാര് കുപ്പിപ്പാല് എത്തിച്ചു നല്കി. എന്നാല്, വിവരം അറിഞ്ഞിട്ടും അധികൃതര് ആരും തിരിഞ്ഞു നോക്കിയില്ല.
ഏറെനേരത്തിനു ശേഷം വെറ്ററിനറി ഡോക്ടര് സ്ഥലത്തെത്തിയെങ്കിലും നടപടി സ്വീകരിക്കാതെ തിരിച്ചു പോയതായി ഡ്രൈവര്മാര് പറഞ്ഞു. പിന്നീട് ഓട്ടോ ഡ്രൈവര് വശം മരുന്നു കൊടുത്തയയ്ക്കുക മാത്രമാണു ചെയ്തത്.
മനുഷ്യാവകാശ സംഘടനാ പ്രവര്ത്തകര് കൂടി സ്ഥലത്തെത്തിയാണ് ശരീരത്തില് ഒട്ടിയ ടാര് മുഴുവന് തുടച്ചുനീക്കി നായ്ക്കുട്ടികളെ രക്ഷിച്ചത്.
https://www.facebook.com/Malayalivartha