മുഖ്യമന്ത്രിയേക്കുറിച്ച് കൗതുകമുണര്ത്തുന്ന കുറിപ്പുമായി റേഡിയോ മാംഗോയിലെ മുന് പ്രോഗ്രാം പ്രൊഡ്യൂസര്
മുഖ്യമന്ത്രി പിണറായി വിജയന് പങ്കെടുത്ത നിരവധി വേദികളില് അവതാരകയായി എത്തിയിട്ടുള്ള റേഡിയോ മാംഗോയിലെ മുന് പ്രോഗ്രാം പ്രൊഡ്യൂസറും അവതാരകയുമായ ആര്ദ്ര ബാലചന്ദ്രന്, മുഖ്യമന്ത്രിയുടെ നിരീക്ഷണ പാടവത്തേക്കുറിച്ച് കൗതുകമുണര്ത്തുന്ന അനുഭവം ഫേസ്ബുക്ക് കുറിപ്പിലൂടെ പങ്കുവച്ചു.
അവതാരകയുടെ റോള് സംസാരത്തേക്കാള് കൂടുതല് ഒബ്സര്വേഷന് ആണെന്ന് തോന്നിയിട്ടുണ്ടെന്നുപറയുന്ന ആര്ദ്ര, പ്രോട്ടോക്കോള്, ഈഗോ, റൂള്സ് എന്നിവ സര്ക്കാര് പരിപാടികളില് കൃത്യമായി ശ്രദ്ധിക്കാനുണ്ട് എന്നും സൂചിപ്പിക്കുന്നു.
അവര് സോഷ്യല് മീഡിയയില് കുറിച്ചത് പൂര്ണരൂപത്തില് താഴെ വായിക്കാം.
Attention for detail എല്ലാ കാലത്തും, ആരിലായാലും, ആകര്ഷിച്ചിട്ടുള്ള ഒരു സ്വഭാവമാണ്. പക്ഷെ ഇന്നിത്തിരി കൂടുതല് ഞെട്ടി!
Ascend Kerala 2019 വേദിയില്, ഒരു പ്രസംഗം നടക്കുകയാണ്. അവതാരകയുടെ റോള് സംസാരത്തെക്കാള് കൂടുതല് observation ആണെന്ന് തോന്നാറുണ്ട്, പ്രത്യേകിച്ചും ഞാന് കൂടുതല് ചെയ്യാറുള്ള ഇത്തരം സര്ക്കാര് പരിപാടികളില്. Protocol, ego, rulse ഒരു പാട് കാര്യങ്ങള് ശ്രദ്ധിക്കാനുണ്ട്. അങ്ങനെ വേദിയില് ഇരിക്കുന്ന വിശിഷ്ട അതിഥികളെ സാകൂതം നോക്കി നില്ക്കുന്നതിനിടെ ഒരു കൈ പൊങ്ങുന്നത് കണ്ടു. ഞാന് കണ്ണൊന്നു കൂടി അടച്ചു തുറന്നു. സംഭവം അത് തന്നെ, മുഖ്യമന്ത്രി വിളിക്കുന്നു. ഇത്തിരി പുളകം കൊണ്ടെന്നു പറയുന്നതില് ചമ്മല് ഒന്നുമില്ല; കാരണം ഇത് പതിവുള്ളതല്ല. കഴിഞ്ഞ ഒരു വര്ഷത്തില് അദ്ദേഹം പങ്കെടുത്ത പത്തു വേദികളില് എങ്കിലും അവതാരക ആയിട്ടുണ്ട്; എന്താവശ്യത്തിനും PS നെ വിളിക്കുകയോ അല്ലെങ്കില് കൂടെ ഇരിക്കുന്ന IAS ഉദ്യോഗസ്ഥരോട് പറയുകയോ ആണ് പൊതുവെ കണ്ടിരിക്കുന്നത്.
Chief Secretary റ്റോം ജോസ് സാറിന്റെ നോട്ടം കൂടി കണ്ടപ്പോ എന്നെ തന്നെ എന്ന് മനസ്സിലായി, ഞാന് (almots) ഓടി. പ്രസംഗങ്ങളിലും പത്രസമ്മേളനങ്ങളിലും പൊതുവെ ഉള്ള കാര്ക്കശ്യം തീരെ ഇല്ലാതെ, audience ഭാഗത്തേക്ക് നോക്കി കൊണ്ട് പറഞ്ഞു:
K.J. Maxi MLA മുന്നില് കൂടി നടന്നു വന്നു, പക്ഷെ പുറകിലെവിടെയോ പോയി ഇരുന്നു. മുന്നില് കൊണ്ടിരുത്തണം. MLA ആണല്ലോ. അതാണ് അതിന്റെ ശരി. തിരികെ വന്നു KSIDC ഉദ്യോഗസ്ഥരോട് കാര്യം പറഞ്ഞു. 3 മിനിറ്റിനു ശേഷം കണ്ടു MLA മുന്നിരയില് ഉപവിഷ്ടന് ആയിട്ടുണ്ട്.
വീണ്ടും വേദിയിലേക്ക് നോക്കിയപ്പോ FICCI National President Sandeep Somany ഇംഗ്ലീഷില് പറഞ്ഞ എന്തോ ആവശ്യം + തമാശ കേട്ട് ചിരിക്കുകയാണ് മുഖ്യന്.അപ്പൊ പിടി കിട്ടി, നമ്മുടെ ഒക്കെ observation എന്ത് observation ഇതല്ലേ real deal! വേദിയിലും സദസ്സിലും ഒരു പോലെ കണ്ണും മനസ്സും എത്തുന്ന കുമ്പിടി act!
പ്രളയകാലത്തെ പത്രസമ്മേളനങ്ങള് കണ്ടപ്പോള് തുടങ്ങിയ ആരാധന ഇന്ന് ലേശം മൂര്ച്ഛിച്ചു! ശുഭം.
https://www.facebook.com/Malayalivartha