ലേലത്തില്‍ വാങ്ങിയ നൊബേല്‍ മെഡല്‍ ഉടമയ്ക്ക് തിരികെക്കൊടുത്ത് റഷ്യന്‍ കോടീശ്വരന്‍
നിങ്ങള്‍ ജീവകാരുണ്യ പ്രവര്‍ത്തനങ്ങള്‍ക്ക് കാശുണ്ടാക്കാന്‍വേണ്ടിയാണ് നൊബേല്‍ മെഡല്‍ വിറ്റതെന്ന് എനിക്കറിയില്ലായിരുന്നു. നിങ്ങളുടെ വലിയ മനസിനെ കാണാതെ പോയതാണെന്റെ തെറ്റ്. ഞാന്‍ നിങ്ങളോട് ക്ഷമ ചോദിക്കുന്നു. റഷ്യയില്‍ നിന്നൊരു \'വേദനിക്കുന്ന കോടീശ്വരന്റെ കത്തിലെ വരികളാണിത്. ക്രിസ്റ്റീസ് ലേലത്തില്‍ 47.6 ലക്ഷം ഡോളറിന് (28.5 കോടി രൂപ) സ്വന്തമാക്കിയ ഒരു നൊബേല്‍ മെഡല്‍ തികച്ചും സൗജന്യമായി അതിന്റെ ഉടമയ്ക്കു തിരികെ കൊടുക്കാനൊരുങ്ങുകയാണ് കക്ഷി.
1962ല്‍ നൊബേല്‍ പുരസ്‌കാരം ലഭിച്ച ജയിംസ് വാട്‌സന്റെ മെഡല്‍ 28.5 കോടിക്കു വാങ്ങി സൗജന്യമായി തിരിച്ചേല്‍പ്പിക്കാനൊരുങ്ങുന്നത് അലിഷെര്‍ ഉസ്മനോവ്. പക്ഷേ, സംഭവം വലിയ വാര്‍ത്തയായി.
ഗവേഷണങ്ങള്‍ക്കും ജീവകാരുണ്യ പ്രവര്‍ത്തനങ്ങള്‍ക്കും വേണ്ടി കാശുണ്ടാക്കാനാണ് മെഡല്‍ വിറ്റതെന്ന് എണ്‍പത്താറുകാരനായ വാട്സന് പ്രഖ്യാപിച്ചതാണ് ഉസ്മനോവിനെ വേദനിപ്പിച്ചത്.
ഫോബ്‌സ് പട്ടികയില്‍ റഷ്യന്‍ കോടീശ്വരന്മാരില്‍ ഒന്നാം സ്ഥാനമാണ് അലിഷെര്‍ ഉസ്മനോവിന്. സ്റ്റീല്‍, ഖനന, ടെലികോം വ്യവസായങ്ങളില്‍നിന്നായി കോടികള്‍ സമ്പാദിക്കുന്ന അദ്ദേഹം ഫെയ്‌സ്ബുക്കിന്റെ ആദ്യകാല നിക്ഷേപകരിലൊരാളാണ്. ലണ്ടനിലെ ഫുട്‌ബോള്‍ ക്ലബ്ബായ ആര്‍സെനലിന്റെ സഹ ഉടമയുമാണ്.
ജീവിച്ചിരിക്കുന്ന നൊബേല്‍ ജേതാവിന്റെ മെഡല്‍ ലേലത്തില്‍ വിറ്റുപോകുന്നതും ഇത്ര വലിയ തുക നേടുന്നതും ചരിത്രത്തിലാദ്യമാണ്. മനുഷ്യനിലെ ജനിതക നൈരന്തര്യത്തിന്റെ രഹസ്യമായ ഡിഓക്‌സിറൈബോ ന്യൂക്ലിക് ആസിഡ് എന്ന ഡിഎന്‍എയുടെ ഘടന കണ്ടെത്തിയതിനാണ് 1962ല്‍ ഫ്രാന്‍സിസ് ക്രിക്കിനും മോറിസ് വില്‍കിന്‍സിനുമൊപ്പം ജയിംസ് വാട്സന് നൊബേല്‍ പുരസ്‌കാരം ലഭിച്ചത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
