മകള് ജനിക്കുന്നതിനായി കാത്തിരുന്ന അമ്മ മരണത്തിന് കീഴടങ്ങി
ഓരോ ദിവസം കഴിയുംതോറും ച്യു യുവാന്യുനിന്റെ അമ്മമനസ്സ് നീറുകയായിരുന്നു. ഇന്നല്ലങ്കില് നാളെ മരണം തന്നെ കൊണ്ട് പോകുമെന്ന ഭയം അവസാനം യാഥാര്ത്ഥ്യമായി. മരണം ആ അമ്മയെ രോഗങ്ങളില്ലാത്ത ലോകത്തേക്ക് കൂട്ടികൊണ്ടുപോയി. തന്റെ പൊന്നോമനയുടെ വായില് നിന്നും അമ്മയെന്നുള്ളവാക്ക് കേള്ക്കാനുള്ള സമയം മരണം അനുവദിച്ച് കൊടുത്തില്ലെന്നുള്ള വിഷമം മാത്രമേ മരിക്കുമ്പോള് ച്യു യുവാന്യു ഉണ്ടായിരുന്നുള്ളു.
താന് മരിക്കുമെന്നറിഞ്ഞു കൊണ്ട് തന്നെയാണ് തന്റെ മകള്ക്ക് ഈ ലോകത്തേക്കുള്ള വാതില് ച്യു യുവാന്യു തുറന്ന് കൊടുത്തത്. മരണത്തിനു പകരം ഒരു ജീവിതം. ച്യു യുവാന്യുവാനിന്റെ അമ്മമനസ്സു കൊതിച്ചതും സാധിച്ചതും അതു തന്നെ. ഗര്ഭിണിയാണെന്നറിയുമ്പോഴുള്ള അതിരറ്റ ആഹ്ലാദത്തിന് നിമിശങ്ങള് മാത്രമേ ആയുസുണ്ടായിരുന്നുള്ളു. തന്റെയുള്ളില് വളരുന്നത് ഒരു കുരുന്നുജീവന് മാത്രമല്ല, അര്ബുദത്തിന്റെ മാരക അണുക്കളും കൂടിയാണെന്നു ഡോക്ടര് പറഞ്ഞപ്പോള് തളര്ന്നുപോയ ച്യു യുവാന് ക്യാന്സറിന് ചികിത്സയ്ക്കായി മകള് ജനിക്കുന്നതുവരെ കാത്തിരുന്നു. ടിവിയില് ചെസ് ഗെയിം ഷോ അവതാരകയായ ച്യുയുവിന്റെ പിന്നത്തെ നീക്കങ്ങള് കരുതലോടെയായിരുന്നു. ആ ഇരുപത്താറുകാരിയുടെ കരുനീക്കങ്ങളൊന്നും പിഴച്ചില്ല.
കീമോതെറപ്പി വേണ്ടെന്നുവച്ച്, മരണത്തിന്റെ നിഴലില് ച്യു അമ്മയായി. നിയാനിയാന് എന്ന പൊന്നുണ്ണിയെ മൂന്നുമാസം മാറോടണച്ചുറക്കി. പിന്നെ മരണത്തിന്റെ മാറിലേക്കു ചാഞ്ഞു.
ചൈനയിലെ ഹെനാന് പ്രവിശ്യയില് ഷെങ്ഷൂ സ്വദേശിയായിരുന്നു ച്യു. കുഞ്ഞിനെ ശസ്ത്രക്രിയയിലൂടെ പുറത്തെടുത്ത ശേഷം ശരീരത്തിലെ ട്യൂമര് നീക്കം ചെയ്തെങ്കിലും വൈകിപ്പോയി. കീമോതെറപ്പി ഇനി തുടരുന്നതു വ്യര്ഥമെന്നു തിരിച്ചറിഞ്ഞ് ഡോക്ടര്മാര് ച്യുവിനെ വീട്ടിലേക്കയച്ചു. കുഞ്ഞിനു നൂറുദിവസം തികഞ്ഞതിന്റെ പരമ്പരാഗത ആഘോഷങ്ങള് നടന്നു പിറ്റേന്നാണു ച്യു വിട വാങ്ങിയത്. മകള്ക്ക് ഈ അമ്മയുടെ ധീരതയോര്ത്ത് ആഭിമാനിക്കാം. തനിക്കായി മരണം വരിച്ച അമ്മയെ അവള്കൈവിടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha