പ്രസവവേദന വരുന്നതിനൊപ്പം തന്നെ, ലേബര്‍ റൂമിലെ ലൈറ്റിനനുസരിച്ചു ക്യാമറയുടെ ആംഗിള്‍ ശരിയാക്കി കാത്തിരിക്കുകയായിരുന്നുവത്രേ മെഗാന്. നേഴ്‌സുമാര്‍ കുഞ്ഞിനെ പുറത്തെടുത്തതു മുതല്‍ നിരവധി പ്രാവശ്യം ക്യാമറയില്‍ ക്ലിക്ക് ചെയ്തു. കുഞ്ഞിന്റെ ഭൂമിയിലേക്കുള്ള വരവിന്റെ ഓരോ നിമിഷവും വളരെ ഭംഗിയായി പകർത്താൻ മെഗാന് കഴിഞ്ഞു
നേച്ചര്‍ ഫോട്ടൊഗ്രഫി, വൈൽഡ് ലൈഫ് ഫോട്ടൊഗ്രഫി എന്നൊക്കെ കേട്ടിട്ടുണ്ടാകും. എന്നാല്‍ പ്രസവ ഫോട്ടൊഗ്രഫി എന്നതൊരു പുതുമയാണ്. സ്വന്തം പ്രസവം കാമറയിൽ പകർത്തിയ യുവതിയാണ് ഇപ്പോൾ സോഷ്യൽ മാധ്യമങ്ങളിൽ താരം ...
ഇപ്പോൾ എന്തും ഏതും കാമറയിൽ പകർത്തുന്ന കാലമാണല്ലോ.. ജീവിതത്തിലെ ഓരോ നിമിഷവും കാമറയിൽ ഒപ്പി എടുത്തു സൂക്ഷിക്കുന്നത് പലർക്കും ഒരു ഹരമാണ്. പക്ഷെ സ്വന്തം പ്രസവം കാമറയിൽ പകർത്തുന്നത് അത്ര എളുപ്പമല്ല.
ഇവിടെ ഫോട്ടൊഗ്രാഫര്‍ കൂടിയായ അമ്മ തന്റെ മകന്‍ പിറക്കുന്നതിന്റെ നിമിഷങ്ങള്‍ ക്യാമറയില്‍ രേഖപ്പെടുത്തിയിരിക്കുകയാണ്.
ഇരുപത്തൊമ്പതുകാരി മെഗാന് എന്ന വെഡ്ഡിങ് ഫോട്ടൊഗ്രഫറാണു മകന്‍ ആദ്യമായി ലോകത്തെത്തുന്ന ചിത്രങ്ങള്‍ സ്വയം പകര്‍ത്തിയത്. സ്വന്തം വയറില്‍ ക്യാമറ വച്ചു കൊണ്ടായിരുന്നു പ്രസവത്തിനിടയിലും മെഗാന് ചിത്രങ്ങള്‍ പകര്‍ത്തിയത്.
പ്രസവവേദന വരുന്നതിനൊപ്പം തന്നെ, ലേബര്‍ റൂമിലെ ലൈറ്റിനനുസരിച്ചു ക്യാമറയുടെ ആംഗിള്‍ ശരിയാക്കി കാത്തിരിക്കുകയായിരുന്നുവത്രേ മെഗാന്. നേഴ്‌സുമാര്‍ കുഞ്ഞിനെ പുറത്തെടുത്തതു മുതല്‍ നിരവധി പ്രാവശ്യം ക്യാമറയില്‍ ക്ലിക്ക് ചെയ്തു. കുഞ്ഞിന്റെ ഭൂമിയിലേക്കുള്ള വരവിന്റെ ഓരോ നിമിഷവും വളരെ ഭംഗിയായി പകർത്താൻ മെഗാന് കഴിഞ്ഞു.
ആദ്യം കുഞ്ഞിന്റെ തലയും, പിന്നീട് കൈയും, പിന്നെ കുഞ്ഞിനെ പൂര്‍ണമായും ക്യാമറയിലൂടെ കാണുന്ന അനുഭവം തികസിച്ചും വ്യത്യസ്തമാണെന്നു മെഗാന് പറയുന്നു. ഇത്തരമൊരു നിമിഷം സ്വയം ക്യാമറയില്‍ പകര്‍ത്തിയതിന്റെ ത്രില്ലിലാണ് മെഗാൻ
https://www.facebook.com/Malayalivartha
