കേക്ക് തീറ്റ മത്സരത്തില് പങ്കെടുത്ത വൃദ്ധ കേക്ക് തൊണ്ടയില് കുടുങ്ങി മരിച്ചു..... മത്സരം തുടങ്ങിയപ്പോഴേ വൃദ്ധയുടെ തൊണ്ടയിൽ കേക്ക് കുടുങ്ങി...ദാരുണ സംഭവം ഇങ്ങനെ
കേക്ക് തീറ്റ മത്സരത്തിൽ പങ്കെടുത്ത വയോധികക്ക് ദാരുണാന്ത്യം ..കേക്ക് തണ്ടയിൽ കുടുങ്ങിയാണ് വൃദ്ധ മരിച്ചത് ..ഓസ്ട്രേലിയന് ദിനാചരണത്തിന്റെ ഭാഗമായി ഒരു ഹോട്ടല് ഒരുക്കിയ കേക്ക് തീറ്റമത്സരത്തില് ആയിരുന്നു സംഭവം.. ജനുവരി 26 ആണ് ഓസ്ട്രേലിയയുടെ ദേശീയ ദിനം. ഇതിനോട് അനുബന്ധിച്ച് ക്വീന്സ്ലാന്ഡിലെ ഹാര്വീ ബേ ബീച്ചിലെ ദ ബീച്ച് ഹൗസ് ഹോട്ടല് സംഘടിപ്പിച്ച മത്സരമായിരുന്നു ... ലാമിംഗ്ടണ്സ് കേക്ക് ആണ് തീറ്റ മത്സരത്തിനായി ഒരുക്കിയിരുന്നത്.
ചോക്ലേറ്റും തേങ്ങയും കൊണ്ട് അലങ്കരിച്ച പരമ്പരാഗത സ്പോഞ്ച് കേക്കാണ് ലാമിംഗ്ടണ്സ്. വേഗത്തില് കൂടുതല് കേക്ക് തിന്നുന്നതാണ് മത്സരം. മത്സരം തുടങ്ങിയതേ ഒരു കഷ്ണം കേക്ക് എടുത്ത് വായിലേക്ക് തിരുകിയ 60 വയസ്സ് പ്രായമുള്ള വയോധികക്ക് ബുദ്ധിമുട്ടുകള് അനുഭവപ്പെട്ടു.. ശ്വാസം എടുക്കാന് ഇവര് ബുദ്ധിമുട്ടുന്നത് കണ്ട് സംഘാടകര് വെള്ളം നല്കിയിരുന്നു. അതുകൊണ്ടും രക്ഷയില്ലെന്ന് കണ്ടതോടെ അവര്ക്ക് കൃത്രിമ ശ്വാസവും നല്കി ആശുപത്രിയില് എത്തിച്ചു.
എന്നാല് അധികം താമസിക്കും മുമ്പെ ഇവര് മരിക്കുകയായിരുന്നു. വൃദ്ധയുടെ പേര് അധികൃതര് പുറത്തുവിട്ടിട്ടില്ല. മത്സരത്തിനിടെയുണ്ടായ ദുരന്തത്തില് ബീച്ച് ഹൗസ് ഹോട്ടല് ഫെയ്സ്ബുക്കിലൂടെ അനുശോചനം രേഖപ്പെടുത്തി.
ഓസ്ട്രേലിയന് ദിനാചരണത്തിലെ ഒരു പ്രധാന സംഗതിയാണ് തീറ്റമത്സരം. നിശ്ചിത സമയത്തിനുള്ളില് ഏറ്റവും കൂടുതല് കേക്കുകളും പൈകളും ഹോട്ട് ഡോഗുകളും മറ്റും കഴിക്കുന്നവര്ക്ക് കിടിലന് സമ്മാനങ്ങൾ നൽകുന്ന പതിവുണ്ട്
"
https://www.facebook.com/Malayalivartha