വാവ സുരേഷിനെ ആഞ്ഞു കൊത്തി അണലി, നടുക്കുന്ന ആ ദൃശ്യങ്ങൾ പുറത്ത്; വൈറലായ വീഡിയോ ഇതാണ്
കഴിഞ്ഞ ദിവസമാണ് വാവ സുരേഷിനെ അണലി കടിച്ചത്. നടുക്കുന്ന ആ ദൃശ്യങ്ങളാണ് ഇപ്പോൾ പുറത്തായത്. അതേസമയം അണലിയുടെ കടിയേറ്റ് തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയില് കഴിയുന്ന വാവസുരേഷ് സുഖം പ്രാപിച്ചു വരുന്നു. വാവയുടെ ആരോഗ്യ നിലയില് പുരോഗതിയുള്ളതായും, തീവ്രപരിചരണ വിഭാഗത്തില് നിന്ന് രണ്ടു ദിവസത്തിനുള്ളില് വാര്ഡിലേക്ക് മാറ്റാമെന്നുമാണ് അറിയാന് കഴിയുന്നത്. 48 മണിക്കൂര് നിരീക്ഷണത്തിനു ശേഷമെ വാവയുടെ ആരോഗ്യനിലയെ കുറിച്ച് എന്തെങ്കിലും പറയാനാകൂ എന്നാണ് ഇന്നലെയും ഡോക്ടര്മാര് പ്രതികരിച്ചത്. എന്നാല് ഡോക്ടര്മാര് കണക്കുകൂട്ടിയ സമയത്തിനു മുമ്ബെ തന്നെ വാവ സുരേഷ് സുഖം പ്രാപിച്ചു വരുന്നുവെന്ന ശുഭ വാര്ത്തയാണ് പുറത്തു വരുന്നത്. അണലിയുടെ കടിയേറ്റതിനെ തുടര്ന്ന് വാവ സുരേഷ് അത്യാസന്ന നിലയിലാണെന്നും, ഏതു നിമിഷവും ജീവന് അപകടം സംഭവിക്കാമെന്നുമുള്ള വാര്ത്തകള് വാസ്തവ വിരുദ്ധമാണെന്നും തനിക്കെതിരെ പ്രചരിക്കുന്നതൊന്നും സത്യമല്ലെന്നും, ഇക്കാര്യത്തില് ഏറെ ദുഖമുണ്ടെന്നും വാവ സുരേഷ് പ്രതികരിച്ചു.ഇക്കഴിഞ്ഞ വ്യാഴാഴ്ചയാണ് അണലിയുടെ കടിയേറ്റതിനെ തുടര്ന്ന് വാവ സുരേഷിനെ തിരുവനന്തപുരം മെഡിക്കല് കോളേജില് പ്രവേശിപ്പിച്ചത്. ഒരു വീട്ടിലെ കിണറില് നിന്നും പിടിച്ച അണലിയാണ് വാവയെ കടിച്ചത്.
https://www.facebook.com/Malayalivartha