ശരണ്യയുടെ ഫേസ്ബുക്ക് നിറയെ കുഞ്ഞ് വിഹാന്റെ ചിത്രങ്ങള്, കണ്ടാൽ ഉള്ളു പിടയും! കാമുകനെയും യുവതിയെയും വലിച്ച് കീറി സോഷ്യല് മീഡിയ; മനസ്സിൽ കൊണ്ട് നടന്ന കാമുകന്റെ മുഖം മറയ്ക്കാൻ ഭര്ത്താവ് പ്രണവിനൊപ്പമുള്ള ചിത്രങ്ങളും സോഷ്യൽമീഡിയയിലൂടെ പങ്കുവെച്ച് ആസ്വദിച്ചു; പുറത്ത് വരുന്നത് കൂടുതൽ വിവരങ്ങൾ
കണ്ണൂര് തയ്യില് കടപ്പുറത്ത് ഒന്നരവയസ്സുകാരനെ എറിഞ്ഞുകൊന്ന ശരണ്യ കേരളക്കരയ്ക്ക് തന്നെ ഞെട്ടലായിരിക്കുകയാണ്. കുഞ്ഞ് വേദനകൊണ്ട് നിലവിളിക്കുമ്പോഴും മനസ് അലിയാതെ വീട്ടില് വന്ന് കിടന്നുറങ്ങിയ ഇവരെ അമ്മ എന്ന് വിളിക്കരുതെന്നാണ് സോഷ്യല് മീഡിയ വ്യക്തമാക്കുന്നത്. ശരണ്യയും സോഷ്യല്മീഡിയയില് സജീവമായിരുന്നു. ഇവരുടെ ഫേസ്ബുക്ക് അക്കൗണ്ടിലെ പ്രൊഫൈല് പിക്ചര് പോലും വിയാന്റെ ചിത്രമാണ്. ഇത്തരത്തില് കുട്ടിയുടെ നിരവധി ചിത്രങ്ങളാണ് ശരണ്യ പങ്കുവെച്ചിരിക്കുന്നത്. ഭര്ത്താവ് പ്രണവിനൊപ്പമുള്ള ചിത്രങ്ങള് ഇന്സ്റ്റഗ്രാമിലും പങ്കുവെച്ചിരുന്നു. പക്ഷേ മനസ്സില് കൊണ്ടുനടന്നത് കാമുകനെ ആയിരുന്നുവെന്നത് ഞെട്ടിപ്പിക്കുന്ന ഒരു വസ്തുതയാണ്. ഒന്നര വയസുകാരന്റെ മൃതദേഹം കണ്ടെടുത്തപ്പോള് തന്നെ, ഇതൊരു കൊലപാതകമാണെന്ന് സംശയിച്ചിരുന്നു. കുഞ്ഞിനെ എറിഞ്ഞുകളഞ്ഞ് ഒന്നുമറിയാത്തതുപോലെ വീട്ടില് വന്നുകിടന്ന ശരണ്യ പുലര്ച്ചെയാണ് കുഞ്ഞിനെ കാണുന്നില്ലെന്നും ആരോ തട്ടിക്കൊണ്ടുപോയതാണെന്നും വിളിച്ചുപറയുന്നത്. ഭര്ത്താവിനോട് പോലീസില് പരാതി നല്കാനും പറഞ്ഞയച്ചിരുന്നു. ശരണ്യയുടെ ഫോണിന്റെ കോള്ഹിസ്റ്ററി പരിശോധിച്ചപ്പോഴാണ് കാമുകനുമൊത്ത് ജീവിക്കാനുള്ള ശരണ്യയുടെ ആഗ്രഹത്തിന്റെ ചിത്രം പൊലീസിന് വ്യക്തമായത്. ഭര്ത്താവ് പ്രണവിന്റെ സുഹൃത്തുകൂടിയായ വാരം സ്വദേശിയുമായി ഒരു വര്ഷം മുന്പാണ് ശരണ്യ ബന്ധം തുടങ്ങുന്നത്. ശരണ്യ ഗര്ഭിണിയായശേഷം പ്രണവ് ഒരു വര്ഷത്തേക്കു ഗള്ഫില് ജോലിക്കു പോയിരുന്നു. തിരിച്ചെത്തിയശേഷമാണ് ദാമ്ബത്യത്തില് ഉലച്ചിലുണ്ടാകുന്നത്. ഈ അവസരം മുതലെടുക്കാനാണ് അയാള് ശരണ്യയുമായി ഫെയ്സ്ബുക് വഴി ബന്ധം സ്ഥാപിച്ചതെന്നും പൊലീസ് കരുതുന്നു. പിന്നീടതു ഫോണ് വിളിയിലേക്കും ചാറ്റിലേക്കും നീളുകയായിരുന്നു. വിവാഹം ചെയ്യാമെന്നു കാമുകന് ശരണ്യയ്ക്കു വാഗ്ദാനം നല്കിയിരുന്നില്ലെന്ന് ചാറ്റുകളില് വ്യക്തമാണെന്ന് പൊലീസ് സൂചിപ്പിച്ചു. കുഞ്ഞിനെ ഒഴിവാക്കാന് കാമുകന് ആവശ്യപ്പെട്ടിരുന്നില്ല. എന്നാല്, കാമുകനുമൊത്ത് ജീവിക്കാന് കുട്ടി തടസ്സമാണെന്ന് തെറ്റിദ്ധരിച്ചാണ്, കുഞ്ഞിനെ കൊലപ്പെടുത്താന് തീരുമാനിച്ചതെന്നാണ് പൊലീസ് വിലയിരുത്തുന്നത്. അതേസമയം കാമുകന് മറ്റൊരു കാമുകിയുണ്ടെന്നും അവരെ വിവാഹം ചെയ്യാന് തീരുമാനിച്ചിരിക്കുകയാണെന്നും പൊലീസിന് വിവരം ലഭിച്ചിട്ടുണ്ട്. ഫെയ്സ്ബുക്ക് വഴിയാണ് പ്രണവും ശരണ്യയും പരിചയപ്പെടുന്നതും. വ്യത്യസ്ത ജാതിയിലുള്ളവര് ആയതിനാല് വീട്ടുകാര് എതിര്ത്തു.
എങ്കിലും ഇവര് വിവാഹം കഴിക്കുകയായിരുന്നു. ശരണ്യയ്ക്ക് പതിനെട്ട് വയസ്സ് പൂര്ത്തിയായി ദിവസങ്ങള്ക്കകമായിരുന്നു വിവാഹം. ഈ ബന്ധത്തില് ഉലച്ചില് തട്ടിയപ്പോള് പുതിയ കാമുകനെ കിട്ടിയതും ഫെയ്സ്ബുക്ക് വഴിയാണ്. കാമുകനൊപ്പം ജീവിക്കാനായി കുഞ്ഞിനെയും ഭര്ത്താവിനെയും ഒരേസമയം ഒഴിവാക്കാനുള്ള പദ്ധതിയാണ് ശരണ്യ ആസൂത്രണം ചെയ്തത്. കുട്ടിയെ കൊലപ്പെടുത്തിയത് പ്രണവ് ആണെന്ന് ശരണ്യ പൊലീസിനോട് ആവര്ത്തിച്ച് പറഞ്ഞിരുന്നു. പ്രണവിനെ സംശയിക്കാനുള്ള സാഹചര്യങ്ങള് മുതലെടുക്കാനായിരുന്നു ഈ നീക്കം. ഭാര്യയും കുഞ്ഞുമായുള്ള അകല്ച്ച, ഇടയ്ക്കിടെയുള്ള വഴക്ക്, മൂന്നുമാസത്തിനുശേഷം വീട്ടിലേക്കു യാദൃച്ഛികമായുള്ള വരവ് ഇതെല്ലാം കുട്ടിയുടെ കൊലപാതകത്തിന് പിന്നില് പ്രണവാണെന്ന് സംശയിക്കാന് ധാരാളമായിരുന്നു. ഇത്രയും നാള് അമ്മയ്ക്കൊപ്പമാണ് കുഞ്ഞു കഴിഞ്ഞിരുന്നത് എന്നതുകൊണ്ടുതന്നെ ആദ്യഘട്ടത്തില് ശരണ്യയിലേക്ക് സംശയം നീണ്ടതുമില്ല. കുഞ്ഞിനെ കാണാതായതിനു പിന്നാലെ പ്രണവിന്റെ ചെരിപ്പുകള് കാണാതായതും സംശയം ഇരട്ടിപ്പിച്ചു. അതു ശ്രദ്ധയില്പെട്ട പൊലീസ്, കുഞ്ഞിനെ അപായപ്പെടുത്താനുള്ള ശ്രമത്തിനിടെ പ്രണവിന്റെ ചെരിപ്പുകള് കടലിലോ മറ്റോ പോയിരിക്കാമെന്ന് സംശയിച്ചു. എന്നാല്, കുഞ്ഞിനെ കാണാതായ വിവരമറിഞ്ഞ് വീട്ടില് പലരും വന്നു പോയതിനിടെ ചെരിപ്പു കാണാതെ പോയതാണെന്ന് പിന്നീട് പൊലീസ് കണ്ടെത്തി. അപ്പോഴും കൊലപാതകത്തിന് പിന്നിലാരെന്ന ചോദ്യം പൊലീസിന് മുന്നില് കുരുക്കായി തുടര്ന്നു. കുഞ്ഞ് ഇല്ലാതായാല് ആര്ക്കാണ് ഗുണം എന്ന് പൊലീസ് ഉദ്യോഗസ്ഥര്ക്ക് തോന്നിയ സംശയമാണ് കേസില് നിര്ണായകമായത്. പ്രണവ് ഇത്രയും കാലം ഭാര്യയും കുഞ്ഞുമായി അകന്നു കഴിയുകയായിരുന്നു. അയാള്ക്കു മറ്റൊരു ജീവിതം തെരഞ്ഞെടുക്കാന് അതുകൊണ്ടു തന്നെ ഭാര്യയും കുഞ്ഞും തടസ്സമല്ല. എന്നാല് കുഞ്ഞിനെ സംരക്ഷിക്കുന്ന ശരണ്യയ്ക്ക് കുഞ്ഞൊരു തടസ്സമായിത്തോന്നിയേക്കാം. ഈ ചിന്തയാണ് ശരണ്യയുടെ ഫോണ് കോള് വിശദാംശങ്ങള് പരിശോധിക്കുന്നതിലേക്ക് എത്തിച്ചത്. ശരമ്യയുടെ മൊബൈല് ചാറ്റുകളും ഫൊറന്സിക് പരിശോധന ഫലവും കിട്ടിയതോടെ കൊലപാതകി അമ്മ ശരണ്യ തന്നെയാണെന്ന് പൊലീസ് കണ്ടെത്തുകയായിരുന്നു. തുടര്ന്ന് തെളിവുകള് നിരത്തിയുള്ള ചോദ്യം ചെയ്യലില് നില്ക്കക്കള്ളിയില്ലാതെ ശരണ്യ കുറ്റം ഏറ്റുപറഞ്ഞു.
https://www.facebook.com/Malayalivartha