എഴുത്തിനെയും വായനയെയും പ്രണയിക്കുന്നവര്‍ക്കായി പ്രിയപുസ്തകങ്ങള്‍ ഇനി വീട്ടിലെത്തും!
വായനശാലകള്‍ കയറിയിറങ്ങാനും പുസ്തകങ്ങള്‍ തിരയാനും യഥാസമയം തിരിച്ചെത്തിക്കാനുമൊക്കെ സമയം കിട്ടാതെ വായനയുടെ താളുകള്‍ അടച്ചുപൂട്ടിയവര്‍ക്കായി സൗമ്യ മനോജ് കുമാര്‍ എന്ന വീട്ടമ്മ തലസ്ഥാന നഗരത്തില്‍ ഒരു പുതിയ സംരംഭം അവതരിപ്പിക്കുന്നു- ഓണ്‍ലൈന്‍ ലെന്‍ഡിങ് (ആന്‍ഡ് ഡെലിവറി) ലൈബ്രറി.
പേര് ദ് ലൈക്ക് മൈന്‍ഡഡ് ഡോട്ട് ഇന്‍(thelikeminded.in). ഈ പേരില്‍ വെബ് സൈറ്റും ഫെയ്‌സ് ബുക് പേജും തയാറായി. വെബ്‌സൈറ്റില്‍ കയറുമ്പോള്‍ പുസ്തകങ്ങളുടെ (എല്ലാ വിഭാഗത്തിലും പെട്ടവ, ഇംഗ്ലിഷിലും മലയാളത്തിലും) നീണ്ട പട്ടികയുണ്ട്. ഫീസ് വിവരങ്ങളും പ്രത്യേക ഓഫറുകളും സര്‍പ്രൈസ് മത്സരങ്ങളുമെല്ലാം ഇതില്‍ വിവരിച്ചിട്ടുണ്ട്.
ഓണ്‍ലൈന്‍ ആയി ഓര്‍ഡര്‍ നല്‍കിയാല്‍ രണ്ടാം ദിവസം നിങ്ങള്‍ക്കു സൗകര്യപ്രദമായ സമയത്തു ഡെലിവറി വാന്‍ വീട്ടിലെത്തും. വായന കാലാവധി തീരുന്നതിനു 2 ദിവസം മുന്‍പേ ഫോണിലും സൈറ്റിലും അറിയിക്കും. സൗകര്യപ്രദമായ സമയത്തു വീട്ടിലെത്തി തിരിച്ചെടുക്കും. തിരുവനന്തപുരം നഗരത്തില്‍ എവിടെയും ഡോര്‍ ഡെലിവറിയാണ് ഓഫര്‍. മാത്രമല്ല,ലൈബ്രറിയില്‍ നിലവില്‍ ലഭ്യമല്ലാത്ത പുസ്തകങ്ങളുടെ പട്ടിക നല്‍കിയാല്‍ ലോകത്തെവിടെ നിന്നും അതു തേടിപ്പിടിച്ചെത്തിക്കുമെന്നും വാഗ്ദാനമുണ്ട്.
ഭര്‍ത്താവിനൊപ്പം വിദേശത്തായിരുന്നു മധുര ഗാന്ധിഗ്രാം സര്‍വകലാശാലയില്‍ നിന്ന് എംഎ കമ്യൂണിക്കേറ്റിവ് ഇംഗ്ലിഷില്‍ ഒന്നാം റാങ്ക് നേടിയ സൗമ്യ. പിന്നീട് മക്കളുടെ പഠനസൗകര്യാര്‍ഥം തിരുവനന്തപുരത്തു തിരിച്ചെത്തി സ്ഥിരതാമസമാക്കിയപ്പോഴാണു വായനയിലേക്കു സഗൗരവം മടങ്ങിയത്. അപ്പോഴാണു ലൈബ്രറിയിലേക്കുള്ള പോക്കുവരവുള്‍പ്പെടെ പല പ്രായോഗിക പ്രശ്‌നങ്ങള്‍ തിരിച്ചറിഞ്ഞത്.
ഇതിന്റെയൊക്കെ പേരില്‍ വായനയെ മാറ്റിവയ്ക്കരുതെന്ന ചിന്തയില്‍ നിന്നാണു സൗമ്യയുടെ പുതുമയുള്ള ആശയം. ദ് ലൈക്ക് മൈന്‍ഡഡ് ഫെയ്‌സ് ബുക് പേജ് എഴുത്തിന്റെയും വായനയുടെയും അഭിപ്രായ നിര്‍ദേശങ്ങള്‍ക്കും അനുഭവക്കുറിപ്പുകള്‍ക്കും വിഡിയോകള്‍ക്കും പുസ്തക പരിചയത്തിനുമായി നീക്കിവച്ചിരിക്കുന്നു. ഫോണ്‍: 9400655489
ദ് ലൈക്ക് മൈന്‍ഡഡ് വഴി, നിങ്ങളുടെ വീടുകളില്‍ അനക്കം തട്ടാതെ, പൊടിപിടിച്ചിരിക്കുന്ന നല്ല പുസ്തകങ്ങള്‍ 'ലെന്‍ഡ്' ചെയ്യാം. എത്ര പേര് ഓര്‍ഡര്‍ നല്‍കുന്നു എന്നതനുസരിച്ചു ലാഭവിഹിതം കിട്ടും. വായനക്കാരില്ലാതെ വിഷമിച്ചിരിക്കുന്ന ഗ്രന്ഥശാലകള്‍ക്കും ഇതേ രീതിയില്‍ പുസ്തകങ്ങള്‍ നല്‍കി ലാഭത്തില്‍ പങ്കാളികളാകാം. രാജ്യത്തെവിടെയുമുള്ള ലൈബ്രറികള്‍ക്ക് ഓണ്‍ലൈന്‍ ലെന്‍ഡിങ് ചെയ്യാന്‍ താല്‍പര്യമുണ്ടെങ്കില്‍ പോര്‍ട്ടല്‍ തയാറാക്കി നല്‍കാനും ദ് ലൈക്ക് മൈന്‍ഡഡ് തയാറാണ്.
https://www.facebook.com/Malayalivartha
