പെട്ടിമുടിയില്‍ 6 മുറി ലയത്തിലെ ഒരു വീട്ടില്‍ ആയിരുന്നു മാലയമ്മ (51), മകന്‍ കാര്‍ത്തിക് (32), സഹോദരി പ്രവീണ (27), ഇവരുടെ 6 മാസം പ്രായമായ കുഞ്ഞ് എന്നിവര്‍ താമസിച്ചിരുന്നത്.

ഉരുള്‍പൊട്ടിയപ്പോള്‍ പുറത്തേക്ക് ഓടിയ കാര്‍ത്തിക് കുഞ്ഞിനെയും വാരിയെടുത്തു. വീട് മണ്ണിനടിയിലായപ്പോഴേക്കും അവര്‍ പുറത്തെത്തിക്കഴിഞ്ഞിരുന്നു.

പക്ഷേ അരയോളം ചെളിയില്‍ പൂണ്ടുപോയിരുന്നു. പിന്നീട് കുഞ്ഞിനെ തലയിലേറ്റി നില്‍ക്കുകയായിരുന്നെന്ന് അമ്മാവന്‍ കാര്‍ത്തിക് പറയുന്നു.

തകര്‍ന്ന വീടിന്റെ പിന്നില്‍ വാഹനങ്ങള്‍ നിര്‍ത്തിയിട്ടിരുന്നതിനാല്‍ ഒഴുകിയെത്തിയ കല്ലും മരങ്ങളും മറ്റും അതില്‍ തട്ടിനിന്നു. പ്രവീണയ്ക്ക് കാലിനു പരുക്കേറ്റു.