സ്വപ്‌നക്ക് നിര്‍ണ്ണായകം: പിണറായിക്കും; സ്വപ്‌നയുടെ ജാമ്യ ഹര്‍ജിയില്‍ എന്‍.ഐ.എ കോടതി വിധി ഇന്ന്; സ്വപ്‌നയുടെത് സാമ്പത്തിക കുറ്റകൃത്യമോ? ദേശദ്രോഹ കുറ്റമോ? സാമ്പത്തിക കുറ്റകൃത്യമെങ്കില്‍ പിഴ ഈടാക്കി പ്രതിയെ വിടും !!!
തിരുവനന്തപുരം വിമാനത്താവള കളളക്കടത്തുകേസിലെ രണ്ടാം പ്രതി സ്വപ്‌ന സുരേഷിന്റെ ജാമ്യ ഹര്‍ജിയില്‍ എന്‍ഐഎ കോടതി ഇന്ന് വിധി പറയും.
എന്‍ ഐ എ യെ സംബന്ധിച്ചടത്തോളം സ്വപ്‌നയുടെ ജാമ്യഹര്‍ജി തീര്‍ത്തും നിര്‍ണായാമാണ്. കാരണം സ്വപ്‌നയില്‍ ദേശവിരുദധത തെളിയിക്കാനായില്ലെങ്കില്‍ അവര്‍ക്ക് ജാമ്യം ലഭിക്കും. ജാമ്യം ലഭിച്ചാല്‍ അത് എന്‍ ഐ എക്ക് തിരിച്ചടിയാവും. പിണറായിയെ സംബന്ധിച്ചടത്തോളം വലിയ നേട്ടമായി മാറും. ശിവശങ്കറിനെതിരെ പറഞ്ഞതെല്ലാം നിഷ്പ്രഭമാകും.
ഹര്‍ജിയിലെ വാദത്തിനിടെ മുഖ്യമന്ത്രിയുടെ ഓഫീസില്‍ സ്വപ്‌നയ്ക്ക് വലിയ സ്വാധീനമുണ്ടായിരുന്നുവെന്ന് എന്‍ഐഎ വെളിപ്പടുത്തിയിരുന്നു. മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറി എം.ശിവശങ്കറുമായി വലിയ അടുപ്പമാണ് സ്വപ്‌നക്ക് ഉണ്ടായിരുന്നതെന്നും മുഖ്യമന്ത്രിയുമായും പരിചയം ഉണ്ടായിരുന്നുവെന്നും സ്വപ്‌നയുടെ മൊഴി അടിസ്ഥാനമാക്കി എന്‍ഐഎ വാദിച്ചു.
ഈ സാഹചര്യത്തില്‍ സ്വപ്‌നയെ ജാമ്യത്തില്‍ വിടരുതെന്നാണ് എന്‍ഐഎയുടെ വാദം. അതേസമയം, കള്ളക്കടത്ത് കേസില്‍ കസ്റ്റംസ് നിയമങ്ങള്‍ മാത്രമേ ബാധകമാകൂ എന്നും യുഎപിഎ വകുപ്പുകള്‍ നിലനില്‍ക്കില്ല എന്നുമാണ് സ്വപ്‌നയുടെ അഭിഭാഷകന്‍ വാദിച്ചത്.
മുഖ്യമന്ത്രിയുമായി പരിചയമുണ്ടെന്ന കാരണം പറഞ്ഞ് സ്വപ്‌നയെ ദേശദ്രോഹ കുറ്റത്തില്‍ പ്രതിയാക്കാനാവില്ല. സ്വര്‍ണ്ണ കള്ളക്കടത്ത് ഒരിക്കലും ദേശദ്രോഹ കുറവുമല്ല. അത് ഒരു സാമ്പത്തിക കുറ്റകൃത്യം മാത്രമാണ്. കള്ളക്കടത്ത് നടത്തിയാല്‍ പിഴ ഈടാക്കി പ്രതിയെ വിടാം. അതാണ് ഇക്കാലമത്രയും നടന്നിട്ടുള്ളത്.
റമീസിനെ സംശയത്തിന്റെ നിഴലില്‍ നിര്‍ത്തിയാണ് എന്‍ ഐ എ മുന്നോട്ടു പോകുന്നത്. കേസ് രജിസ്റ്റര്‍ ചെയ്ത ഒരു മാസം തികഞ്ഞിട്ടും കുറ്റം തെളിയിക്കാന്‍ എന്‍ ഐ എക്ക് കഴിഞ്ഞിട്ടില്ല. സ്വര്‍ണ്ണക്കടത്ത് കേസ് എന്‍ ഐ എയെ ഏല്‍പ്പിച്ചത് എടുത്തുചാട്ടമായോ എന്ന് സംശയിക്കുന്ന ബി ജെ പി നേതാക്കള്‍ കേരളത്തിലുണ്ട്. ബിജെപിയാണ് സ്വപ്‌നയുടെ കേസ് എന്‍ ഐ എയെ ഏല്‍പ്പിക്കാന്‍ ചരടു വലിച്ചത്. അതിന് കേരള മുഖ്യമന്ത്രിയുടെ കത്ത് ആയുധമായെന്ന് മാത്രം.
രാജ്യം പോലും ശ്രദ്ധിക്കുന്ന ഒരു സെന്‍സേഷണല്‍ വിഷയമായി സ്വപ്‌ന മാറിയതിനാല്‍ ജാമ്യം ലഭിക്കുകയാണെങ്കില്‍ അത് ദേശീയ, ദേശീയാന്തര തലങ്ങളില്‍ വലിയ വാര്‍ത്തയായി മാറും. എന്‍ ഐ എയുടെ ചരിത്രത്തില്‍ ആദ്യമായാണ് ഒരു കേസ് അന്വേഷിക്കാന്‍ ഇത്രയധികം ദിവസങ്ങള്‍ എടുക്കുന്നത്. എന്‍ ഐ എ സംഘം യു എ ഇയില്‍ പോകുന്നതും അന്വേഷണത്തിന്റെ ഭാഗമായി തന്നെയാണ്. എന്നാല്‍ കോണ്‍സല്‍ ജനറലിലേക്ക് കാര്യങ്ങള്‍ തിരിയുമ്പോള്‍ ഭാരതം എന്തു തീരുമാനമെടുക്കുമെന്ന് കണ്ടറിയണം.
സ്വപ്‌നക്കേസ് നീരാവിയായാല്‍ 2021 ല്‍ പിണറായി അധികാരത്തില്‍ മടങ്ങിയെത്താനുള്ള സാധ്യത തള്ളികളയാനാവില്ലെന്ന രാഷ്ട്രീയ പ്രാധാന്യവും ഈ കേസിനുണ്ട്. അതിനാല്‍ സ്വപ്‌നക്ക് എന്ന പോലെ പിണറായിക്കും നിര്‍ണായകമാണ് കേസ്.
https://www.facebook.com/Malayalivartha
